ILULUK UGWEM KUBỌK EBI EYI KARAIS
Yaka Lek Kwun̄ Maan̄ Me Lek Jioba Esikirọ Owu Nnaan̄
Ebi ikirọ ene nnaan̄ mekọt isak eji unan mè irọ ibe eji ekefieek ejit. Ema si mekọt irọ ibe mgbaan̄je kiji melek Jioba iwọ ire eji ikifieek owot mgbọ ekikeke ikeme ntọbọ-ebum kiji. Ike owa ke obosa ibem lek kwun̄ isan̄a me ubọk ebi ikirọ ene nnaan̄ ni?
Owuwa ebi usun̄ Jioba mikọt itim igak nnaan̄ sa me iyayaka lek imaan̄ me lek Jioba. (Itọn̄ 18:17) Kubọk inu njeen̄, Esita itumu usem isasa ikpọk mbum ijo otitọt ogwu nnaan̄ ekigwen Aman. (Esita 7:1-6) Sabum irọbe ikeya, iyaka lek imaan̄ me lek Jioba sa me ijijin otu. (Esita 4:14-16) Jioba igbana efuuk kan̄ mè ibem ọmọ mè ebi eyi kan̄.
Ebi ijija, ire ekirọ enyi nnaan̄, ibeek ntap-ubọk kè Jioba mè igọọk ebi imimiin̄ inin̄ ene kubọk nga kinyi mè nte kinyi ikpa mkpọ ofolek inu ya. Jioba motap ubọk inyi enyi ike itapbe ubọk inyi Esita. Keke si ke enyi eberọ igbaalek ire ekirọ enyi nnaan̄?
IKPỌ FIDIO MGBỌ NKUPBE IJIJA—KEKE KE MBARỌ MÈ IRE EKIRỌ EMI NNAAN̄? MÈ IFỌỌK IDODO CHI:
Keke ke ebi ijija ebekọt ikween̄ inan̄a me lek akpat ukot Charlie mè Ferin?
Keke ke uga mè ute ebekọt ikween̄ inan̄a me lek usem Charlie mè Ferin ofolek ubọk ema ebesa itap ubọk inyi nsabọn kiban̄ ekọt eje etibi nnaan̄ ni?