Ike Obosa Ubọk Ibene Ukpatu Irọ Mkpọ

Karake Okpa Onyan̄ me acha 2018, ke ebene ikitap ubọk ibene ukpatu me Ikpa Nkween̄mkpọ—Ugwem Mè Ikwaan̄ Kiji Kubọk Ebi Eyi Karais. Kpa ubọk ke eji ebekọt isa ubọk ibene ukpatu cha irọ mkpọ?

Inu Nrọ Me Nkween̄mkpọ: Sa idodo, ere Baibul, mè idodo ebefọọk ofifi mgbọ okup me ubọk ibene ukpatu sa rọ mkpọ. Ire, eyi ikasibi ibe ke obosasa usem yaage esabe irọ mkpọ me fidio ubọk ibene ukpatu irọ mkpọ. Omokọt isa esese oniin̄ ibene ukpatu. Omokọt inyi ikpa ge me lek echi okup me Okop Mkpọ Ikwaan̄ kiji, ikerere ibe ke kpebe orọ ikeya me ntọ ubọk enyibe me agọọk oborọ.

Me Uko: Esan̄a ubọk ibene ukpatu isibi isasa itap ubọk inyi eji. Ire ene ijeen̄ ulọk mè iweek irọriọọn̄ igbaalek, omokọt igọọk ọmo ikpa igbaalek, omokọt isa ubọk ibene ukpatu eyi nje nchak irọ mkpọ si. Omokọt irọ unwene me lek ubọk ibene ukpatu mè iyaka ire isa esese ukpatu irọ mkpọ me uko. Ire ibot usem esabe irọ mkpọ me onyan̄ oraraka, mè iyaka ire ofifi ere Baibul moriki ulọk owuwa ene me agan̄ kinyi ni? Me agan̄ kinyi, ire ebi ene mimalek ikaan̄ ulọk me lek mkpọ okibọkọ irek mè iyaka ire etip okweek me ijọn̄ me oke mgbọ ya? Ubọk geelek ogobobe isasa ubọk ibene ukpatu irọ mkpọ, ‘kirọ otutuuk inu mije ata etip, inyi okọt okogọọk ebi ene okpa etip ya.’—1 Kọr 9:22, 23.