OKWA EYI 75
“Kpọ Emi Gwu! Ria Emi!”
(Asaya 6:8)
1. Ebi ene mikan̄ ataak
Ikeme Awaji kiji.
Usini ene ekikeek
“M’ikibe kpunu Awaji.
Ekene obosi ilook
Etip ofolek Awaji?
(KORỌS 1)
Kpọ emi gwu! Ria ’mi, ria ’mi!
Matọn̄ owu usen geelek.
Onyi emi ikpele irek.
Kpọ emi gwu! Ria ’mi, ria ’mi!’
2. Ebi ene ekitumu
Ibe ke okifiat mgbọ,
Kpekaan̄ ukpook me lek kwun̄ si,
Ekiriaak mkpọ ekọkọ.
Ekene obolook ema
Ibe ’nwene mè ’kaan̄ ugwem?
(KORỌS 2)
Kpọ emi gwu! Ria ’mi, ria ’mi!
Masa unye ’jit ikilook.
Ntaba ubọk me utọn̄ kwun̄
Kpọ emi gwu! Ria ’mi, ria ’mi!’
3. Ebi ikaan̄ ata ejit
Ekiweek atikọ eyi.
Okinyi esuuk me ejit
M’inyọn̄ eyi kpunube ’suuk.
Ekene obosa etip
Esuuk ikat ema ejit?
(KORỌS 3)
Kpọ emi gwu! Ria ’mi, ria ’mi!
Masa m’ime inyi ema
Ukarajit me’men Usem Kwun̄.
Kpọ emi gwu! Ria ’mi, ria ’mi!’
(Fuk si Itọn̄. 10:4; Ijik. 9:4.)