Ire Okekitaba Iman̄ Me Lek Ubọk Jioba Okisa Ifọọk Otu Uriaak Kwun̄ Ni?

Baibul iben ogbogbo ukpatu ofolek ebi Jioba ofọọkbe otu uriaak kiban̄. Mgbọ ebi usun̄ Jioba emun̄be ike isabe igban̄ utọn̄ me lek kiban̄ mè itap ubọk inyi ema, kpolọlọ, eyi ira irọ inyi ichechieek kiban̄ inye igbaalek. Ọmọ orọ, monwọn ibe uriaak kiji ikikup ọkpọkpọ, eji si mekikpọ ubọk Jioba obosa ifọọk otu uriaak kiji. Riọọn̄ ibe ke ufọọk-otu kan̄ mokọt ije esese me lek mè iyaka ire ikpore ubọk eji eweekbe. (2 Kọr 12:7-9; Efes 3:20) Ike owa ke Jioba obokọt ifọọk otu uriaak kiji?

• Mokọt inye eji esuuk me ejit, unye, mè iyaka ire ichechieek eji ebekisa ibeme ufialek kiji.—Filip 4:13

• Mokọt inyi eji iriọọn̄-inu isasa irọ ata ntumu-mfieek.—Jemis 1:5

• Mokọt inyi eji olilọk melek unye isasa irọ inu.—Filip 2:13

• Mokọt inyi eji usiki-ejit me mgbọ eji ekaan̄be sasaak.—Filip 4:6, 7

• Mokọt isa ebi ofifi ife itap ubọk inyi eji.—1 Jọn 3:17, 18

• Mokọt itap ubọk inyi ebi eji eriaakbe uriaak me ibot.—Ikwaan̄ 12:5, 11

IKPỌ FIDIO JIOBA IRE OGWU “OKINỌ URIAAK,” MÈ IFỌỌK IDODO CHI:

• Ike owa ke inu Gwun̄ Ute Shimizu ojebe itibi obokọt itap eji efuuk me owot mè ire eji kpekọt ikirọ inu ike eji ewuukbe lek ikirọ bak lek orukan̄?

• Ike owa ke eji ebekọt igọọk akpat ukot Gwun̄ Ute Shimizu?