Ibem Mbat-Olom Kinyi

Jioba ikimọnọ inyan̄a-ibot mbat-olom kubọk mkpọ okukup ufiak. Awaji itumu ibe me ebi olom mè nwa egbaan̄ ekup ebia mè ge ikatele ge. (Mat 19:5, 6) Owuwa ebi ikikaan̄ ubelejit me mbat-olom kiban̄ omaan̄ me etete ebi eyi Awaji. Ire, kpunu mbat-olom eyi ososo ikup, ufialek ikekisibi me mbat-olom. Kè eji ekalululuk ikeek ibe ke icheche lek mè iyayaak mbat-olom kiji ore mkpọ ogbegbe irọrọ me mgbọ ufialek, ike owuwa ene ekikeek. Kpa ubọk ke ebi eyi Karais ebesa ibem mbat-olom kiban̄?

Kpọ-nu inu go chi.

1. Bem ejit kwun̄ sa me ijijit inu echi mokọtbe irọ ufuna mbat-olom kinyi iwọ, kubọk igọgọọk ogwu ikarege nlom kwun̄ mè iyaka ire nwa kwun̄ ifit ijo ifit mè iyaka ire inwọọn̄-lek eyi barabat.—Mat 5:28; 2 Pita 2:14.

2. Kinama mgbaan̄je kwun̄ melek Awaji nye mè kirọ inyi ulọk okaan̄be irọrọ inu obokineme Awaji me mbat-olom kwun̄ ikimin.—Itọn̄ 97:10.

3. Kitap ayaya ugwem kubọk ọfọnti, mè kirọ ata inu echi oborọ inyi ugwem ifet inyi nlom kwun̄ mè iyaka ire nwa kwun̄, ikerere asabọn asabọn inu.—Kọl 3:8-10, 12-14.

4. Kigọọk nlom kwun̄ mè iyaka ire nwa kwun̄ kikaan̄ ata mgbaan̄-mkpa-usem me oniin̄ okijeen̄ ulibi.—Kọl 4:6.

5. Sa me ata ejit melek ima kinyi nlom kwun̄ mè iyaka ire nwa kwun̄ inu geelek orere unen kan̄ me mbat-olom kinyi.—1 Kọr 7:3, 4; 10:24.

Ebi eyi Karais esikimin mbat-olom kiban̄, ema ekimin Jioba, Ogwu Otọtọbọ Ọdọ mbat-olom.

IKPỌ FIDIO “EJI EBEKILILIBI MELEK IME”—SUN̄ IKAN OKOT, MÈ IFỌỌK IDODO CHI:

• 

  Ikerere ibe ke mbat-olom ikaan̄ ata ibebene, kpasi rumurumun̄ obokọt inan̄a isibi?

• 

  Kpa ubọk ke onineen̄ Baibul obotap ubọk inyi ebi ikikeek ibe ke ima ikayaka ikup me mbat-olom kiban̄?

• 

  Kpasi ntọ-ubọk ke Jioba onyi ofolek mbat-olom?

• Keke ke ebi olom mè nwa eberọ ufuna ema ekekaan̄ nje-nnyi-isi me mbat-olom kiban̄?