‘Kè ima Jisọs okaan̄be me lek kiji ibieen̄ eji.’—2 Kọr 5:14
ILULUK UGWEM KUBỌK EBI EYI KARAIS
Ire Omogbọ Oniin̄ Eyi Mgbidim Mgbọ me emen Onyan̄ Ita mè iyaka ire emen Onyan̄ Ini?
Ire omoma itatap efuuk isọkọ efuuk me ikwaan̄ kè Jioba me agbagba mgbọ Orirọ Isasa Ikeek Mkpa Karais ni? (2 Kọr 5:14, 15) Me emen Onyan̄ Ita mè Onyan̄ Ini, ebi ibegbọ oniin̄ eyi mgbidim mgbọ mekọt igobo inyinyi mbubak mgbọ 30 mè iyaka ire 50 me emen onyan̄ cha ge ge. Ire obokọt itap lek me lek ikwaan̄ eyi osibi esese yi, tap ikpa sa nyi Akpalek Okikpọ Chieen̄ Me Lek Ikwaan̄ Me Ntitiin̄ kinyi. Me emen onyan̄ geelek, ekigwen erieen̄ ebi itatap ikpa igbọgbọ oniin̄ eyi mgbidim mgbọ isibi me ntitiin̄. Eya morọ inyi ebi ntitiin̄ ekọt ebieen̄ ife cha enye me ikwaan̄ uko. Kè otutuuk kiji esa irek yi ekween̄ ubọk eji ebesa ilook ata etip ijaan̄ igak ubọk eji ewuukbe lek ikirọ mè etap ge ge efuuk me emen.—1 Tes 5:11.