Ikpa Okikpa Nkween̄mkpọ Ugwem Mè Ikwaan̄ Kiji Kubọk Ebi Eyi Karais
AKỌP MÈ ONYAN̄ IBA 7-13
INU UNYE OTU EWE OKUP ME USEM AWAJI | LIBITIKỌS 10-11
“Ima Ekaan̄be Me Lek Jioba Imin Igak Ima Ekaan̄be Me Lek Ebi Ototun̄ Ukan̄”
(Libitikọs 10:1, 2) Ene iba me lek bọn ebirieen̄ kè Erọn, Nadabu mè Abiyu, enenimọnọ ngigọ nsensi ge ge, mè itap ukan̄ me emen, mè inigwọ nsensi itap me emen ikiwọp isa inyi [Jioba, NW ]. Ire, ukan̄ ya ema etapbe me emen ngigọ kiban̄ cha ìre esese ukan̄, ìkare ukan̄ [Jioba, NW ] onyibe ida ibe esa enu me isi kan̄. 2 Mgbọ yaage, ukan̄ onanan̄a me isi [Jioba, NW ] isibi, mè itaka ema ene iba ikọọk, ema ekwakwaan̄ me ere ya, me isi [Jioba, NW ].
it-1 1174
Inu Ikajege Ikike Me Lek Ikan
Ukan̄ Mè Nsensi Eyi Awaji Ikanyige Ida Ibe Esa Enu Me Isi Kan̄. Me ikpa Libitikọs 10:1, misa usem Iburu zar (mè iyaka ire za·rahʹ; eyi osibi nke nke) ikpa mkpọ ofolek ukan̄ Nadabu mè Abiyu esabe inu me isi Awaji, ‘eyi ikanyige ida ibe esa enu me isi kan̄,’ eyi orọrọ inyi Jioba isa ukan̄ ikpan̄ ema. (Lib 10:2; Ifuk 3:4; 26:61) Jioba itumu inyi Erọn ibe: “Owu mè bọn kwun̄, ikanwọ unye miin̄ geege, ikanwọnwọ si miin̄ geege òkisa ene, me mgbọ enyi ebenin̄ atanga chinichini, inyi enyi ekakwaan̄. Eyi ìre ikan òbokup ire ukot kinyi geelek. Ikanwọ miin̄ òkisa ene, inyi enyi mêkọtbe iriọọn̄ esese òkup me etete inu òkup mbuban mè inu òchachaka mbuban, mè iriọọn̄ si esese òkup me etete inu eyi ikatanage me isi [Jioba, NW ] mè eyi òtatana, inyi enyi mêkọtbe ikijeen̄ ebi Ijeren otutuuk ikan echi [Jioba, NW ] onyibe ema inan̄a me ubọk kè Mosis.” (Lib 10:8-11) Inu yi Jioba otumube ikijeen̄ ibe ke Nadabu mè Abiyu enwọnwọ miin̄ isa, eya orọ inyi ema ekọt esa ukan̄ eyi ikagbege enu me isi kan̄. Mokọt ire ibe ke ema esa ukan̄ yi inu me mgbọ, me ere, mè ubọk olọlọ, mè iyaka ire ikare nsensi eyi ekpabe mkpọ ofolek me ikpa Isisibi 30:34, 35. Awaji ikatele inyi ema bak lek esabe me chieen̄ miin̄ irọ ijo inu ya.
(Libitikọs 10:4, 5) Mosis onenigwen Misayen mè Elisapan, bọn ebirieen̄ kè Ujiyen ngwan̄ nte kè Erọn, mè itumu inyi ema ibe, “Ìna ìniben nkwukwu bọn ngwan̄ nte kinyi ìsibi me ere mbuban ìsa ìfo udun̄ ama.” 5 Ema enunu, mè initet nkwukwu ife cha me lek ofọnti kiban̄, mè iben ema isa isibi ifo udun̄ ama, ike Mosis onyibe ema ida.
(Libitikọs 10:6, 7) Mosis onenitumu inyi Erọn mè ebi bọn ebirieen̄ iba, Elieja mè Itama, ibe, “Ikatele ibe ijeek ibot kinyi igwugwaka, ikagwagwak si ofọnti me lek kinyi ìfieek ejit. Ire enyi irọ, enyi mêkwaan̄. Unaan̄-ejit [Jioba, NW ] si mônenirọn̄ ikeme otutuuk ido ebi Ijeren. Ire, ebi ngwan̄ kinyi, ìrere otutuuk ebi Ijeren, mêkọt ifieek ejit, mè ito ito inyi ebi [Jioba, NW ] oriabe ukan̄ itaka ikpan̄. 7 Ìmun̄ ibe ke enyi kpenan̄a me Atanga Chinichini yi isibi, inyi enyi ekakwaan̄. Mije, aran̄ [Jioba, NW ] òwa me ibot kinyi.” Ema erọrọ si ike Mosis otumube.
w11 7/15 31 ¶16
Ire Onin̄ Me Emen Isiki-efuuk Eyi Awaji Ni?
16 Erọn, ngwan̄ kè Mosis ichichini irek oyọyọt. Keek-nu ubọk ikupbe ọmọ me lek mgbọ Jioba okpan̄be Nadabu mè Abiyu, nsabọn kan̄ mije ema esabe ukan̄ inu me isi kan̄, eyi ikanyige ida ibe ema esa enu. Eyi itap uyaka me lek mgbaan̄je ema ekaan̄be melek nte kiban̄ mè nga kiban̄. Jioba itumu inyi Erọn mè ebi bọn igbegbe utoon̄-ejit ibe: “Ikatele ibe ijeek ibot kinyi igwugwaka, ikagwagwak si ofọnti me lek kinyi ìfieek ejit. Ire enyi irọ, enyi mêkwaan̄. Unaan̄-ejit [Jioba, NW ] si mônenirọn̄ ikeme otutuuk ido ebi Ijeren.” (Lib 10:1-6) Mkpọ Awaji otumube inyi ema isibi utoon̄. Ima eji ekaan̄be me lek Jioba ibonyenye igak ima eji ekaan̄be me lek ebi ototun̄ ukan̄ kiji, ebi ekagbege utoon̄-ejit.
Week Inu Unye Otu Ewe Okup Me Usem Awaji
(Libitikọs 10:8-11) [Jioba, NW ] onenitumu inyi Erọn ibe, 9 “Owu mè bọn kwun̄, ikanwọ unye miin̄ geege, ikanwọnwọ si miin̄ geege òkisa ene, me mgbọ enyi ebenin̄ Atanga Chinichini, inyi enyi ekakwaan̄. Eyi ìre ikan òbokup ire ukot kinyi geelek. 10 Ikanwọ miin̄ òkisa ene, inyi enyi mêkọtbe iriọọn̄ esese òkup me etete inu òkup mbuban mè inu òchachaka mbuban, mè iriọọn̄ si esese òkup me etete inu eyi ikatanage me isi [Jioba, NW ] mè eyi òtatana, 11 inyi enyi mêkọtbe ikijeen̄ ebi Ijeren otutuuk ikan echi [Jioba, NW ] onyibe ema inan̄a me ubọk kè Mosis.”
w14 11/15 17 ¶18
Eji Kpelọlọ Ikukup Me Mbuban Me Eru Kiji
18 Inyi eji ekọt ekup me mbuban, eji meriọọn̄-ubọk ikikween̄ Baibul mè ikirọ inu geelek Awaji oweekbe me ubọk kiji. Kawuuk ibe ke mikpan̄ Nadabu mè Abiyu mije ‘ukan̄ esabe inu me isi Awaji, eyi ikanyige ida ibe esa enu,’ mokọt ire mgbọ ema enwọbe miin̄ isa ke ema erọ eyi. (Lib 10:1, 2) Taba iman̄ me lek mkpọ Awaji otumube inyi Erọn. (Fuk Libitikọs 10:8-11.) Ire inu egebe me ere yi isibi ibe ke eji kpebekinwọ miin̄ geege eyi okisa ene sabum eji ebesi ntitiin̄ ebi eyi Karais ni? Keek inu chi nu: Eji kpekup me irak Ikan kè Mosis. (Rom 10:4) Me usini ido, ebi melek kiji ekupbe me ichechieek ekinwọ miin̄ okisa ene me okem-okem me mgbọ ema ekirie inorie sabum enesi nkween̄mkpọ. Ekisa ekpen̄ miin̄ ini irọ Ijọk Iraraka. Mgbọ Jisọs otọbọbe ọdọ Orirọ Isasa Ikeek Mkpa kan̄, inyi ebi otuchieen̄ kan̄ miin̄ eyi okekeke ichit chieen̄ eje kan̄ ibe enwọ. (Mat 26:27) Baibul ikeke ikeme ikekimalek inwọ miin̄ mè inwọnwọ miin̄ isa. (1 Kọr 6:10; 1 Tim 3:8) Owuwa ebi eyi Karais ire ebi nkeek kiban̄ ikachieekge ibe ekenwọ miin̄ obokọt isa ene sabum eberọ ikwaan̄ geelek me ntitiin̄ Awaji. Ubọk ekirọ inu me ido ge mokọt ikup esese me lek ubọk ekirọ inu me ofifi ido. Inu okukup ufiak ire ebi eyi Karais ikọkọt “iriọọn̄ esese òkup me etete inu òkup mbuban mè inu òchachaka mbuban” inyi ema mekọt ikikup me mbuban mè isa me ikeya ikirọ inu Awaji oweekbe.
(Libitikọs 11:8) Ikakitaka otutuuk anam chi, ikachachak si ubọk me lek nkwukwu kiban̄, mije, ema mêchaka enyi mbuban me lek.
it-1 111 ¶5
Anam
Ikan yi ikup isa inyi ebi ikukup me irak Ikan kè Mosis, ofolek ebi Ijeren, ikpa Libitikọs 11:8 ibe: “Ema mêchaka enyi mbuban me lek.” Inan̄a me lek ngwugwa mkpenwene kè Jisọs, mitap uyaka me lek Ikan ya. Igọọk me lek mkpọ Awaji otumube inyi Nuwa mgbọ Mun̄ Ile otabe, otutuuk ebilene mekọt iyaka ibene ikitaka anam geelek ema eweekbe itataka.—Kọl 2:13-17; Ibeb 9:3, 4.
Ifufuk Baibul
(Libitikọs 10:1-15) Ene iba me lek bọn ebirieen̄ kè Erọn, Nadabu mè Abiyu, enenimọnọ ngigọ nsensi ge ge, mè itap ukan̄ me emen, mè inigwọ nsensi itap me emen ikiwọp isa inyi [Jioba, NW ]. Ire, ukan̄ ya ema etapbe me emen ngigọ kiban̄ cha ìre esese ukan̄, ìkare ukan̄ [Jioba, NW ] onyibe ida ibe esa enu me isi kan̄. 2 Mgbọ yaage, ukan̄ onanan̄a me isi [Jioba, NW ] isibi, mè itaka ema ene iba ikọọk, ema ekwakwaan̄ me ere ya, me isi [Jioba, NW ]. 3 Mosis onenitumu inyi Erọn ibe, “Ke inu [Jioba, NW ] otumube ya ire eyi! [Jioba, NW ] ìtumu ibe, ‘Me etete ebi ìgbegbet emi lek, emi m̀bakukup me mbuban! Me chieen̄ otutuuk ebi ene, emi m̀bakakaan̄ umin!’ ” Otu ochichit Erọn, ìkakọt ìsan̄a amọn. 4 Mosis onenigwen Misayen mè Elisapan, bọn ebirieen̄ kè Ujiyen ngwan̄ nte kè Erọn, mè itumu inyi ema ibe, “Ìna ìniben nkwukwu bọn ngwan̄ nte kinyi ìsibi me ere mbuban ìsa ìfo udun̄ ama.” 5 Ema enunu, mè initet nkwukwu ife cha me lek ofọnti kiban̄, mè iben ema isa isibi ifo udun̄ ama, ike Mosis onyibe ema ida. 6 Mosis onenitumu inyi Erọn mè ebi bọn ebirieen̄ iba, Elieja mè Itama, ibe, “Ikatele ibe ijeek ibot kinyi igwugwaka, ikagwagwak si ofọnti me lek kinyi ìfieek ejit. Ire enyi irọ, enyi mêkwaan̄. Unaan̄-ejit [Jioba, NW ] si mônenirọn̄ ikeme otutuuk ido ebi Ijeren. Ire, ebi ngwan̄ kinyi, ìrere otutuuk ebi Ijeren, mêkọt ifieek ejit, mè ito ito inyi ebi [Jioba, NW ] oriabe ukan̄ itaka ikpan̄. 7 Ìmun̄ ibe ke enyi kpenan̄a me Atanga Chinichini yi isibi, inyi enyi ekakwaan̄. Mije, aran̄ [Jioba, NW ] òwa me ibot kinyi.” Ema erọrọ si ike Mosis otumube. 8 [Jioba, NW ] onenitumu inyi Erọn ibe, 9 “Owu mè bọn kwun̄, ikanwọ unye miin̄ geege, ikanwọnwọ si miin̄ geege òkisa ene, me mgbọ enyi ebenin̄ Atanga Chinichini, inyi enyi ekakwaan̄. Eyi ìre ikan òbokup ire ukot kinyi geelek. 10 Ikanwọ miin̄ òkisa ene, inyi enyi mêkọtbe iriọọn̄ esese òkup me etete inu òkup mbuban mè inu òchachaka mbuban, mè iriọọn̄ si esese òkup me etete inu eyi ikatanage me isi [Jioba, NW ] mè eyi òtatana, 11 inyi enyi mêkọtbe ikijeen̄ ebi Ijeren otutuuk ikan echi [Jioba, NW ] onyibe ema inan̄a me ubọk kè Mosis.” 12 Mosis onenitumu inyi Erọn melek bọn ebirieen̄ iba kan̄ ìsisik me ugwem, Elieja mè Itama, ibe, “Ìmọnọ inorie ngwugwa akpa òsik me lek inu esabe igwa ngwugwa ukan̄ inyi [Jioba, NW ], mè irie fituru eyi kpunube olat me lek ya me agba lek ntook ngwugwa, mije, îre inorie òkup mbuban ichit. 13 Ìrie inorie ya me ere òkup me mbuban, mije, eyi ìre uche kwun̄ mè eyi bọn kwun̄ me lek ngwugwa ukan̄ egwabe inyi [Jioba, NW ]. Îre ikeyi ke [Jioba, NW ] onyi emi ida ibe erọ. 14 Ire, owu mè bọn kwun̄ ebirieen̄ mè bọn kwun̄ ebibaan̄ ebetaka ngọ ejit mè ukot anam ngwugwa ewuwuwum. Echichi ìre uche kwun̄ mè uche bọn kwun̄ ònan̄a me lek ngwugwa esuuk ebi Ijeren egwabe. Enyi ebekup me ere òkup me mbuban itaka anam cha. 15 Owut ukot anam ngwugwa geelek ebenebe ifo inyọn̄ mè ngọ ejit anam geelek esabe igwa ngwugwa ewuwuwum inyi [Jioba, NW ], eyi òje me lek okpọn̄ esabe igwa ngwugwa ukan̄, mêsa inu, inyi ewuwum kubọk ngwugwa ewuwuwum me isi [Jioba, NW ]. Okpọkọ anam kechichi ìkup inyi owu. Eyi ìre ikan òbokup me ukot geelek, ike [Jioba, NW ] onyibe ida.”
AKỌP MÈ ONYAN̄ IBA 14-20
INU UNYE OTU EWE OKUP ME USEM AWAJI | LIBITIKỌS 12-13
“Kween̄ Mkpọ Nan̄a Me Lek Ikan Ofolek Orukan Inyakpa”
(Libitikọs 13:4, 5) Ire ere ya itana, mè ìkadọk ìgak otutuuk ere òkukup ikana, mè ire inwọọn̄ òkup me ere ya ìkakana isọọn̄ isọọn̄, ogwu ngwugwa ya môchit ene ya isan̄a me etete ebi ene mege usen jaaba. 5 Me òso usen jaaba, ogwu ngwugwa ya môkpọk iruk chieen̄ ikpọ akpalek ogwu ene ya. Ire ǹrọọn̄ ya ikup ubọk yaage, ìkataka ìwele ìgak ike îwuukbe lek ikup, ogwu ngwugwa ya môkpọk ichit ogwu orukan̄ ya isan̄a me etete ebi ene ofifi usen jaaba si.
wp18.1 7
Inu Baibul Otumube, Ire Mgbọ Kan̄ Iraka sa ire Ikitumu Mkpọ Echi Ebi Ene Ebeyaka Iniweek Iriọọn̄?
• Ichichit ebi orukan̄ isan̄a me etete ebi ene.
Ikan Awaji onyibe inan̄a me ubọk kè Mosis ibe mè ekechit ebi ikakaan̄ orukan̄ inyakpa esan̄a me etete ebi ofifi ife. Ebi ofia ebeke kpebene igọọk onineen̄ yi mege ire mgbọ orukan̄ okije me emen efet okpan̄be ogbogbo ene me efit acha jaaba oraraka, igọgọọk onineen̄ yi ikaan̄ oruru mege inire chereyi si.—Libitikọs, ibot 13 mè 14.
(Libitikọs 13:45, 46) “Ogwu orukan̄ inyakpa geelek ìbokitap ǹgwak ofọnti, mè ikisun̄ ijeek kan̄ jakajakajaka, mè ikichit isi kan̄ ibene me otu kan̄ isi ire mferek. Mgbọ geelek îkije me oniin̄, môkitaan̄ ukpo itumu ibe, ‘Ǹkatana! Ǹkatana!’ 46 Otutuuk mgbọ inyakpa ya okupbe ene ya me lek, ọmọ ìbore ogwu mbuban ochakabe me lek. Ìbokup ọmọ gaalek me udun̄ ama, inan̄a me etete ebi ene.
wp16.4 9 ¶1
Ire Oriọọn̄ Ni?
Ebi Ju me ukot ikaan̄ ekitet ukpook mè ibeben mbet lek orukan̄ inyakpa ekimalek ifiak me ukot mgbọ Baibul. Ijo orukan̄ yi ikifiat ene lek enenen. Me mgbọ ya, ebi ene kperiọọn̄ ugwun̄ ekisa igwa orukan̄ inyakpa. Kpan̄asi ikeya, ekisan̄a ebi ikakaan̄ orukan̄ yi me etete ebi ene, ema si ire ebi ibekilook ebi ofifi ife ibe ke ema mikaan̄ orukan̄ inyakpa yi inyi ikatobo ema.—Libitikọs 13:45, 46.
(Libitikọs 13:52) Mije keyi, ebewọwọp ofọnti ya mè ìre ekwut geelek elọlọk mè echi ekpakpa eyi esabe inwọọn̄ anam mè ìre lilin̄ ilọk, mè ìre otutuuk inu geelek esabe ikpa anam irom eyi mbubeek ya ogwookbe me lek. Ebetatap ukan̄ me lek iwọp itaka iriọk.
(Libitikọs 13:57) Ire, me mgbọ egwọkbe ofọnti ya isan̄a, ire mbubeek ya ikpọk isibi si me lek ofọnti ya, mè ìre me lek ekwut geelek elọlọk mè echi ekpakpa eyi esabe inwọọn̄ anam mè ìre lilin̄ ilọk, mè ìre me lek inu esabe ikpa anam irom ya, ebetatap ukan̄ iwọp inu ya geelek mbubeek okupbe me lek itaka iriọk.
it-2 238 ¶3
Mbubeek
Me lek ofọnti mè akpalek uwu. Mbubeek ikekitibi me lek ofọnti esabe inwọọn̄ anam mè ìre lilin̄ ilọk mè inu esabe ikpa anam irom. Ire egwọk ofọnti mè iyaka ire ekwut mbubeek ogwookbe me lek, mbubeek ya mokọt inan̄a me lek ofọnti ya, ire, ire ikanan̄a, mekọt ichit ofọnti ya me otu ifuk usen ogbegbe. Ire, ire mbubeek òkup chieen̄ njijoon̄ inwan̄ njijoon̄ inwan̄ mè ìre araran̄ igwook me lek mkpọ, ebewọwọp mkpọ ya. (Lib 13:47-59) Ire itibi me lek akpalek uwu, ogwu ngwugwa mogon isotu uwu ya usen jaaba. Megbugbọ akpa lek uwu ya ere mbubeek ya otibibe mè ikwat otutuuk akpalek uwu ya ikana me agan̄ emen mè ikpulu ewuuk cha ifo udun̄ ama, isi itọọn̄ ifiin̄ me ere òkaan̄ mbuban me lek. Ire mbubeek ya ikpọk iso lek uwu ya, mbuban ichaka me lek uwu ya. Ebegbugbugbọ uwu ya ito me ijọn̄, mè ikpulu otutuuk ewuuk mè uti geelek òkup me lek uwu ya isi itọọn̄ ifiin̄. Ire, uwu geelek mbuban otabe me lek ire eyi ebegwọk igọọk me lek ntọ-ubọk Awaji onyibe. (Lib 14:33-57) Ntọ-ubọk Jioba onyibe ofolek orukan̄ inyakpa ikpọk mbum udọk udọk ima ikaan̄be me lek ebi eyi kan̄, iweek si ibe ema ekaan̄ unye-akpalek.
Week Inu Unye Otu Ewe Okup Me Usem Awaji
(Libitikọs 12:2) itumu inyi ebi Ijeren ibe, “Ogwu enenwaan̄ geelek òninin̄ owot iman gwun̄ enerieen̄ môkaan̄ orieen̄ me lek mege usen jaaba, ike îkikaan̄ orieen̄ me lek onyan̄ geelek mgbọ îkikup me irek ebibaan̄.
(Libitikọs 12:5) Ire, ire gwun̄ enenwaan̄ ke îman, orieen̄ môkup me lek kan̄ nde iba, ike îkikup onyan̄ geelek mgbọ îkikup me irek ebibaan̄. Nde iba ya isiso, ọmọ môkup me irek okọbọm akọp usen gweregwen mè gweregwen, inyi lek kan̄ ichat sabum ọmọ mônenitana.
w04 5/15 23 ¶2
Inu Ekpabe Ofolek Ikpa Libitikọs
12:2, 5—Keke orọ iman-gwun̄ okirọ inyi ogwu enenwaan̄ ikaan̄ “orieen̄ me lek”? Awaji irom ebilene me oniin̄ eyi ema mekọtbe ikiman mè ikibon nsabọn ebi isoso ikup. Ire, bak lek ijo inu ema ebọkọbe me irot, nsabọn chi ire ebi ikikaan̄ ijo inu me lek, kpekiso ifuk si. ‘Orieen̄’ okikup me lek ogwu enenwaan̄ me mgbọ imanbe gwun̄ mè mgbọ ikebimun̄ inu ebibaan̄, melek uyọ okisibi me lek ogwu enerieen̄ mè ofifi ofifi irek si okikeek eji mkpọ ofolek ijo inu eji ebọkọbe me irot ya. (Libitikọs 15:16-24; Okwa Itọn̄ 51:5; Ebi Rom 5:12) Ikan Awaji onyibe ofolek ubọk ebesa isun̄ ebi ikup me irek chi me mbuban motap ubọk inyi ebi Ijeren ekọt emun̄ ibe ke ngwugwa mkpenwene eyi obochit ijo inu ebilene mè irọ inyi ema eso ekup ikup ufiak. Ire mije keya ke Baibul otumu ibe ke Ikan ikup kubọk “ogwu òkijeen̄ eji inu, mege inire mgbọ Karais onube.”—Ebi Galesia 3:24.
(Libitikọs 12:3) Me òso usen jeeta, mêfieek gwun̄ ya afi.
wp18.1 7
Inu Baibul Otumube, Ire Mgbọ Kan̄ Iraka sa ire Ikitumu Mkpọ Echi Ebi Ene Ebeyaka Iniweek Iriọọn̄?
• Mgbọ ekebifieek gwun̄ afi.
Awaji inyi ikan ibe ekefieek gwun̄ enerieen̄ afi me òso usen jeeta emanbe ọmọ. (Libitikọs 12:3) Me emen akpalek nsabọn emanbe ayaya, mkpọ okirọ inyi eje ikifieek ikibene isi ikwaan̄ ijaan̄ nde ge isiraka me lek usen emanbe ema. Ikan ofolek ifefieek gwun̄ afi me òso usen jeeta ibem ugwem nsabọn sabum ebi ene enibebene ikikween̄ ubọk igwa-orukan̄ eyi obebene igak ubọk ekirọ me ukot mgbọ Baibul.
Ifufuk Baibul
(Libitikọs 13:9-28) “Ene geelek orukan̄ inyakpa okupbe me lek, mêsa ene ya ijet ogwu ngwugwa. 10 Ogwu ngwugwa môneniruk chieen̄ ikpọ akpalek ene ya. Ire imun̄ ibe ke ǹrọọn̄ òkup ene ya me lek ìtatana okuket, mè imun̄ ibe ke ǹrọọn̄ ya îrọ ibe inwọọn̄ òkup ikana me ere ya ikana isọọn̄ isọọn̄, mè imun̄ si ibe ke unan òkup me ere ya ìkup isi njijoon̄ njijoon̄, 11 ogwu ngwugwa ya môneniriọọn̄ ibe ke orukan̄ ya ìre inyakpa. Mije keya, mônenitumu isibi ibe ke mbuban îchaka me lek ene ya. Ìkpochit ene ya isan̄a me etete ebi ene, mije, îkpọk mbum ibe ke orukan̄ ya ìre inyakpa. 12 “Ire ǹrọọn̄ ya igwook ichit otutuuk akpalek ene ya, ibene me ibot ire ukot, mè ichit si otutuuk ere geelek ogwu ngwugwa ya okọtbe imọọn̄ me akpalek ene ya, 13 ogwu ngwugwa ya môkpọk iruk chieen̄ ikpọ lek ene ya. Ire imun̄, me atikọ, ibe ke ǹrọọn̄ ya îkpọk ichit otutuuk lek ene ya, ogwu ngwugwa ya môtumu isibi ibe ke ene ya ìkakaan̄ mbuban me lek, ke mbuban ìkayaka ìchaka me lek ene ya, mije, otutuuk lek ene ya îkana okuket. 14 Ire, mgbọ geelek chieen̄ ǹrọọn̄ cha otakabe, mè ikup isi njijoon̄ njijoon̄, ene ya ìkatana, mbuban îchaka me lek. 15 Ogwu ngwugwa isimun̄ njijoon̄ ufuk me emen ǹrọọn̄ ya, môtutumu isibi ibe ke mbuban îchaka me lek ene ya, mije, njijoon̄ ufuk ya ìre mbuban inu. Ǹrọọn̄ ya îkana inyakpa. 16 Ire ufuk òkup njijoon̄ njijoon̄ ya iyaka inigwu ikom ikana okuket okuket, ene ya môsa lek kan̄ isi ijeen̄ ogwu ngwugwa. 17 Ogwu ngwugwa mônenikpọk iruk chieen̄ ikpọ lek ene ya. Ire imun̄ ibe ke chieen̄ ǹrọọn̄ cha îbene ikitana okuket, môtumu isibi ibe ke ogwu ene ya ìkakaan̄ mbuban me lek. Ene ya mônenikana ogwu òtatana. 18 “Ire okporotu itibi ene me lek, mè ita, 19 me mgburudun̄, enenimun̄ ǹrọọn̄ okuket, mè iyaka ire ǹrọọn̄ okuket òninin̄ sọn̄ araran̄ me akpat ere okporotu ya otabe me lek ene ya, ene ya môsa lek kan̄ isi ijeen̄ ogwu ngwugwa. 20 Ire ogwu ngwugwa ikpọ lek ene ya, mè imun̄ ibe ke ere ya okporotu orọbe mè ita îyaka idọk igak ere òkukup ikana ọmọ, mè imun̄ si ibe ke inwọọn̄ òkup me ere ya îkana isọọn̄ isọọn̄, ogwu ngwugwa ya môtumu isibi ibe ke mbuban îchaka me lek ene ya, ke ǹrọọn̄ ya ìre ǹrọọn̄ inyakpa. Mije, îre orukan̄ inyakpa ire eya òbebene me lek ene ya, me ere mgbọ okporotu ya orọbe mè ita. 21 Ire, ire ogwu ngwugwa ya imun̄ ibe ke inwọọn̄ òkup me ere ya ìkakana okuket, ke ere ya si ìkadọk ìgak akpa òkukup ikana ọmọ, mè imun̄ si ibe ke ere ya ìyaka inikup joon̄, ogwu ngwugwa môchit ene ya isan̄a me etete ebi ene mege usen jaaba. 22 Ire ǹrọọn̄ ya ìkiyayat iwele me akpalek ene ya igak ike îkupbe me adasi, ogwu ngwugwa ya môtumu isibi ibe ke mbuban îchaka me lek ene ya, mije, ǹrọọn̄ ya ìre ǹrọọn̄ inyakpa. 23 Ire, ire imun̄ ibe ke chieen̄ ere ya ìkanwene, ke ìkayat si ìwele ìgak ike îkupbe me adasi, inu ya ìre gaalek oka akpat ere okporotu orọbe, mè ita isan̄a. Eya orọ, ogwu ngwugwa môtumu isibi ibe ke ene ya ìkakaan̄ mbuban me lek. 24 “Ire ukan̄ itaka ene me akpalek, akpat ere ya onenikup lek ge araran̄, lek ge okuket, mè ìyaka ire okuket isi ge, 25 ogwu ngwugwa môkpọ ene ya lek. Ire inwọọn̄ òkup me ere ya ikana isọọn̄ isọọn̄, mè akpat ere ya idọk igak akpa òkukup ikana ere ya, orukan̄ inyakpa ire eya òbebene me akpat ukan̄ ya me lek ene ya. Ogwu ngwugwa ya môtumu isibi ibe ke mbuban îchaka me lek ene ya, mije, orukan̄ ya ìre inyakpa. 26 Ire, ire ogwu ngwugwa ikpọ, mè imun̄ ibe ke inwọọn̄ ere ya ìkakana okuket, mè imun̄ si ibe ke ere ya ìkadọk ìgak akpa òkukup ikana ọmọ, ke ere ya ìkup joon̄, ogwu ngwugwa môchit ene ya isan̄a me etete ebi ene mege usen jaaba. 27 Me òso usen jaaba ya, ogwu ngwugwa môkpọk ikpọ ene ya lek. Ire imun̄ ibe ke ere ya ìkiyayat iwele me akpalek ene ya, ogwu ngwugwa ya môtumu isibi ibe ke mbuban îchaka me lek ene ya, mije, orukan̄ ya ìre inyakpa. 28 Ire, ire imun̄ ibe ke chieen̄ ere ya ìkanwene, ke ìkayat si ìwele ìgak ike îkupbe me adasi, mè imun̄ si ibe ke chieen̄ ere ya ìkup joon̄, inu ya ìre gaalek akpat ere ukan̄ otakabe. Eya orọ, ogwu ngwugwa môtumu isibi ibe ke ene ya ìkakaan̄ mbuban me lek.
AKỌP MÈ ONYAN̄ IBA 21-27
INU UNYE OTU EWE OKUP ME USEM AWAJI | LIBITIKỌS 14-15
“Ata Ntọbọ-Ebum Igọbọ Ikukup Me Utana”
(Libitikọs 15:13-15) “Ire orukan̄ ya ita me lek ene ya, mè mbuban ya isita ọmọ me lek, ene ya môfuk usen jaaba bene me usen orukan̄ ya otabe, mè inigwọk ofọnti kan̄, mè inisa ata mudim iken mun̄, mbuban mônenita ọmọ me lek. 14 Me òso usen jeeta, ogwu enerieen̄ ya orukan̄ otabe me lek mônenitet ekerekwukwu iba, mè ìre elesia iba, mè inu me isi [Jioba, NW ], me otu isotu Atanga Chinichini, mè inisa ema inyi ogwu ngwugwa. 15 Ogwu ngwugwa mônenisa ge me lek igwa ngwugwa ijo inu, mè inisa eyi keyilọ igwa ngwugwa ewọwọp iriọk, isa irọ esuuk me ibot ogwu ene ya me isi [Jioba, NW ] mije inu ya òsisibi ọmọ me lek.
it-1 263
Ikeken Mun̄
Ogwu orukan̄ inyakpa otabe me lek, ogwu ochachak ubọk me lek mkpọ ebi “inu okisibi me lek” esabe irọ mkpọ, ogwu enerieen̄ ogwu uyọ osibibe me lek, ogwu enenwaan̄ omumun̄ inu ebibaan̄, ogwu eje osibibe me lek iraka otu ifuk usen ogbegbe, mè iyaka ire ogwu enerieen̄ olalaak enenwaan̄ mikaan̄ “mbuban” me lek, igbe ibe eken mun̄ si. (Lib 14:8, 9; 15:4-27) Ogwu oninin̄ uwu ọfọ eyi ene okwube me emen mè iyaka ire ogwu òchachak ubọk me lek nkwukwu ebilene ikaan̄ “orieen̄” me lek, ibosasa mun̄ igwọk lek. Echichi ore usini inu okirọ inyi ebi Ijeren eken mun̄. Ene geelek ikachieekge isusun̄ ikan chi, “ebesasan̄a ogwu òkup ikeya isan̄a me etete ebi Ijeren, mije, îre atanga chinichini eyi [Jioba, NW ] ke îchaka mbuban me lek.” (Ifuk 19:20) Me irek ogugo, igwọgwọk lek ikeke ichit chieen̄ ikukup me utana me isi Jioba. (Itọn̄ 26:6; 73:13; Asaya 1:16; Ijik 16:9) Ikọ Jioba, eyi esabe itọt me lek mun̄ ikaan̄ unye isasa igwọk ene itana, kè eji ekesa Ikọ ya egwọk lek kiji etana.—Efes 5:26.
(Libitikọs 15:28-30) “Mgbọ eje ya òkisibi ogwu enenwaan̄ me lek isifieek, ọmọ môfuk usen jaaba itoon̄ me inyọn̄. Usen cha isiraka, mbuban mônenita ọmọ me lek. 29 Me òso usen jeeta kan̄, ogwu enenwaan̄ ya môtet ekerekwukwu iba, mè ìre asabọn elesia iba, mè isa ijet ogwu ngwugwa me isotu Atanga Chinichini. 30 Ogwu ngwugwa mônenisa ge igwa ngwugwa ijo inu, mè isa ge keyilọ igwa ngwugwa ewọwọp iriọk, mè isa me ikeya irọ esuuk me ibot ogwu enenwaan̄ ya me isi [Jioba, NW ], mije inu ebibaan̄ ya òchachaka ọmọ mbuban me lek.
it-2 372 ¶2
Irek Ebibaan̄
Ire ogwu enenwaan̄ imun̄ inu ebibaan̄ owuwa usen me ugeen̄ mgbọ mè iyaka ire imun̄ “inu ebibaan̄ iwa iraka otu ifuk usen îkimun̄ mgbọ îkikup me irek ebibaan̄,” ogwu enenwaan̄ ya ikaan̄ orieen̄ me lek, inu geelek ilaakbe me inyọn̄ mè inu geelek îkweekbe irek me inyọn̄ mè iyaka ire ene geelek ochachak ubọk me lek inu cha ikaan̄ mbuban me lek. Ire eje òkisibi ogwu enenwaan̄ ya me lek ifieek, môfuk usen jaaba itoon̄ me inyọn̄, usen cha isiraka, mbuban mônenita ọmọ me lek. Me òso usen jeeta kan̄, ogwu enenwaan̄ ya môtet ekerekwukwu iba, mè ìre asabọn elesia iba, mè isa ijet ogwu ngwugwa, ogwu ngwugwa mônenisa ge igwa ngwugwa ijo inu inyi Jioba, mè isa ge keyilọ igwa ngwugwa ewọwọp iriọk isa irọ esuuk me ibot ogwu enenwaan̄ ya.—Lib 15:19-30; kpọ si CLEAN, CLEANNESS.
(Libitikọs 15:31) “Îre sa me ikeyi ke enyi mêsan̄a ebi Ijeren isan̄a me lek inu òbokirọ inyi mbuban ichaka ema me lek, inyi ema ekachaka mbuban me lek Akpatan̄ Mbuban n̄a eyi òkup me etete kiban̄, mè ìsa me ikeya ìkwaan̄ ìta me emen mbuban kiban̄.”
it-1 1133
Ere Okup Mbuban
2. Atanga chinichini mè uwu mbuban. Ere chi ikukup me mbuban, ikerere oyet egep kiban̄. (Isis 38:24; 2 Mfuf 29:5; Ikwaan̄ 21:28) Okpan okpan mkpọ echi okup me emen oyet egep chi ire ntook ngwugwa mè okwa igwọk-lek, inu chi ikukup me mbuban. Gaalek ebi itatana ebekọt inin̄ oyet egep akpatan̄ mbuban mgbọ geelek; ikeya si, ogwu ikatanage ikpokọt inin̄ emen oyet egep uwu mbuban. Kubọk inu ijejeen̄, ogwu enenwaan̄ okakaan̄ orieen̄ me lek ikpokọt ichak ubọk me lek inu geelek okukup me mbuban mè iyaka ire isi ere okup me mbuban. (Lib 12:2-4) Ebi Ijeren ikakaan̄ mbuban me lek, ikikup kubọk ke ema ekichaka mbuban me lek akpatan̄ mbuban. (Lib 15:31) Ebi orukan̄ inyakpa otabe me lek, ebi isasa ngwugwa kiban̄ inu inyi ogwu ngwugwa igwọk ema lek ekiyaka me otu isotu ekije inin̄ oyet egep atanga chinichini. (Lib 14:11) Ire ogwu ochachaka mbuban itaka anam esabe igwa ngwugwa esuuk me akpatan̄ mbuban mè iyaka ire uwu mbuban, ebekpakpan̄ ene ya.—Lib 7:20, 21.
Week Inu Unye Otu Ewe Okup Me Usem Awaji
(Libitikọs 14:14) Ogwu ngwugwa ya môsa usini me lek eje arọọn̄ ngwugwa awọ ya ichak me inwan̄ utọn̄ agan̄ ulom ogwu ene ya, mè isa si ichak me otubọk ile kan̄ agan̄ ulom, mè otukot ile kan̄ agan̄ ulom.
(Libitikọs 14:17) Ogwu ngwugwa mônenisa usini aran̄ ya eyi òkup ọmọ me akajit ubọk ichak ogwu egwọkbe lek ya me inwan̄ utọn̄ agan̄ ulom, mè otubọk ile agan̄ ulom, mè otukot ile agan̄ ulom, mè igwook si usini eje ya me lek inu ngwugwa awọ ya.
(Libitikọs 14:25) mè inikpan̄ arọọn̄ ngwugwa awọ ya, mè inisa usini eje ònan̄a me lek ichak me inwan̄ utọn̄ agan̄ ulom ogwu ene ya, mè otubọk ile kan̄ agan̄ ulom, mè otukot ile kan̄ agan̄ ulom.
(Libitikọs 14:28) Ogwu ngwugwa mônenisa usini me lek aran̄ ya eyi òkup ọmọ me akajit ubọk ichak ogwu egwọkbe lek ya me inwan̄ utọn̄ agan̄ ulom, mè otubọk ile agan̄ ulom, mè otukot ile agan̄ ulom, òrere ere yaage îtoon̄be eje anam ngwugwa awọ ya.
it-1 665 ¶5
Utọn̄
Me mgbọ ekifaka ikwaan̄ itap me ubọk ebi ngwugwa me Ijeren, Awaji inyi Mosis ida ibe isa eje anam esabe irọ orirọ ya ichak me agan̄ ijọn̄ inwan̄ utọn̄ agan̄ ulom kè Erọn mè bọn kan̄, mè isa ichak si me otubọk ile agan̄ ulom kiban̄, mè otukot ile agan̄ ulom kiban̄. Eyi isibi ibe ke inu ema ebekigban̄, ubọk ema ebekisi ikwaan̄ kiban̄ mè eru kiban̄ ibokijejeen̄ ibe ke ema ekisiki ibot inyi Jioba. (Lib 8:22-24) Me oniin̄ yaage, igọọk me lek Ikan, ogwu ngwugwa ikisa aran̄ mè eje ichak me inwan̄ utọn̄ agan̄ ulom ogwu orukan̄ inyakpa otabe me lek. (Lib 14:14, 17, 25, 28) Ire mbet lek inu yi ke ekirọ ogwu usun̄ oweweek ikukup me irak ogwu nte uwu kan̄ ire mgbọ geelek. Metoon̄ utọn̄ ogwu usun̄ ya me lek afọn̄ mè ìre ubọk isotu, nte uwu kan̄ monenisa nkọm-ochichim itibi ọmọ utọn̄. Eyi ikeke ichit chieen̄ ulọk ogwu usun̄ ya okaan̄be mè ikukup inye ikisiki ibot inyi nte uwu kan̄.—Isis 21:5, 6.
(Libitikọs 14:43-45) “Ire, ire mbubeek ya iyaka ikpọk inibum isibi me akpalek uwu ya mgbọ egbugbọbe akpat ere eyi oka ya, mè isan̄a ewuuk mbubeek otibibe me lek cha, mè isa ayaya ewuuk ikpọk inama ichit ere ya, mè isa ayaya abọt ichọkọ ichit otutuuk akpalek uwu ya, 44 ogwu ngwugwa môkpọk inu inikpọ akpalek uwu ya. Ire imun̄ ibe ke mbubeek ya îkpọk iso lek uwu ya, mbubeek ya ìre mbuban mbubeek. Eya orọ, mbuban îchaka me lek uwu ya. 45 Ebegbugbugbọ uwu ya ito me ijọn̄, mè ikpọk ewuuk òkup me lek, mè ikpọk si uti geelek òkup me lek uwu ya, mè ikpulu otutuuk isibi me emen ama isa ifo udun̄ ama isi itọọn̄ ifiin̄ me ere òkaan̄ mbuban me lek.
g 1/06 14, box
Mbubeek—Unene mè Ochicha!
MBUBEEK ME UKOT MGBỌ BAIBUL
Baibul ichak otu me lek “mbubeek me lek akpalek uwu” orere, me ufuklek ewuuk esabe inama uwu ya. (Libitikọs 14:34-48) Awaji itumu ibe me egbugbọ akpa lek uwu ya ere mbubeek otibibe, ekwat otutuuk akpalek uwu ya ekana me agan̄ emen mè ekpulu ewuuk ònan̄a me ere ya echi mbubeek ya otibibe me lek mè inu ekwatbe cha esa esibi enan̄a me emen ama ya efo udun̄ ama, mè esi etọọn̄ efiin̄ “me ere òkaan̄ mbuban me lek.” Ire mbubeek ya îkpọk iso lek uwu ya, mbuban îchaka me lek uwu ya. Ebegbugbugbọ uwu ya ito me ijọn̄, mè ikpulu otutuuk ewuuk mè uti geelek òkup me lek uwu ya isi itọọn̄ ifiin̄. Ntọ-ubọk chi Jioba onyibe ikpọk mbum udọk udọk ima ikaan̄be me lek ebi eyi kan̄, iweek si ibe ema ekaan̄ unye-akpalek.
Ifufuk Baibul
(Libitikọs 14:1-18) [Jioba, NW ] onenitumu inyi Mosis ibe, 2 “Eyi ìre mfaka ebefaka me lek ogwu orukan̄ inyakpa otabe me lek me usen ebetumu isibi ibe ke ọmọ ìkakaan̄ mbuban me lek. Mêsa ene ya inu me isi ogwu ngwugwa. 3 Ogwu ngwugwa mônenisibi isi udun̄ ama isi ikpọ ene ya lek. Ire imun̄ ibe ke orukan̄ inyakpa ya îta me akpalek ene ya, 4 ogwu ngwugwa môneninyi ida ibe esa ofut iba ikakaan̄ge mbuban me lek mè okpọkọ uti olik mè eri eje eje mè mbubet isop ejet ogwu ebegwọk lek ya. 5 Ogwu ngwugwa môneninyi ida ibe ekpan̄ ge me lek ofut cha me otu otin̄ ibat ata mudim okupbe me emen, inyi eje kan̄ irọn̄ọ igwook me emen mudim ya. 6 Ogwu ngwugwa mônenitet ofut ge keyilọ òsisik me ugwem, mè imọnọ okpọkọ uti olik ya mè eri eje eje ya mè mbubet isop ya, mè iniben ema otutuuk ijiin̄ me emen eje ofut ekpan̄be ya eyi òrọrọn̄ọ igwook me emen ata mudim ya, 7 mè ininyan eje ofut ya igwook me lek ogwu ebegwọk lek ya mgbọ jaaba, isasa igwọk ọmọ lek, inyi mbuban ita ọmọ me lek, mè iniben ofut òkup me ugwem ya itọp, inyi iwulu ifo. 8 Ogwu egwọkbe lek mônenigwọk otutuuk ofọnti mè ekwut kan̄, mè ikwọkọ otutuuk ijeek ibot kan̄ mè ifet otu kan̄ isan̄a, mè iniken mun̄. Mbuban mônenita ọmọ me lek. Isirọ otutuuk inu chi isan̄a, mônenije inin̄ emen ama ere m̀gba-ǹgwele ukan̄ ya, mè isi ikup me isi uwu ọfọ kan̄ mege usen jaaba. 9 Me òso usen jaaba ya, ene ya mônenikpọk ikwọkọ otutuuk ijeek ibot kan̄ mè ifet otu kan̄ mè inwọọn̄ òkup me mgbugbo-chieen̄ kan̄, mè otutuuk ijeek geelek òkup ọmọ me lek isan̄a kpai, mè inikpọk igwọk ofọnti kan̄ mè ekwut kan̄, mè ikpọk iken mun̄. Sa me ikeya, mbuban mônenita ọmọ me lek. 10 “Me òso usen jeeta, ene ya môsa bọn orie arọọn̄ iba mè gwun̄ uman arọọn̄ ge òsoso acha ge, echi kpunube ìroon̄ geege me lek inu me lek ogwu ngwugwa. Môsa si iko atalek akpa ekọkọk gweregwen mè okpọkọ eyi etapbe aran̄ me lek inu, inyi mêsabe igwa ngwugwa akpa, mè isa si sọn̄ aran̄ môsobe irek ge me irek ita eyi iko ge igbaalek inu. 11 Ogwu ngwugwa ya, ogwu òbonigwọk ene ya lek, mônenisa ogwu ene ya ebegwọk lek, melek otutuuk inu cha inu me isi [Jioba, NW ], me otu isotu Atanga Chinichini. 12 Ogwu ngwugwa mônenitet ge me lek bọn arọọn̄ iba cha, mè imọnọ mgbidim iko aran̄ ya, mè inisa ema igwa ngwugwa awọ, mè iwuwum ema me isi [Jioba, NW ] kubọk ngwugwa ewuwuwum. 13 Ogwu ngwugwa ìbokpan̄ arọọn̄ ya me ere òkup mbuban, ere ekikpan̄ anam ngwugwa ijo inu mè echi ngwugwa ewọwọp iriọk. Inu ngwugwa awọ ìkup kubọk inu ngwugwa ijo inu. Otutuuk inu geelek esabe igwa ngwugwa iba chi ìkup inyi ogwu ngwugwa. Îre inu òkup mbuban ichit. 14 Ogwu ngwugwa ya môsa usini me lek eje arọọn̄ ngwugwa awọ ya ichak me inwan̄ utọn̄ agan̄ ulom ogwu ene ya, mè isa si ichak me otubọk ile kan̄ agan̄ ulom, mè otukot ile kan̄ agan̄ ulom. 15 Ogwu ngwugwa môtọkọ sọntiik me lek aran̄ ya itap me akajit ubọk kan̄ agan̄ ujit, 16 mè inisa otubọk ilaka-aran̄ kan̄ agan̄ ulom ijiin̄ me emen aran̄ eyi òkup ọmọ me akajit ubọk agan̄ ujit, mè isa inyan me ere ya mgbọ jaaba, me isi [Jioba, NW ]. 17 Ogwu ngwugwa mônenisa usini aran̄ ya eyi òkup ọmọ me akajit ubọk ichak ogwu egwọkbe lek ya me inwan̄ utọn̄ agan̄ ulom, mè otubọk ile agan̄ ulom, mè otukot ile agan̄ ulom, mè igwook si usini eje ya me lek inu ngwugwa awọ ya. 18 Ogwu ngwugwa môneniben aran̄ eyi òsisik ọmọ me akajit ubọk ichiọọk me ibot ogwu egwọkbe lek ya, mè isa me ikeya irọ esuuk me ibot ene ya me isi [Jioba, NW ].
AKỌP MÈ ONYAN̄ IBA 28–OKPA ONYAN̄ 3
INU UNYE OTU EWE OKUP ME USEM AWAJI | LIBITIKỌS 16-17
“Keke Ke Eji Ebekọt Ikween̄ Inan̄a Me Lek Usen Irọ-Esuuk?”
(Libitikọs 16:12) mè inilọbọ mbubuuk ukan̄ òkup me inyọn̄ ntook ya me isi [Jioba, NW ] itap ijot alala ilọbọ-ukan̄, mè inigwọ nsensi utop olu, eyi ekọkbe ikpukpuku, ijot ubọk kan̄ mgbọ iba isa igbaalek ije itibi iraka ekwut mgban ya inin̄ emen Ere Òkup Mbuban Ichit.
w19.11 21 ¶4
Inu Echi Eji Ekween̄be Inan̄a Me Ikpa Libitikọs
4 Fuk Libitikọs 16:12, 13. Keek-nu mkpọ okibọkọ irek me Usen Irọ-Esuuk: Ogwu oban Awaji inin̄ emen atanga chinichini. Eyi ire adasi mgbọ me lek mgbọ ita ibonin̄ Ere Òkup Mbuban Ichit me usen ya. Me ubọk ge, ikaan̄ nsensi utop olu, me ubọk keyilọ, alala ilọbọ-ukan̄ eyi ilọbọbe mbubuuk ukan̄ itap me emen okup. Ikeke me isi ekwut mgban eyi esabe igbaka ikwek otu isotu ekije iraka inin̄ Ere Òkup Mbuban Ichit. Inan̄a me udọk udọk ulibi, moneninin̄ Ere Òkup Mbuban Ichit mè ikeke me isi okop inyan̄a-ibot. Me irek ogugo, ikekeke me isi Jioba! Ogwu oban ya monenisa me ugbala-chieen̄ igwook nsensi òkup mbuban ya me inyọn̄ mbubuuk ukan̄, agwut ya monenikidun̄u utop olu. Me mgburudun̄ mgbọ, monenisa eje anam esabe igwa ngwugwa ijo inu ikpọk inin̄ Ere Òkup Mbuban Ichit. Sabum ibosa eje ya inin̄ ere ya, taba iman̄ ibe ke ikidadasi iwọp nsensi.
(Libitikọs 16:13) Me ere ya, mônenigwook nsensi ya me inyọn̄ mbubuuk ukan̄ ya me isi [Jioba, NW ], oduku nsensi ya môneniduku ichit ogboon̄ nsan òkup me inyọn̄ okop inyan̄a-ibot ya bùk, inyi Erọn ikamọọn̄ ogboon̄ nsan ya, mè ìkwu.
w19.11 21 ¶5
Inu Echi Eji Ekween̄be Inan̄a Me Ikpa Libitikọs
5 Keke ke eji ebekọt ikween̄ inan̄a me lek ubọk ekisa nsensi irọ inu me Usen Irọ-Esuuk? Baibul ijeen̄ ibe ke uriaak ebi ikitọbọ ebum inyi Jioba, ebi igbegbe utoon̄-ejit ekebiriaak, echi ikibọkọ itap ikup kubọk nsensi. (Itọn̄ 141:2; Ichi 5:8) Kawuuk ibe ke ire sa me udọk udọk ulibi ke ogwu oban Awaji okisa nsensi inu me isi kè Jioba. Me oniin̄ yaage si, kè eji ekesa me udọk udọk ulibi ekebeek uriaak enyi Jioba. Eji mikaan̄ ukpook me lek kan̄. Eji mibele ejit enenen ibe ke Ogwu Ororom otutuuk inu ichieek ibe eji ekebeek uriaak enyi ọmọ mè eketaba lek eriaak me lek kan̄ ike gwun̄ okitaba lek iriaak me lek nte kan̄. (Jemis 4:8) Awaji ikekibọkọ eji itap kubọk ebi unene kan̄! (Itọn̄ 25:14) Eji mimọnọ irek yi ibene enenen, ọmọ orọ, eji kpema ikekirọ inu obokinaan̄ Awaji ejit.
(Libitikọs 16:14, 15) Erọn mônenijiin̄ otubọk ilaka-aran̄ kan̄ me emen eje eriembuuk ya, mè isa inyan me inyọn̄ ogboon̄ nsan ya me agan̄ isi, mè inyan si me ijọn̄ me isi kan̄ mgbọ jaaba. 15 “Eya isiraka, Erọn mônenikpan̄ ebot ya ebesa igwa ngwugwa ijo inu me ibot otutuuk ebi Ijeren, mè isa eje kan̄ itibi iraka ekwut mgban ya, mè isa inyan me inyọn̄ ogboon̄ nsan ya, mè inyan si me isi kan̄, kubọk îrọbe si me lek eje eriembuuk ya.
w19.11 21 ¶6
Inu Echi Eji Ekween̄be Inan̄a Me Ikpa Libitikọs
6 Kawuuk ibe ke ogwu oban Awaji ikidadasi iwọp nsensi sabum ibogwa ngwugwa. Ikirọ eya inyi Awaji ibọkọ ngwugwa geelek ibogwa itap. Keke ke eyi okijeen̄ eji? Mgbọ Jisọs okupbe me inyọn̄ ijọn̄, sabum isabe ugwem kan̄ igwa ngwugwa, irọ mkpọ okukup ufiak igak inyanyan̄a ebilene. Keke ire eya? Jisọs moneen̄ oniin̄ eyi Jioba obosa ibọkọ ngwugwa kan̄ itap sa me iluluk ata ugwem mè igbegbe utoon̄-ejit. Sa me irọrọ ikeya, Jisọs mojeen̄ ibe ke iluluk ugwem me oniin̄ Jioba oweekbe onwọn ichit. Jisọs mojeen̄ ibe ke ire Nte kan̄ okaan̄ unen ikpukpulu mè iyaka ire, ubọk Nte kan̄ okisa ikpulu onwọn ichit.
Week Inu Unye Otu Ewe Okup Me Usem Awaji
(Libitikọs 16:10) mè itele ibe ebot ikana-ibot ya ikeke, mè ugwem me lek, me isi [Jioba, NW ], inyi esa erọ esuuk, mè iniria ọmọ ifo emen èwê kubọk ebot ikana-ibot.
it-1 226 ¶3
Ajajen
Ike ogwu ikwaan̄ Pọọlu okpabe, Jisọs irọ inu eyi obebene igak inu “eje eriembuuk mè ebot” okebirọ sa me isasa akpalek ososo kan̄ igwa ngwugwa mije ijo ebilene. (Iburu 10:4, 11, 12) Kubọk ‘ebot ikana-ibot,’ Jisọs ‘ibeme otutuuk orukan̄ kiji inyi eji, ‘michim akpa kan̄ itibi mije nrọ-nlọ kiji’ si. (Asaya 53:4, 5; Mat 8:17; 1 Pita 2:24) Jisọs ‘iben ijo’ otutuuk ebi ikakaan̄ ichechieek me lek ngwugwa kan̄ isan̄a. Ire ọmọ ke Awaji obosa iben ijo inu ebilene isan̄a, eyi ema kpeyakabe ikeek mkpọ ofolek. Ire me oniin̄ chi ke ebot ikana-ibot, “Ajajen” osa ikeke ichit chieen̄ ngwugwa Jisọs Karais.
(Libitikọs 17:10, 11) “Ogwu ototun̄ ukan̄ kè Ijeren geelek, mè ìre ogwu ichen geelek òluk me etete kiban̄, òrerie eje anam geelek, îre emi me lek n̄a mbakana isi ikweek ene ya, mè isan̄a ọmọ isan̄a me otu ifuk ebi kiban̄. 11 Mije, ugwem inu geelek òkifuuk efuuk ìkup me emen eje. Emi si ǹsasa eje inyi enyi ibe esa erọ esuuk me ibot kinyi me inyọn̄ ntook ngwugwa, mije, îre eje okirọ esuuk me ibot ebek ugwem ene.
w14 11/15 10 ¶10
Inu Orọrọ Eji Ebekup Me Mbuban
10 Fuk Libitikọs 17:10. Jioba inyi ebi Ijeren ida ibe ekarie “eje anam geelek.” Ebi eyi Karais ire ebi enyibe ikan si ibe ekalaka eje, mè ire eyi anam sa ire eyi ebilene. (Ikwaan̄ 15:28, 29) Eji ekakekeek mkpọ ofolek irọrọ inu eyi oborọ inyi Awaji ‘ikana isi ikweek eji’ mè isan̄a eji me ntitiin̄ kan̄. Eji mima ọmọ mè iweek isisiki ibot inyi ọmọ. Ikerere me mgbọ mkpa orebe eji chieen̄, kè ire ntumu-mfieek kiji ibe ke eji kpegban̄ utọn̄ me lek ebi ekariọọn̄ge Jioba mè iyaka ire ebi ekaweekge isisiki ibot inyi ogọt me mgbọ ema ekibieen̄ eji ibe eji ekpaka otu kan̄. Ire eji ijit ibọbọkọ eje, eji miriọọn̄ ibe ke ebi ene mesa eji irọ mkpọ ochak, ire, ntumu-mfieek kiji ire ikekisiki ibot inyi Awaji. (Judu 17, 18) Keke obotap ubọk inyi eji ekọt etumu efieek ibe ke eji ‘kpelululuk’ irie eje mè iyaka ire ibọkọ eje ni?—Ikan 12:23.
Ifufuk Baibul
(Libitikọs 16:1-17) Mgbọ bọn ebirieen̄ iba kè Erọn ekwaan̄be iraka mije ema esabe esese ukan̄ ije igbet me isi [Jioba, NW ], [Jioba, NW ] onenitumu ikọ melek kè Mosis. 2 [Jioba, NW ] ìtumu inyi Mosis ibe, “Tumu nyi ngwan̄ kwun̄ Erọn ibe ikakpọkpọ ìkitibi ìraka ekwut mgban ya ìkinin̄ emen Ere Òkup Mbuban Ichit me isi ogboon̄ nsan òkup me inyọn̄ otu okop inyan̄a-ibot ya mgbọ geelek òneme ọmọ, inyi ikakwu. Mije, îre me inyọn̄ ogboon̄ nsan òkup me inyọn̄ okop inyan̄a-ibot ya ke nkisibi ikeke kubọk oduku inyọn̄. 3 “Sabum Erọn mônije inin̄ Ere Òkup Mbuban Ichit ya, môsa gwun̄ orie eriembuuk ge inu, eyi môsabe igwa ngwugwa ijo inu, mè isa si orie arọọn̄ ge eyi môsabe igwa ngwugwa ewọwọp iriọk igbaalek inu. 4 Môtap àwurukù mbuban eyi irak esabe lilin̄ irọ, mè itap ekwut-edim mgbidim ukot, esabe si lilin̄ irọ, isa ikwek akpalek kan̄, mè itobo fanti lilin̄, mè ikwuun̄ okpibot lilin̄ me ibot. Otutuuk ofọnti chi ìre ofọnti òkup mbuban. Eya orọ, Erọn môken mun̄ igwọk akpalek kan̄ sabum ònotap ofọnti chi. 5 Me mgbọ ìbonin̄ ere ya, ebi Ijeren mênyi ọmọ gwun̄ orie ebot iba echi môsabe igwa ngwugwa ijo inu, mè inyi ọmọ si orie arọọn̄ ge eyi môsabe igwa ngwugwa ewọwọp iriọk. 6 “Erọn mônenisa orie eriembuuk ya igwa ngwugwa ijo inu me ibot kan̄, isa irọ esuuk me ibot kan̄ mè ibot ebi ototun̄ ukan̄ kan̄. 7 Mônenitet bọn orie ebot iba cha isa isi, inyi esi ekeke me isi [Jioba, NW ] me otu isotu Atanga Chinichini, 8 mè iniroon̄ nriroon̄ me ibot ebot iba cha, isa iweek iriọọn̄ eyi òkup inyi [Jioba, NW ] mè eyi ikana-ibot. 9 Erọn mônisa ebot eyi òkup inyi [Jioba, NW ] igwa ngwugwa ijo inu, 10 mè itele ibe ebot ikana-ibot ya ikeke, mè ugwem me lek, me isi [Jioba, NW ], inyi esa erọ esuuk, mè iniria ọmọ ifo emen èwê kubọk ebot ikana-ibot. 11 “Erọn mônenisa orie eriembuuk ya inu, eyi ìbosa igwa ngwugwa ijo inu me ibot kan̄ isa irọ esuuk me ibot kan̄ mè ibot ebi ototun̄ ukan̄ kan̄, mè inikpan̄, 12 mè inilọbọ mbubuuk ukan̄ òkup me inyọn̄ ntook ya me isi [Jioba, NW ] itap ijot alala ilọbọ-ukan̄, mè inigwọ nsensi utop olu, eyi ekọkbe ikpukpuku, ijot ubọk kan̄ mgbọ iba isa igbaalek ije itibi iraka ekwut mgban ya inin̄ emen Ere Òkup Mbuban Ichit. 13 Me ere ya, mônenigwook nsensi ya me inyọn̄ mbubuuk ukan̄ ya me isi [Jioba, NW ], oduku nsensi ya môneniduku ichit ogboon̄ nsan òkup me inyọn̄ okop inyan̄a-ibot ya bùk, inyi Erọn ikamọọn̄ ogboon̄ nsan ya, mè ìkwu. 14 Erọn mônenijiin̄ otubọk ilaka-aran̄ kan̄ me emen eje eriembuuk ya, mè isa inyan me inyọn̄ ogboon̄ nsan ya me agan̄ isi, mè inyan si me ijọn̄ me isi kan̄ mgbọ jaaba. 15 “Eya isiraka, Erọn mônenikpan̄ ebot ya ebesa igwa ngwugwa ijo inu me ibot otutuuk ebi Ijeren, mè isa eje kan̄ itibi iraka ekwut mgban ya, mè isa inyan me inyọn̄ ogboon̄ nsan ya, mè inyan si me isi kan̄, kubọk îrọbe si me lek eje eriembuuk ya. 16 Sa me ikeyi, Erọn mônenirọ esuuk me lek Ere Òkup Mbuban Ichit, mije mbuban òchaka me lek ebi Ijeren mè mije unye-ibot kiban̄ mè otutuuk ijo inu geelek ema erọbe. Ubọk yaage ke ìborọ si me lek Atanga Chinichini eyi òkup me etete kiban̄, mije mbuban òchachaka ema me lek. 17 Ene geege ìkpokup me Atanga Chinichini ya bene me mgbọ Erọn mônin̄be isi irọ esuuk me emen Ere Òkup Mbuban Ichit ya mege ire mgbọ mônan̄abe isibi. Ikeya ke Erọn môrọ esuuk me ibot kan̄ mè ibot ebi uwu kan̄ mè ibot otutuuk ebi ido Ijeren.