Ikpa Okikpa Nkween̄mkpọ Ugwem Mè Ikwaan̄ Kiji Kubọk Ebi Eyi Karais
ONYAN̄ GO 2-8
INU UNYE OTU EWE OKUP ME USEM AWAJI | SAMIEN EYI ADASI 27-29
“Ubọk Itim-Akọn̄ kè Debit”
it-1 41
Akis
Mgbọ Sọọlu obokpan̄ Debit, ire mgbọ iba ke Debit olibi isi itap ibot me ubọk Ogwu Ubọọn̄ Akis. Me adasi mgbọ, mije ibe ke ebi ikwaan̄ kè Akis emun̄ Debit kubọk ogwu ochicha kiban̄, Debit obebene ikirọ kubọk ogwu iraak, Akis otetele ọmọ ibe ifo. (1 Sam 21:10-15; Itọn̄ 34:Sup; 56:Sup) Me òso mgbọ iba, efit ebi akọn̄ gweregwen mè ebi ototun̄ ukan̄ kiban̄ egọọk Debit ije, Akis obebe ema esi eluk me Sikilagi. Me acha ge mè onyan̄ ini ema elukbe me ere ya, Akis ikikeek ibe ke Debit mè ebi akọn̄ kan̄ ekitim akọn̄ me lek ebi iluk me ido Juda. Ire, Debit ichubọk ikitim akọn̄ ikeme ebi Gesuru, Giriji, melek Amalek. (1 Sam 27:1-12) Mije inu yi ichieekbe me lek, Akis osasa Debit irọ ogwu obokibem ọmọ mgbọ ebi Filisia ekitọt isisi itim akọn̄ me lek Ogwu Ubọọn̄ Sọọlu. Ire, bak lek “ebi ibot akọn̄” ebi Filisia kechilọ ekachieekge ibe Debit mè ebi akọn̄ kan̄ egọọk ema eje, Akis obebe mè ema egwu ekom efo Sikilagi. (1 Sam 28:2; 29:1-11) Ikpọk mbum ibe ke Debit ikakpan̄ Akis mgbọ ikanabe ogwu ubọọn̄ mè itim akọn̄ ikeme ama Gat bak lek Akis iluk ugwem mege ire ukot mkpulu kè Solomọn.—1 Ubọọn̄ 2:39-41; kpọ si GATH.
w21.03 4 ¶8
Nsabọn Irieen̄—Ike Owa Ke Enyi Ebesa Irọ Ufuna Ebi Ofifi Ife Etoon̄ Enyi Ejit Me Lek?
8 Mitọkọ Debit aran̄ me ibot kubọk ogwu ubọọn̄, ire, ọmọ ikup owuwa acha sabum ibenebe ikikpulu me Juda. (1 Sam 16:13; 2 Sam 2:3, 4) Me oke mgbọ ya, keke otap ubọk inyi Debit ikọt ikaan̄ ime? Debit ito chieen̄ kan̄ me lek inu echi ibokọt ikirọ kpan̄asi ibokifieek ejit. Kubọk inu njeen̄, mgbọ Debit olibibe isi ilet me agan̄ ebi Filisia, isa irek ya itim akọn̄ me lek ebi ochicha ebi Ijeren. Ire sa me ikeya ke Debit obem okike ijọn̄ ebi Juda.—1 Sam 27:1-12.
it-2 245 ¶6
Ataak
Baibul ikeke ikeme ikakan̄ ataak, ire, eyi ikasibi ibe ke eji mekitumu otutuuk inu eji eriọọn̄be ofolek mkpọ inyi ebi kpekaan̄be unen irọriọọn̄ inu cha. Jisọs Karais iteme eji ibe: “Ikasa inu òkup mbuban ìnyi ibo. Ire enyi ìsa inyi, ibo cha môgwu ikana inu iniloon̄ enyi lek igwak. Ikeya si, ikakpulu akalari unye otu ewe ìtọọn̄ ìgwook ìnyi okodi. Ire enyi irọ, okodi cha môsa ukot ijak akalari cha me ijọn̄.” (Mat 7:6) Ọmọ orọ, Jisọs ikatumu otutuuk inu iriọọn̄be ofolek inu mè iyaka ire inyi ufọọk-otu otatat me lek idodo usini ene edobe ọmọ me mgbọ iriọọn̄be ibe ke ufọọk-otu kan̄ mokọt itap ogọt me ufialek. (Mat 15:1-6; 21:23-27; Jọn 7:3-10) Ire ikeya si ke eji ebemun̄ inu Ebereyam, Ajiki, Reyabu mè Ilaisia erọbe me mgbọ ema ekakpage otutuuk atikọ ofolek inu inyi ebi kpekebitọbọ ebum inyi Jioba.—Ibeb 12:10-19; Ibot 20; 26:1-10; Jos 2:1-6; Jemis 2:25; 2 Ubọọn̄ 6:11-23.
Week Inu Unye Otu Ewe Okup Me Usem Awaji
w10 1/1 20 ¶5-6
Ire Ebi Ikwakwaan̄ Mekọt Itap Ubọk Inyi Ebi Ikup Me Ugwem Ni?
Keek nu mkpọ ofolek inu yi. Baibul ibe ke ebi ene “isikwaan̄, ema mîra igwu ikom ifon achiaan̄,” itumu si ibe ke “otitọt kiban̄ geelek îra ikana ikike.” (Okwa Itọn̄ 146:4) Sọọlu mè Samien miriọọn̄ ibe ke Awaji ikeke ikeme ene igọgọọk ebi ijo ekwukwu irọ mkpọ. Kawuuk ibe ke Sọọlu yi oje me isi me itatap uyaka me lek ifafaka mkpọmfaka me Ijeren!—Libitikọs 19:31.
Riọọn̄ ubọk keek nu inu yi. Eji miriọọn̄ ibe ke Samien ima Awaji. Ire atikọ ibe ke Samien omaan̄ me ugwem kubọk ekwukwu, ire ọmọ mokeke ikeme ikan Awaji mè igọọk ijo ekwukwu irọ mkpọ ufuna Sọọlu ikọt igọọk ogọt itumu ikọ ni? Jioba ijijit itutumu usem melek Sọọlu. Ire ijo ekwukwu oboyaka initet Awaji, ogwu okakaan̄ unye ichit me unye ubọk ibe isa nkwukwu kè Samien itumu ikọ melek Sọọlu ni? In̄-in̄. Isibi utoon̄ ibe ke “Samien” yi ikare ogwu nriran yaage ogwu omama Awaji mè igbe utoon̄-ejit inyi ọmọ. Ire ijo ekwukwu ofiaan̄ irọ kubọk Samien, ogwu okwukwu.
ONYAN̄ GO 9-15
INU UNYE OTU EWE OKUP ME USEM AWAJI | SAMIEN EYI ADASI 30-31
“Kaan̄ Unye Nan̄a Me Ubọk Jioba Awaji Kwun̄”
w06 8/1 28 ¶12
Tet Ukpook Me Lek Jioba mè Kaan̄ Ubelejit!
12 Ukpook Debit okaan̄be me lek Jioba ikakpọkpọk ibieen̄ ogọt ibe ijit ijo inu gaalek, ire, itap ubọk inyi ọmọ ikọt irọ ata ntumu-mfieek mè isa me iriọọn̄-inu irọ inu me irek echi oyọyọt. Inyi Sọọlu ikakpan̄ ọmọ, Debit mè ebi akọn̄ kan̄ milibi isi iluk me Sikilagi me agan̄ ido ebi Filisia me mkpọ ososo acha ge mè onyan̄ ini. (Samien Eyi Adasi 27:5-7) Me ike mgbọ ge eyi Debit mè ebi akọn̄ kan̄ enan̄abe, ebi Amalek mijibi akọn̄ inin̄ Sikilagi, iwọp ama ya mè ikpulu otutuuk ebibaan̄, nsabọn melek anam kiban̄ isa ifo. Mgbọ Debit mè ebi akọn̄ kan̄ ekabe inimun̄ mkpọ orọrọ, ema mito ito. Ufieejit orọrọ ibe ebi akọn̄ kè Debit enaan̄ ejit, ema ekekitumu ibe ke ema metọbọ Debit ikpan̄. Ikerere ibe ke inu yi isisaak Debit, ikawọ lek. (Urọk 24:10) Bak lek ukpook Debit okaan̄be me lek Jioba, iyaka lek imaan̄ me lek kan̄, mè ‘ikaan̄ unye inan̄a me ubọk kan̄.’ Inan̄a me ntap-ubọk Awaji, Debit mè ebi akọn̄ kan̄ mitim igak ebi Amalek mè ibọkọ otutuuk inu ife cha ekpulube.—Samien Eyi Adasi 30:1-20.
w12 4/15 30 ¶14
Jioba Ikekibem Eji Inyi Eji Ekọt Ekaan̄ Unyan̄a
14 Debit ichichini owuwa ufialek me ugwem kan̄. (1 Sam 30:3-6) Inu igebe me Baibul okijeen̄ ibe ke Jioba iriọọn̄ nkeek kan̄. (Fuk Okwa Itọn̄ 34:18; 56:8.) Awaji iriọọn̄ inu okup eji me ejit si. Awaji ikakitele eji ikerere me mgbọ eji ekaan̄be “uga ufieejit” mè iyaka ire, mgbọ eji ekakaan̄ge “ikpọchieen̄ geege.” Eyi mokọt ikat eji ejit ike ikatbe Debit ejit, ogwu okọkọt ibe: “Mâbele ejit, mè inwọọn̄ unwọọn̄, mije imumechieen̄ kwun̄ òkikup mgbọ geelek; bak me lek owu omun̄ ukwook n̄a, mè iriọọn̄ uyọrọlek n̄a.” (Itọn̄ 31:7) Jioba ikakpọkpọk ikimun̄ ufialek eji ekichichini, ire, ikikat eji ejit mè ikitap eji efuuk me emen inyi eji ekọt ekup enye ekeriaak ọmọ. Oniin̄ ge ikirọ eyi ire inan̄a me lek nkween̄mkpọ ntitiin̄ kiji.
Week Inu Unye Otu Ewe Okup Me Usem Awaji
w05 3/15 24 ¶8
Ikpakpa Isibi Inu Okup Me Ikpa Samien Eyi Adasi
30:23, 24. Ntumu-mfieek yi Debit orọbe iyaka imaan̄ me lek inu okup me ikpa Otu Ifuk 31:27. Ikijeen̄ ibe ke Jioba imọnọ ebi ikirọ esese esese ikwaan̄ isasa ibieen̄ ntitiin̄ kan̄ inye ibene. Ọmọ orọ, inu geelek eji ekirọ, eji ‘ekesa otutuuk ejit kiji erọ, mije, eji ekirọ inyi Jioba, ìkare ebilene.’—Ebi Kọlọsi 3:23.
ONYAN̄ GO 16-22
INU UNYE OTU EWE OKUP ME USEM AWAJI | SAMIEN EYI ÒSO IBA 1-3
“Keke Ke Eji Ekween̄ Inan̄a Me Lek ‘Okwa Ito Ogbaan̄’?”
w00 6/15 13 ¶9
Kijeen̄ Ulibi Me Lek Ebi Ikaan̄ Unye Ntọ-Ikọ Isaba Owu
9 Ire Debit ikaan̄ sasaak mije nnaan̄ erọbe ọmọ ni? Debit itumu inyi Jioba ibe: “Ikpak ikpak lek ebi ichen . . . mêkiweek isasan̄a ugwem n̄a.” (Okwa Itọn̄ 54:3) Ikpa ejit kan̄ isibi inyi Jioba mè ibeek ọmọ ibe: “Jei Awaji n̄a, nyan̄a emi sibi me ubọk ebi ochicha n̄a; . . . Ema mîlileek ikikpọ emi ikpakpan̄; ebi ujat ejit mîgbaan̄ lek ibọp irọrọ ikeme emi; ǹkarọ ema ijo inu geege; ǹkajajak gwun̄ unọn kiban̄ ìkpan̄. Me nkarọge ema inu geege ìlọ, ema mîliin̄ ekot ikibem lek ikpọ emi ibenitim emi etim me lek. Soso, nan̄a keke na tap ubọk nyi emi; owu gaalek kpọ ma!” (Okwa Itọn̄ 59:1-4) Ire inu iwuuk lek ikup me lek kwun̄ ike ikupbe me lek Debit ni? Ire ogwu okakaan̄ unye ntọ-ikọ iwuuk lek irọ inyi ugwem iyọt inyi owu me mgbọ okarọge ọmọ ijo inu geege ni? Debit ikpọkpọk ikup inye ikijeen̄ Sọọlu ulibi. Mgbọ Sọọlu okwube, Debit ikabele ejit, kpan̄asi ikeya, ikọkọt okwa ito ikibe: “Sọọlu mè Jonatan ìre ebi emabe mè ebi ìnwọnwọn me ògat ugwem kiban̄. . . . Ema mîgwat igak igo, mè inye lek igak egbe àtat. Jei ebibaan̄ Ijeren, ìto ito ìnyi Sọọlu.” (Samien Eyi Òso Iba 1:23, 24) Debit ijeen̄ eji ata akpat ukot. Ijeen̄ Sọọlu ata ulibi kubọk ogwu Jioba okenbe aran̄ ikerere ibe ke Sọọlu irọ Debit ijo inu.
w12 4/15 10 ¶8
Ileleke Ene—Ire Oriọọn̄ Eyi Ota Mgbọ!
8 Baibul ikpa mkpọ ofolek owuwa ebi igbegbe utoon̄-ejit. Kè eji ekpa mkpọ ofolek ene iba me lek kiban̄ mè emun̄ mkpọ eji ebekween̄ inan̄a me lek kiban̄. Adasi ogwu eji ebekpa mkpọ ofolek ire Jonatan, ogwu ogbegbe utoon̄-ejit inyi Debit. Jonatan ire adasi gwun̄ Ogwu Ubọọn̄ Sọọlu, ogwu mobọkọ irek ubọọn̄ ogwu ute. Ire, ikare inu Jioba oweekbe ire eya, ire Debit ke igobo ibe ire ogwu ubọọn̄. Jonatan isiki ibot inyi ntọ-ubọk Awaji. Ikamin ejit me lek Debit mè imun̄ ọmọ kubọk ogwu ochicha kan̄. Kpan̄asi ikeya, ‘Jonatan imama Debit kubọk akpalek kan̄ gaalek’ mè inyan̄a ibot ibe ke ọmọ mobieen̄ Debit inye. Jonatan inyi Debit ofọnti kan̄, oge akọn̄ kan̄, ogbaan̄ kan̄ melek fanti kan̄, eyi okijeen̄ ibe ke ọmọ iweek ibe Debit ire ogwu ubọọn̄. (1 Sam 18:1-4) Jonathan irọ otutuuk inu geelek ikọtbe isasa itap efuuk me owot kè Debit. Sọntik Sọọlu mokpan̄ ogọt bak lek igbinibe ikọ me ibot kè Debit. Jonatan ibieen̄ Debit inye mè itumu inyi ogọt ibe: “Owu môre ubọọn̄ me Ijeren, emi nrere òso ene iba inyi owu.” (1 Sam 20:30-34; 23:16, 17) Mkpọ si Debit okọtbe okwa ito okijeen ufieejit kan̄ mè ima ikaan̄be me lek Jonatan mgbọ ikwube.—2 Sam 1:17, 26.
Week Inu Unye Otu Ewe Okup Me Usem Awaji
it-1 369 ¶2
Ngwan̄
“Ngwan̄” ire usem ekisa irọ mkpọ isa inyi ebi ikakaan̄ ejit ge mè iyaka ire ikakaan̄ chieen̄ inu yaage etobe me isi. Kubọk inu njeen̄, Iram Ogwu Ubọọn̄ Taya igwen Ogwu Ubọọn̄ Solomọn ngwan̄ kan̄. Ikare bak lek ema erebe ubọọn̄ gaalek, ire, ire mije ibe ke ema migbaan̄ isi ikwaan̄ me lek uti mè ofifi ofifi mkpọ esabe inama uwu mbuban si. (1 Ubọọn̄ 9:13; 5:1-12) Debit ige ibe: “Kpọ ubọk îsabe inwọn mè itop ibe bọn ulọk egbaan̄ ebuk eluk me ejit ge.” Eyi ikijeen̄ ibe ke ikare gaalek ebi irere ute ge mè iyaka uga ge ebekọt ikikup me esuuk mè obop ge. (Itọn̄ 133:1) Debit igwen Jonatan ngwan̄ kan̄ bak lek ima ikaan̄be me lek kan̄ mè ulọk ema ene iba ekaan̄be irọrọ nkeek Jioba, ikerere ibe ke ema kpere ute ge mè uga ge. (2 Sam 1:26) Mekọt igwen ebi ikigbaan̄ irọ chieen̄ inu ge ngwan̄, ikere ibe mkpọ ema ekirọ ire ijo inu.—Urọk 18:9.
ONYAN̄ GO 23-29
INU UNYE OTU EWE OKUP ME USEM AWAJI | SAMIEN EYI ÒSO IBA 4-6
“Kikaan̄ Ukpook Eyi Oborọ Ufuna Okarọ Jioba Ilọ”
w05 5/15 17 ¶8
Ikpakpa Isibi Inu Okup Me Ikpa Samien Eyi Òso Iba
6:1-7. Ikerere ibe ke Debit isa me ata ejit irọ, ọmọ ibebe mè eben okop inyan̄a-ibot me emen uji ekpirikpo ije ikeme ikan Awaji mè isa ufialek inu. (Isisibi 25:13, 14; Otu Ifuk 4:15, 19; 7:7-9) Mkpọ orọrọ mgbọ Uja onyanabe ubọk itet Okop Inyan̄a-Ibot ikijeen̄ si ibe ke isasa ata ejit irọ mkpọ ikpokọt inwene ikan Awaji.
w05 2/1 27 ¶20ib
Jioba Ikirọrọ Inu Otatat Mgbọ Geelek
20 Kpolọlọ ibe ke Uja iriọọn̄ ikan Awaji onyibe ofolek Okop Inyan̄a-Ibot. Okop Inyan̄a-Ibot okijeen̄ ibe ke Jioba omaan̄ me etete ebi eyi kan̄. Ikan ibe ke ire gaalek ebi Awaji ogobobe ebechak ubọk me lek okop ya. Ogwu geelek ojeje ikeme ikan ya ibokwukwu. (Otu Ifuk 4:18-20; 7:89) Ọmọ orọ, ibeben okop ya inan̄a me ere ge isi ofifi ere ire akpan ikwaan̄ omimin. Uja ire ogwu Libai (ire, ikare ogwu ngwugwa), eya orọ, ọmọ ira iriọọn̄ Ikan Awaji ijaan̄. Isọkọ me lek, me acha acha oraraka, miben Okop Inyan̄a-Ibot ya isi isun̄ me uwu nte kan̄ inyi ikpọ chieen̄ me lek. (Samien Eyi Adasi 6:20–7:1) Ikup me uwu ya mkpọ oboso akọp acha jaaba mege ire mgbọ Debit obe mè eben efo Jeruselem. Eyi ikijeen̄ ibe ke Uja ira iriọọn̄ ikan ofolek Okop Inyan̄a-Ibot karake ikupbe ijija.
w05 2/1 27 ¶21
Jioba Ikirọrọ Inu Otatat Mgbọ Geelek
21 Jioba iriọọn̄ mkpọ okup eji me ejit. Eyi irebe ibe ke Baibul ibe ke Uja irọ “inu ikanyige ọmọ [Awaji] ulibi,” Jioba ira imun̄ ijo ekiket ikaan̄be ikerere ibe ke kpege isibi me Baibul. Ire Uja ire ogwu okiriraka lek, ogwu okirọ mkpọ iraka iman̄ ni? (Urọk 11:2) Ire ikimun̄ lek kan̄ kubọk ogwu okukup ufiak mije ibe ke igọọk iben Okop Inyan̄a-Ibot eyi ebi ototun̄ ukan̄ kiban̄ ekpọbe chieen̄ me lek me owuwa acha ni? (Urọk 8:13) Sa ire Uja ikachieek ibe ke Jioba mokọt ibem okop ya, orere, inu okijeen̄ ibe ke Ọmọ omaan̄ me etete kiban̄ ni? Ikakaan̄ eyi irebe, eji miriọọn̄ ibe ke Jioba irọ inu otatat. Ira imun̄ inu ge me ejit kè Uja eyi orọrọ inyi ikpan̄ ọmọ mgbọ yaage.—Urọk 21:2.
Week Inu Unye Otu Ewe Okup Me Usem Awaji
w96 4/1 29 ¶1
Bene Ufialek Kwun̄ Tap Me Ubọk Jioba
Debit kubọk ogwu ubọọn̄ ikaan̄ mfieek-ikọ me lek inu yi orọrọ. Inu Debit orọbe ikijeen̄ ibe ke usini mgbọ, ebi igbegbe utoon̄-ejit inyi Jioba mekọt irọ eru olọlọ me irek oyọyọt. Me adasi, Debit inaan̄ ejit mè iyaka inikaan̄ ufieek-owot. (Samien Eyi Òso Iba 6:8, 9) Mgbaan̄je kan̄ melek Jioba inin̄ me ntọ-mkpọ. Me irek yi, Debit ikayaka ufialek kan̄ itap me ubọk Jioba, ikagọọk si ntọ-ubọk kan̄. Ire eji mekọt ichichini mbet irek okup ikeya ni? Ire eji ekekifieek Jioba ikọ mè ire eji ikaan̄ ufialek mije eji ekagọọkbe nteme kan̄ ni?—Urọk 19:3.
ONYAN̄ GO 30–ONYAN̄ GWEREGWEN 5
INU UNYE OTU EWE OKUP ME USEM AWAJI | SAMIEN EYI ÒSO IBA 7-8
“Jioba Inyan̄a Ibot Inyi Debit”
w10 4/1 20 ¶3
“Mkpulu Kwun̄ Ibokekeke Inye”
Jioba ima ata olilọk kè Debit. Ire mije Debit ogbebe utoon̄-ejit inyi Awaji ke inyan̄a ibot inyi Debit ibe ke Ọmọ mosan̄a ogwu ubọọn̄ obokpulu ire mgbọ geelek isibi me owot iman kan̄, eyi ojeje ikike me lek usem nriran. Netan ikpa inyi Debit use Awaji ochieekbe, itumu ibe: “Uwu kwun̄ mè irek mkpulu kwun̄ ìbokekeke inye isi ire mgbọ geelek me isi n̄a. Ogboon̄ ubọọn̄ kwun̄ ìbokekeke isi ire mgbọ geelek!” (Agba eyi 16) Ekene ore gwun̄ kè Debit yi, ogwu echieekbe use ibe ke mkpulu kan̄ mokup ire mgbọ geelek?—Okwa Itọn̄ 89:20, 29, 34-36.
w10 4/1 20 ¶4
“Mkpulu Kwun̄ Ibokekeke Inye”
Jisọs inan̄a me Najaret, me owot iman kè Debit. Me mgbọ ogwu osat oninyi ulook ofolek iman kè Jisọs, itumu ibe: “Awaji môrọ gwun̄ ya ubọọn̄ inyi inibọkọ irek ubọọn̄ kè Debit ogwu ute. Gwun̄ ya môkikpulu otutuuk ebi owot iman kè Jekọp ire mgbọ ikakaan̄ge itata. Mkpulu kan̄ ìkpokaan̄ okputut.” (Luk 1:32, 33) Eya orọ, use Jioba ochieekbe Debit irọrọ iso me lek Jisọs Karais. Ibokpukpulu ire mgbọ geelek ike Awaji ochieekbe me use bak lek ikare ebilene egobo ogọt ibe ire ubọọn̄. Eji ekawuuk ibe ke use Awaji ikakilọlọ irọrọ iso.—Asaya 55:10, 11.
w14 10/15 10 ¶14
Kaan̄ Ichechieek Onyenye Me Lek Ama Ubọọn̄
14 Kpọ nu use Jioba ochieekbe Debit Ogwu Ubọọn̄ ebi Ijeren me ukọt ikaan̄, eyi ekigwen nnyan̄a-ibot Awaji onyan̄abe inyi Debit. (Fuk Samien Eyi Adasi 7:12, 16.) Jioba inyan̄a ibot yi inyi Debit me mgbọ Debit okikpulu me Jeruselem. Ichieek ọmọ use ibe ke ogwu Unyan̄a ibonan̄a me uwu kan̄. (Luk 1:30-33) Jioba isa me ikeyi ijeen̄ ibe ke ogwu Unyan̄a ibonan̄a me owot iman kè Debit. Itumu si ibe ke gwun̄ kè Debit more Ogwu Unyan̄a “ogwu îrebe unen kan̄ ikpukpulu.” (Ijik 21:25-27) Itibi me lek kè Jisọs, ogboon̄ ubọọn̄ kè Debit ‘ibobabia ire mgbọ ikakaan̄ge itata.’ Me atikọ, “ogboon̄ ubọọn̄ kan̄ môkup ire mgbọ geelek, kubọk ura òkup me isinyọn̄.” (Itọn̄ 89:34-37) Kpunu ijo inu geege obobọkọ irek me irak mkpulu Ogwu Unyan̄a yi, otutuuk inu echi iborọ itet si ibobabia ire mgbọ geelek.
Week Inu Unye Otu Ewe Okup Me Usem Awaji
it-2 206 ¶2
Ota Mgbọ
Nriran kè Balam. Ire sabum ebi Ijeren enin̄be Ijọn̄ Echieekbe Me Use ya, ke Balam otumu inyi Balak Ogwu Ubọọn̄ Mowabu ibe: “Na ǹtaba owu ubọk me utọn̄. Owu mômun̄ inu ife cha eberọ ebi kwun̄ usen inen mè inen òkinu me isi. . . . Ntoronyan̄ ge mônan̄a isibi me owot kè Jekọp, okuba ge môsibi ikeke me owot kè Ijeren. Ọmọ môkpukpuku okwut-isi ebi Mowabu, mè ijijaka otutuuk bọn kè Set.” (Ifuk 24:14-17) Me adasi, nriran ofolek “ntoronyan̄” yi irọ iso me lek Ogwu Ubọọn̄ Debit, ogwu otitim igak ebi Mowabu. (2 Sam 8:2) Eya orọ, isibi utoon̄ ibe ke “usen inen mè inen okinu me isi” mè iyaka ire ‘ota mgbọ’ inyi ebi Mowabu eyi Balam otumube ikọ ofolek ibene me mgbọ Debit okanabe ogwu ubọọn̄. Eyi irebe ibe ke Debit ikup me otuchieen̄ kè Jisọs, Ogwu Ubọọn̄ Okikpulu Me Emen Inyọn̄, nriran yi morọ iso si me lek Jisọs mgbọ motimbe ikpan̄ ebi ochicha kan̄.—Asaya 9:7; Itọn̄ 2:8, 9.
ONYAN̄ GWEREGWEN 6-12
INU UNYE OTU EWE OKUP ME USEM AWAJI | SAMIEN EYI ÒSO IBA 9-10
“Debit Ijeen̄ Ima Ogbegbe Utoon̄-Ejit”
w06 6/15 14 ¶6
Omokọt Ikaan̄ Ubelejit
Debit ige ibe: “Kpọ-nu uga ubelejit òkup inyi ogwu òkitap ubọk inyi ebi irek osikibe; [Jioba NW ] mônyan̄a ọmọ me mgbọ uyọrọlek. [Jioba NW ] môbem ọmọ, mè isun̄ ọmọ ugwem; [Jioba NW ] môgbana ọmọ me linyọn̄; ìkpojit ọmọ itele ibe ebi ochicha kan̄ ekpan̄ ọmọ.” (Okwa Itọn̄ 41:1, 2) Mbet ima Debit ojeen̄be Mefiboset gwun̄ kè Jonatan ogwu unene kan̄ orere akọọk, ire ata akpat ukot eyi ijejeen̄ ima me lek ebi irek osikibe.—Samien Eyi Òso Iba 9:1-13.
w05 5/15 17 ¶12
Ikpakpa Isibi Inu Okup Me Ikpa Samien Eyi Òso Iba
9:1, 6, 7. Debit irọ use kan̄ iso. Eji si ekalọ ikekirọ use kiji iso.
w02 2/15 14 ¶10
Ema Mime Ufialek Kiban̄
10 Mije ima Ogwu Ubọọn̄ Debit okaan̄be me lek Jonatan, ijeen̄ Mefiboset ata ejit ikerere ibe ke owuwa acha iraka me lek. Debit iyaka otutuuk ijọn̄ kè Sọọlu inyi Mefiboset mè ibe mè Siba ogwu usun̄ kè Sọọlu ikikpọ chieen̄ me lek. Debit itumu inyi Mefiboset ibe: ‘Owu obokirie inorie me lek ikasi n̄a mgbọ geelek.’ (Samien Eyi Òso Iba 9:6-10) Me atikọ, ata ejit Debit ojeen̄be Mefiboset ira ikat ọmọ ejit mè irọ ufuna ufiak kan̄ ikayaka imin igak ogọt. Eyi ichubọk ire ata inu nkween̄! Kè eji si ekejeen̄ nsan ejit me lek ebi ikirurumun̄ me lek ufialek.
Week Inu Unye Otu Ewe Okup Me Usem Awaji
it-1 266
Ifet Otu
Owuwu ebi iluk me agan̄ Mbum-Ura me ukot ikaan̄, ikerere ebi Ijeren si ekimun̄ ifet otu kubọk inu umin inyi ebirieen̄. Awaji itumu inyi ebi Ijeren ibe me ema ‘ekakwọkọ ijeek isan̄a me agba ibot kiban̄,’ mè ekakpaan̄ si otu utọn̄ ifet otu kiban̄. (Lib 19:27; 21:5) Kpolọlọ, Awaji inyi ikan yi bak lek usini ebi ikiriaak mkpọmfaka ekikwọkọ ijeek agba ibot kiban̄ kubọk ngwugwa inyi awaji kiban̄.
ONYAN̄ GWEREGWEN 13-19
INU UNYE OTU EWE OKUP ME USEM AWAJI | SAMIEN EYI ÒSO IBA 11-12
“Kachieek Ibe Ijo Olilọk Ikitọ Ikọ Inyi Owu”
w21.06 17 ¶10
Omokọt Ilibi Inwọnọ Ufe Kè Setan!
10 Ofolek inu echi Jioba orọbe inyi ọmọ, Debit itumu ibe: “Emi m̀kpakọt ikpa otutuuk isan̄a.” (Itọn̄ 40:5) Jioba irọ inyi Debit ibọọn̄ ubọọn̄ mè ikọt itim igak owuwa ebi ochicha kan̄. Ire, chieen̄ ile irọ inyi Debit iwuuk inu echi Jioba orọbe inyi ọmọ. Inu echi ikaan̄be ikaso ọmọ, ikpọkpọ ikiweek isọkọ si. Ikerere ibe ke Debit ikaan̄ owuwa nwa, ikaan̄ olilọk ilaak me lek nwa ofifi ene. Ogwu enenwaan̄ ya ire Batiseba, Uraya ogwu Et ore nlom kan̄. Debit igọọk Betiseba ilaak, ininin̄ owot. Inu Debit orọbe ilọ, ire, iyaka inirọ eyi osasak igak eya mgbọ iriabe etip ibe eto Uraya me isi akọn̄ ufuna ikwu. (2 Sam 11:2-15) Keke ke Debit okikeek ni? Ire ikeek ibe ke Jioba ikamun̄ inu irọbe ni? Ikerere ibe ke Debit igbe utoon̄-ejit inyi Jioba me owuwa acha, itele ibe chieen̄ ile ibieen̄ ogọt ibe irọ ijo inu eyi osasa ufialek ijet ogọt. Ire, Debit itumu ijo kan̄ isibi mè igwu ikom. Debit ibele ejit enenen ibe ke ke ọmọ iyaka ikpọk ikana ogwu unene Jioba!—2 Sam 12:7-13.
w19.09 17 ¶15
Keke Orọ mè Ike Owa Ke Eji Ebekisiki Ibot Inyi Jioba?
15 Jioba igobo Debit ibe ire ogwu ibot me ototun̄ ukan̄ kan̄ mè ire si inyi otutuuk ebi Ijeren. Kubọk ogwu ubọọn̄, Debit ikaan̄ unye ntọ-ikọ. Usini mgbọ, isa unye kan̄ irọ mkpọ me oniin̄ olọlọ mè irọ ijo inu omimin si. (2 Sam 11:14, 15) Ire, Debit ijeen̄ nsiki-ibot kan̄ inyi Jioba sa me ibọbọkọ osusut kan̄ itap. Ikpa otutuuk ejit kan̄ inyi Jioba me uriaak. Itap efuuk imun̄ ibe ke ọmọ igọọk nteme Jioba. (Itọn̄ 51:1-4) Isọkọ me lek si, Debit ijeen̄ eru nsiki-lek sa me ibọbọkọ ata nteme echi ebirieen̄ mè ebibaan̄ enyibe ọmọ itap. (1 Sam 19:11, 12; 25:32, 33) Debit ikween̄ mkpọ inan̄a me lek nrọ-nlọ kan̄ mè iyaka inito ntọbọ-ebum kan̄ isa inyi Jioba kubọk adasi inu me ugwem kan̄.
w18.06 17 ¶7
Tele mè Ikan melek Onineen̄ Awaji Ikpukpo Nkeek Kwun̄
7 Ikare gaalek mgbọ eji ekpakabe otu Awaji mè ibọkọ mkpukpe ijo inu eji erọbe ke eji ebekọt ikween̄ mkpọ. Eji mekọt ikween̄ mkpọ inan̄a me lek akpat ukot ebi egebe nrọ-nlọ kiban̄ isibi me emen Baibul. Ikpa Urọk 1:5 ibe: “Ogwu òriọọn̄ inu mônọ, mè isa ikween̄ inu isọkọ.” Me atikọ, eji ekikween̄ mkpọ onwọnwọn ichit inan̄a me ubọk Awaji. Eji ekirọ eyi me mgbọ eji ekebifuk mè ikigwu nkeek ikom me lek ukpatu ofolek ebi ene me emen Baibul. Kubọk inu ijejeen̄, keek nu mbet ufialek Ogwu Ubọọn̄ Debit okaan̄be me mgbọ ikpakabe otu Jioba mè igọọk Batiseba ilaak. (2 Sam 12:7-14) Ike eji ekifuk mè ikigwu nkeek ikom me lek mfufuk yi, eji mekọt ido lek kiji ibe: ‘Ire Ogwu Ubọọn̄ Debit ke okọt oro inu eyi morọ ufuna ikagọọk Batiseba ilaak mè ibọkọ ukwook ibọkọbe ni? Ire nchichini ntọ-mkpọ okup ikeya, keke ke mbarọ ni? Ire majit mè ilibi inan̄a kubọk Josefu sa ire marọn̄ inin̄ emen ntọ-mkpọ ya kubọk Debit?’ (Ibeb 39:11-15) Sa me ikekigwu nkeek ikom me lek ijo mkpukpe eji ebekaan̄ mè ire eji irọ ijo inu, eji mekọt ‘ikicha ijo inu.’
Week Inu Unye Otu Ewe Okup Me Usem Awaji
it-1 590 ¶1
Debit
Jioba imun̄ mè ikpọk mbum otutuuk inu orọrọ. More ibe ke Jioba itele ibe ebi ugane ebi Ijeren ekpọ chieen̄ me lek inu ya igọọk me lek Ikan inyibe ema, ke ekpan̄ Debit mè Batiseba, gwun̄ okup me owot kan̄ ke okwu si. (Ikan 5:18; 22:22) Ire, ire Jioba okpọ chieen̄ me lek inu yi. Ijeen̄ Debit nsan bak lek inyan̄a-ibot inyan̄abe inyi Debit ibe ke gwun̄ kan̄ mokpulu ire mgbọ geelek. (2 Sam 7:11-16) Ofifi si, Debit ijeen̄ ebi ofifi ife nsan. (1 Sam 24:4-7; kpọ si Jemis 2:13) Isọkọ me lek si, Awaji imun̄ ibe ke Debit mè Batiseba mifieek ejit mè igwu ikom. (Itọn̄ 51:1-4) Ire, taba iman̄ ibe ke ema mibọkọ ukwook bak lek ijo inu ema erọbe. Jioba iria Netan ibe isi itumu inyi Debit ibe: “Emi m̀basa ene ge me ototun̄ ukan̄ kwun̄ itap owu ijo ufialek me lek.”—2 Sam 12:1-12.
ONYAN̄ GWEREGWEN 20-26
INU UNYE OTU EWE OKUP ME USEM AWAJI | SAMIEN EYI ÒSO IBA 13-14
“Ulọk Kè Aminọn Isan̄a Unan Isibi”
it-1 32
Abusolọm
Mkpa kè Aminọn. Tema, Abusolọm melek Aminọn ire bọn kè Debit. Ire, Aminọn ikaan̄ ulọk me lek Tema gwun̄ ogwu ute bak lek uja kan̄. Aminọn ifiaan̄ irọ kubọk lek kan̄ ikanye mè ibe mè eria Tema ibe inirọ inorie inyi ọmọ. Mgbọ Tema osabe inorie ya ijet ogọt, itetet ọmọ me unye igọọk ilaak. Aminọn ima Tema mè iweek igọgọọk ọmọ ilaak, mgbọ igọọkbe ọmọ ilaak isan̄a, ichacha Tema enenen mè irieen̄ ogọt isibi ito me oyet. Tema ogwagwak ofọnti okup ọmọ me lek, orere ujuja ofọnti esabe esese inu unye otu ewe ibala, eyi bọn ogwu ubọọn̄, ebi kperiọọn̄ ebirieen̄ ekitap mè ikpulu ntọn̄ igwook me ibot kan̄. Ike ikito ito ije ifo, ichichichini Abusolọm. Inu Abusolọm otumube ikijeen̄ ibe ke ọmọ iwuuk lek iriọọn̄ ibe ke Aminọn ikaan̄ ulọk me lek Tema. Abusolọm itumu inyi Tema ibe iriaan̄ ere mè isa ogọt ifo uwu kan̄.—2 Sam 13:1-20.
w17.09 5 ¶11
Kaan̄ Eru Ikekitet Lek Ikaan̄
11 Baibul iben ukpatu ofolek ebi ene, ebi kpekọt itet lek ikaan̄ mè irọ eru barabat. Ikpa si ijo mkpukpe ene obokaan̄ mè ire ikakọt itet lek ikaan̄. Ogwu geelek okichichini mbet inu gwun̄ ute Kim ochichinibe igwu nkeek ikom me lek ogwu enerieen̄ etumube ikọ ofolek me ikpa Urọk, ibot Jaaba. Keek si inu Aminọn orọbe mè ufialek inu ya osan̄abe isibi. (2 Sam 13:1, 2, 10-15, 28-32) Me nkween̄mkpọ ototun̄ ukan̄ kiban̄, ebi irere ute mè uga mekọt isa ere Baibul chi itap ubọk inyi nsabọn kiban̄ ekọt ekween̄ ubọk ebesa me iriọọn̄-inu ikirọ mkpọ melek ubọk ebekọt ikitet lek ikaan̄ mè ikijit olilọk melek eru barabat me mgbọ ekigọọk ebi ofifi ife irọ inu.
it-1 33 ¶1
Abusolọm
Acha iba iraka me lek eyi Aminọn otetbe Tema ilaak me unye ubọk. Ikem mgbọ eberọ orirọ isọsọp inwọọn̄ me lek arọọn̄, Abusolọm ineen̄ irọrọ orirọ eyi kan̄ me Baali-Asọru, eyi okup me mkpọ obet lek 22 km (14 mi) NNE me Jeruselem. Igwen nte kan̄ mè ebi ngwan̄ kan̄ ebirieen̄ ibe egọọk ọmọ erọ orirọ ya, ire, Debit ogwu ute ikaweek isisi. Abusolọm okpọkpọ ikiriaak ogọt ibe itele inyi Aminọn, adasi gwun̄ kan̄ igọọk ema ije. (Urọk 10:18) Abusolọm inyi ebi ikwaan̄ kan̄ ida ibe ekpan̄ Aminọn “isinwọ miin̄ isa, mè ikibele ejit.” Bọn ogwu ubọọn̄ kechilọ migwu ikom ifo Jeruselem, Abusolọm olilibi isi lek Talimayi nte nga kan̄ me Gesuru me agan̄ Mbum-Ura me Okwaan̄ Galili. (2 Sam 13:23-38) “Oge akọn̄” eyi Netan otumube ikọ ofolek inin̄ “uwu” Debit, ikposibi si mege ire ibokwu.—2 Sam 12:10.
Week Inu Unye Otu Ewe Okup Me Usem Awaji
g04 12/22 8-9
Uja Eyi Okukup Ufiak Ichit
Ubọk geelek ibe ke Abusolọm gwun̄ kè Debit ijaan̄ uja, iyaka inikana ogwu owuwa ene ekamabe. Ofolek Abusolọm, Baibul itumu ibe: “Me otutuuk Ijeren, kpunu ogwu ebi ene ekitọn̄ enenen kubọk Abusolọm, me lek uja îjaan̄be. Bene me ibot kan̄ si re ukot kan̄, kpunu ìroon̄ geege. Otutuuk inu ìsoso ikup me lek kan̄.” (Samien Eyi Òso Iba 14:25) Ire, Abusolọm ikeke ikeme nte kan̄ mè iweek ibọbọkọ irek ubọọn̄ kan̄. Igọọk si usini ebi ugan nte kan̄ ilaak. Bak lek eyi, Awaji inaan̄ ejit inyi Abusolọm, ikwukwu mkpa esip.—Samien Eyi Òso Iba 15:10-14; 16:13-22; 17:14; 18:9, 15.
Ire omoma ene obet lek Abusolọm ni? Kpolọlọ, ufọọk-otu kwun̄ ibore in̄-in̄. Abusolọm ikajeen̄ ata eru eyi oborọ inyi ema ọmọ. Ikerere ibe ke ijaan̄ uja, eji ekawuuk ibe ke ọmọ ire ogwu ugumu, ogwu okekeke ikeme nte kan̄, eyi orọrọ ibe ikwu mkpa esip. Baibul iben ukpatu ofolek ebi ijejeen̄ iriọọn̄-inu ikerere ibe ke ikatumu mkpọ osilek uja akpalek kiban̄. Isibi utoon̄ ibe ke ire ijajaan̄ uja me chieen̄ Awaji orere, ikekirọ nkeek kan̄ okup ufiak ichit.
ONYAN̄ GWEREGWEN 27–ONYAN̄ JAABA 3
INU UNYE OTU EWE OKUP ME USEM AWAJI | SAMIEN EYI ÒSO IBA 15-17
“Ubenelek Orọ Mè Abusolọm Ikeke Ikeme Mkpulu Ogwu Ute”
it-1 860
Ogwu Okilibi Me Isi
Ebi iluk me agan̄ Mbum-Ura me ukot ikaan̄ ekikaan̄ ebi ikilibi isi inyi ulook ofolek inunu ogwu ubọọn̄, ema si ekinen̄e ere isun̄ mè ikitap ubọk inyi ogọt. (1 Sam 8:11) Abusolọm melek Adonija miria akọp ene go ibe ekelibi me isi uji akọn̄ kiban̄. Ema erọ eyi kubọk ire ogwu ubọọn̄ onyi ema ida, ufuna ema ekaan̄ umin me mgbọ ema ekaan̄be me ejit ibọbọkọ irek mkpulu nte kiban̄.—2 Sam 15:1; 1 Ubọọn̄ 1:5; kpọ si RUNNERS.
w12 7/15 13 ¶5
Tọbọ Ebum Nyi Awaji Ogwu Okinyi Ene Nkaan̄-Lek
5 Baibul ikpa mkpọ ofolek ogbogbo ebi ikakaan̄ ijo mgbaan̄ me ugwem ebi ofifi ife. Ge me lek ife chi ire Abusolọm gwun̄ Ogwu Ubọọn̄ Debit. Abusolọm ire enerieen̄ keya ojajaan̄ uja enenen. Ike mgbọ okije, ọmọ itele ibe ijo olilọk inin̄ ejit kan̄ ike Setan orọbe. Ibebene ikiweek irek ubọọn̄ ogwu ute eyi ikakupbe inyi ogọt. Abusolọm isa me ifiọk ikirọ kubọk ọmọ ima ebi Ijeren ufuna ọmọ ikọt ibọkọ irek ubọọn̄ ya, mè irọ inyi ema ekekeek ibe ke ogwu ubọọn̄ mè ebi ugane ama ekikpọkpọ ema isiki chieen̄. Ike Yọk orọbe me emen ogọ Iden, Abusolọm irọ ibe ebi Ijeren ekemun̄ ọmọ kubọk ire ogwu oborọ ata inu inyi ema. Me ike mgbọ yaage si, ikekifiat erieen̄ ogwu ute.—2 Sam 15:1-5.
it-1 1083-1084
Eubrọn
Acha acha iraraka me lek, Abusolọm gwun̄ kè Debit osisi Eburọn ikisi itọt ubọk ibosa ibọkọ irek ubọọn̄ nte kan̄. Ire ikakọt irọ itet. (2 Sam 15:7-10) Mokọt ire ibe ke ire bak lek Eburọn owuukbe lek ire uga ama me Juda mè ere emanbe ogọt, ke Abusolọm ogobo ama ya kubọk ere ibobene ikitọt ubọk ibosa ikeke ikeme nte kan̄. Me ike mgbọ ojebe me lek, Ogwu Ubọọn̄ Reyobuwam orere, gwun̄ gwun̄ kè Debit, ikpọk inama ama Eburọn. (2 Mfuf 11:5-10) Ebi Babilọn migwak Juda mè ikpulu ebi Ju ifo. Mgbọ ebi Ju cha egwube ikom ika, usini kiban̄ miluk me Eburọn (Kiriath-arba).—Neyem 11:25.
Week Inu Unye Otu Ewe Okup Me Usem Awaji
w18.08 6 ¶11
Ire Oriọọn̄ Otutuuk Atikọ Ofolek Inu Ni?
11 Usini mgbọ, eji ge ge mekọt ichichini nrọ-nkeme mije ibe ke ebi ene mitumu usem echi ikarebe atikọ mè iyaka ire ikan̄ ataak itoon̄ eji. Kpọ nu mbet inu orọrọ inyi Ogwu Ubọọn̄ Debit melek Mefiboset. Debit ijeen̄ Mefiboset ata ejit mè iyaka otutuuk ijọn̄ Sọọlu nte nte kan̄ inyi ogọt. (2 Sam 9:6, 7) Ire, me mgburudun̄, Debit iyaka ikibọkọ ijo ukpatu ofolek Mefiboset. Debit ikaweweek iriọọn̄ mè ire ukpatu ya ire atikọ sa ire ataak, ikpọkpọk itumu ifieek ibe ke ọmọ mobọkọ otutuuk ijọn̄ cha isan̄a me ubọk Mefiboset. (2 Sam 16:1-4) Ire, mgbọ Debit oyakabe igọọk Mefiboset ikpa usem, Debit ototolek imun̄ ibe ke inu ọmọ orọbe ilọ, mè iyaka okpọkọ me lek ijọn̄ cha inyi Mefiboset. (2 Sam 19:24-29) Ijo inu yi kpomobọkọ irek more ibe ke Debit idasi iweek iriọọn̄ atikọ ofolek usem inọbe.