“Ìsan̄a Otutuuk Awaji Ebi Ofifi Ido”

Jekọp iriọọn̄ ibe ke ire Jioba gaalek ogbe ogwu ebetọbọ ebum enyi, ikerere ibe ke Jioba ikanyinyi ikan okekeke ikeme ifafaka mkpọmfaka nu. (Isis 20:3-5) Eya orọ, mgbọ Jekọp onan̄abe ikifo Beten ike Jioba otemebe ọmọ, itumu inyi otutuuk ebi igọgọọk ọmọ ibe esan̄a mkpọmfaka geelek okup me etete kiban̄ esibi. Jekọp okpukpulu mkpọmfaka cha, eyi ogọbọ mkputọn̄, ifuun̄, mira itap mkputọn̄ cha kubọk inu ibem lek. (Ibeb 35:1-4) Kpolọlọ, Jioba ibele ejit me lek irọrọ kè Jekọp.

Me chereyi, kpa ubọk ke eji ebesa ikitọbọ ebum inyi Jioba gaalek? Mkpọ ge okukup ufiak eji eberọ ire ijijit mkpọ geelek okakaan̄ mgbaan̄ me lek mkpọmfaka mè iyaka ire ebi ijo ekwukwu. Eyi igọbọ isasan̄a mkpọ geelek eji ekaan̄be ogbaan̄ me lek ogbo nlelet mè igbagbala chieen̄ ikpọ inu inwọọn̄ lek kiji. Kubọk inu njeen̄, do lek kwun̄ ibe: ‘Ire ikpa mè iyaka ire fidio oben mkpọ ofolek ebi ijo ekwukwu ke nkima ifufuk mè iyaka ire ikpọ ni? Ire ekijeen̄ mkpọ ofolek ebi ijo ekwukwu kubọk inu ekisa inwọọn̄ lek eyi kposan̄age unan geege isibi ni?’ Eji meda lek kiji ibọkọ me lek inu geelek Jioba ochabe.—Itọn̄ 97:10.

IKPỌ DRAMA FIDIO “IJIT YỌK,” MÈ IFỌỌK IDODO CHI:

• 

  Kpasi ufialek ke ogwu okikween̄ Baibul Palesa ochichini?

• 

  Keke orọ irebe mkpọ iriọọn̄ inu iweweek ntap ubọk ebi ugane ntitiin̄ ire ene ikaan̄ mgbaan̄ me lek ebi ijo ekwukwu?

• 

  Ire keke ke ebi iweek mbem kè Jioba ebesan̄a lek me lek?

• Kpasi ntumu-mfieek mè inu ke Palesa orọ?

• Me agan̄ olukbe, keke ore usini oniin̄ ebekọt isa ijit mgbaan̄ me lek ebi ijo ekwukwu?