Omokọt Ilook Ata Etip Mè Ijeen̄ Mkpọ!

Me adasi mgbọ, Mosis ikikeek ibe ke ọmọ ikpokọt irọ ikwaan̄ Jioba onyibe ọmọ. (Isis 4:10, 13) Ire owuuk lek ikeek ikeya ni? Ire okekigọọk Ebi Ata-Ikọ Jioba ikween̄ Baibul? Ire okikeek ibe ke okpokọt igọọk ikisi ilook ata etip inan̄a me uwu ire uwu? Omokọt ire ogwu ijija okitet ikaan̄ mè ilolook ata etip me uwu ikpa kwun̄. Mè iyaka ire, okikaan̄ ukpook ofolek ilolook ata etip me ere uwa ene mè iyaka ire isa okpọ etip ilook ata etip. Beek Jioba ibe isa ekwukwu mbuban kan̄ itap owu efuuk me emen. (1 Pita 4:11) Kaan̄ utoon̄ ejit ibe ke ọmọ motap ubọk inyi owu okọt osi ikwaan̄ geelek inyibe owu.—Isis 4:11, 12.

IKPỌ FIDIO RE OGWU OTETET LEK INYE . . . OGWU OKILOOK ATA ETIP MÈ IFỌỌK IDODO CHI:

• Kpasi rumurumun̄ ke gwun̄ ute enenwaan̄ Aoyama ochichini?

• Ere owa ke gwun̄ ute ya okaan̄ efuuk mè ukarajit?—Jer 20:7-9

• Kpasi oruru ke gwun̄ ute ya okaan̄ sa me isasan̄a lek kan̄ isibi irọ ikwaan̄ Jioba?

• Kpasi rumurumun̄ me ikwaan̄ uko ke Jioba obotap ubọk inyi owu okọt otim ogak?