Ikpa Okikpa Nkween̄mkpọ Ugwem Mè Ikwaan̄ Kiji Kubọk Ebi Eyi Karais
© 2023 Watch Tower Bible and Tract Society of Pennsylvania
AKỌP MÈ ONYAN̄ GE 6-12
INU UNYE OTU EWE OKUP ME USEM AWAJI | JOBU 13-14
“Ire Ene Ikwu, Ìre Môyaka Ikpọk Igat Ugwem Ni?”
w99 10/15 3 ¶1-3
Efuuk Ebi Ene Ekitap Isasa Iluk Ujọn̄ọ Ugwem
IKERERE me chereyi, usini ene kpechieek me lek inu Jobu otumube ofolek ubọk ugwem osabe igbidim ire, ikerere ibe ke iraka obop acha ita mè efit go karake egebe inu yi. Ema kpechubọk ikibele ejit ibe ke mgbọ ema ekaan̄be isasa inwọọn̄ ugwem, ikan mè ikwu migbidim. Eya orọ, karake ukot ikaan̄, ebi ene misan̄a esese esese ubọk isasa irọ ibe ugwem ijọn̄ọ isibi.
Me ukot kè Jobu, ebi Ijipiti mikitaka òsok kè anam inyi ema eyaka ekaan̄ unye mgbọ ijija kiban̄, ire, eyi ikatap ubọk inyi ema. Okpan okpan inu ebi ikisa inwenwene okukwut ikana alata araran̄ ekaan̄be me ejit ire isasan̄a ugwun̄ ge isibi eyi obokọt irọ ibe ebi ene eluk ujọn̄ọ ugwem. Owuwa kiban̄ echieek ibe ke alata araran̄ esan̄abe inan̄a me lek okwukwut mokọt irọ ibe ene iluk ugwem ire mgbọ geelek, ke irerie inorie me emen alala alata araran̄ mokọt irọ ibe ene iluk ujọn̄ọ ugwem. Ebi uwu uriaak ge me China ukot ikaan̄ echieek ibe ke ema mekọt inwene usini inu okibọkọ irek me emen kiban̄ sa me ubọk ema ebekisa igwu nkeek ikom, ikichọ efuuk, mè irie inorie mè inan̄a me ikeya iluk ugwem ire mgbọ geelek.
Ene ge ogwu okiweek mkpọ ekigwen Juan Ponce de León onan̄a me Spain ire ogwu eriọọn̄be kubọk ogwu okiweek mun̄ ebekọt inwọ inyi ekakan. Ogwu ofia ebeke ge me ukot ikaan̄ ige me emen ikpa kan̄ ekigwen Hermippus Redivivus ibe etitiin̄ asasa nsabọn ebi ekariọọn̄ge ebirieen̄ mè iyaka ire ebibaan̄ etap me emen gwun̄ agwut ge me mgbọ ibot, mè etap efuuk kiban̄ me emen iko mè esa erom ugwun̄ oborọ ibe eluk ujọn̄ọ ugwem. Ire, inu chi geege ikakaan̄ ibot.
w15 4/15 32 ¶1-2
Ire Uti Echobe Mokọt Itibi Ni?
IRE ESA itọt me lek uti olik (cedar) okup me Lebanọn, uti olifu [Olea europaea] ikup kubọk ikakup me lek inu geege. Ire, uti olifu mokọt iluk itibi irek oyọyọt. Usini kiban̄ miluk iso mkpọ obet lek obop acha ge. Ugwun̄-ijọn̄ uti olifu okirọ inyi iyaka itibi ikerere mgbọ efieekbe ebon kan̄ isan̄a. Ire ugwun̄-ijọn̄ ya ikakwu, mokọt ikpọk itibi.
Jobu ichieek inye ibe ke ire ọmọ ikwu, ke ọmọ mokọt iyaka iluk ugwem. (Jobu 14:13-15) Isa uti—mokọt ire uti olifu—isa ijeen̄ utoon̄-ejit ikaan̄be me lek unye Awaji okaan̄be isasa ijomo ọmọ. Jobu itumu ibe: ‘Uti îkaan̄ ikpọchieen̄, ire efieek ito, môkpọk isek.’ Mgbọ geelek ibot isirep igwook ugwun̄-ijọn̄ uti olifu ochachiaak, “îra itibi oduuk mè igwook agọọk kubọk ke ewowop.”—Jobu 14:7-9.
w11 3/1 22 ¶5
“Inu Ubọk Kwun̄ Orombe Mônenilọk Owu”
Usem kè Jobu ijeen̄ eji atalek inu ge eji ebekween̄ ofolek Jioba. Ikaan̄ ulọk osibi esese me lek ebi usun̄ kan̄ ebi iyayaka ugwem kiban̄ itap ọmọ me ubọk kubọk Jobu, mè itele ibe ọmọ ikikpukpo ema inyi ekana ebi ikup unye otu ewe me chieen̄ kan̄. (Asaya 64:8) Jioba imọnọ ebi usun̄ kan̄ ikigbe utoon̄-ejit ibene. Ikaan̄ ‘ulọk’ me lek ebi usun̄ kan̄ igbegbe utoon̄-ejit ikwakwaan̄. Ene ge okikween̄ mkpọ ibe ke usem Iburu yi ore ge me lek usem okakaan̄ unye ichit ekisa irọ mkpọ isasa ijeen̄ ulọk ene okaan̄be isasa irọ mkpọ mè iyaka ire itumu usem. Iin̄, ikare gaalek ibe ke Jioba ikikekeek ebi usun̄ kan̄, ire, ikaan̄ ulọk ijojomo ema inu me ugwem.
Week Inu Unye Otu Ewe Okup Me Usem Awaji
it-1 191
Ntọn̄
Ntọn̄ si mokọt isibi mkpọ eyi ikakupge me lek inu geege, kubọk inu njeen̄, Ebereyam itumu inyi Jioba ibe: “Emi ìre achiaan̄ mè ntọn̄ ikike.” (Ibeb 18:27; kpọ si Asaya 44:20; Jobu 30:19.) Jobu si isa usem ataak ataak ebi unene kan̄ itọt me lek “urọk ebegegen̄ ifiin̄ kubọk ntọn̄.”—Jobu 13:12.
AKỌP MÈ ONYAN̄ GE 13-19
INU UNYE OTU EWE OKUP ME USEM AWAJI | JOBU 15-17
“Kagọọk Akpat Ukot Elifaji Me Mgbọ Okikat Ene Ejit”
w05 9/15 26 ¶4-5
Jit Lọlọ Nkeek!
Me otutuuk usem ita itumube, Elifaji ikitumu ibe ke Awaji ikiweek owuwa mkpọ me ubọk ebi usun̄ kan̄, ke kpunu inu geege ebi usun̄ kan̄ ekirọ okinin̄ ọmọ chieen̄. Elifaji itumu inyi Jobu ibe: ‘Awaji ìkatoon̄ ebi ikwaan̄ kan̄ ejit me lek, ikifefieek ebi osat kan̄ ikọ.’ (Jobu 4:18) Elifaji itumu ofolek Awaji ibe: “Awaji ìkatoon̄ ejit me lek ebi osat kan̄, akpabin inyọn̄ me lek kan̄, ikatana me chieen̄ Awaji.” (Jobu 15:15) Mè ido ibe: “Ire owu ore ogwu ata irọrọ, ìre kpasi ubelejit ke eya obonyi Ogwu Òkaan̄ Unye Geelek?” (Jobu 22:3) Bilidadi si ichieek me lek nkeek ya, mije itumu ibe: “Me chieen̄ Awaji, onyan̄ me lek kan̄ ikatoon̄, ebi kè ntoronyan̄ ekup me chieen̄ kan̄ ndudun ndudun.”—Jobu 25:5.
Igbe ibe eji ekup me ugwọk chieen̄ inyi nkeek okup ikeya ikakaan̄ mgbaan̄ me lek kiji. Mokọt irọ ibe eji ekekeek ibe ke Awaji ikiweek owuwa mkpọ me ubọk kiji. Nkeek okup ikeya mokọt ijijaka mgbaan̄je kiji melek Jioba. Isọkọ me lek si, ire eji itele ibe mbet lek nkeek ya ikup eji me emen, ike owa ke eji ebesa irọ eru ire enyi eji nkan̄-inu ni? Kpan̄asi isasa me usikilek ibọkọ nkan̄-inu ya itap, eji mekọt ibene ikinaan̄ ejit inyi Jioba. (Urọk 19:3) Eyi mochubọk itap mgbaan̄je kiji melek Jioba me unan!
w15 2/15 9 ¶16
Gọọk Akpat Ukot Nsikilek mè Ata Ejit Kè Jisọs
16 Usem ata ejit kiji. Ata ejit eji ekaan̄be me lek ebi ofifi ife obokibieen̄ eji ibe ekekat ejit ebi ikifieek ejit. (1 Tes 5:14) Keke ke eji ebekọt itumu isasa itap efuuk me owot ebi ikup ikeya ni? Eji mekọt itap ema efuuk me owot sa me ijejeen̄ ata ulọk me lek kiban̄. Eji mekọt itọn̄ ema inan̄a me ejit kiji, mè itap ubọk inyi ema emun̄ ata eru ema ekaan̄be mè inu ema ebekọt irọ. Eji mekọt ikeek ema ibe ke ire Jioba otaba ema inu me lek ogwu Gwun̄, eya orọ, ke ema mikup me unye otu ewe me chieen̄ kan̄. (Jọn 6:44) Eji mekọt irọ inyi ema eriọọn̄ ibe ke Jioba ikichuchubọk ikpọ chieen̄ me lek ebi usun̄ kan̄ ikakaan̄ “uga ufieejit” mè “ebi kpeyaka ikaan̄ ikpọchieen̄ geege.” (Itọn̄ 34:18) Usem eji esabe me ata ejit itumu mokọt ikup kubọk ata igwagwa isa inyi ebi ikiweek ukarajit.—Urọk 16:24.
Week Inu Unye Otu Ewe Okup Me Usem Awaji
w06 3/15 14 ¶11
Inu Ekpabe Ofolek Ikpa Jobu
7:9, 10; 10:21; 16:22—Ire usem Jobu ikijeen̄ ibe ke ọmọ ikachieek me lek ijojomo me mkpa ni? Usem chi ikitumu mkpọ oborọ Jobu isikwu. Eya orọ, keke ke Jobu okaan̄ me nkeek? Ge me lek inu ikaan̄be me nkeek ire, ọmọ isikwu, ke kpunu ebi melek kan̄ geege ibeyaka imun̄ ọmọ. Me chieen̄ kiban̄, ọmọ ikpoboyaka inu me uwu kan̄, mè iyaka ire kpunu ene geege oboyaka ibọkọ ọmọ itap, mege mgbọ Awaji isikem. Mokọt ire si ibe ke Jobu ikitumu ibe ke kpunu ogwu obokọt inan̄a me udọn̄ ufuun̄ isibi me lek kan̄ gaalek. Ikpọchieen̄ Jobu ofolek ijojomo me mkpa ikpọk mbum me ikpa Jobu 14:13-15.
AKỌP MÈ ONYAN̄ GE 20-26
INU UNYE OTU EWE OKUP ME USEM AWAJI | JOBU 18-19
“Kajuuk Bọn Nte Kwun̄ Itele”
w22.01 16 ¶9
Inu Eji Ebekọt Ikween̄ Inan̄a Me Lek Ito Kè Jisọs
9 Owu mokọt itap ubọk inyi ebi ikifieek ejit. Ikare gaalek ibe ke Jisọs igọọk Mata mè Meri ito ito, ire, igban̄ utọn̄ me lek kiban̄ mè itumu usem obokat ema ejit. Eji mekọt irọ mbet lek inu yaage inyi ebi ikifieek ejit. Dan, ogwu ugane ntitiin̄ ge okiluk me Australia itumu ibe: “Mgbọ nwa n̄a okwube, nchubọk iweek ntap-ubọk. Owuwa olom mè nwa mikinu ewelegwe mè ikakwun̄ geelek inigban̄ emi utọn̄ me lek. Ema mikitele ibe nketo ito, kpechieek ibe ito n̄a itet ema esip. Ema mirọ mkpọ isasa itap ubọk inyi emi, kubọk ikekigwọk uji ijọn̄ n̄a, isi ewe inyi emi, mè ikitem mkpọ inyi emi mgbọ nkakọtbe ikpọ chieen̄ me lek inu chi. Ema si mikigọọk emi ibeek uriaak owuwa mgbọ. Ema mijeen̄ ibe ke ema echubọk ire ata unene mè ngwan̄ ‘me mgbọ uyọrọlek.’”—Urọk 17:17.
w21.09 30 ¶16
Mgbọ Ogwu Ima Kiji Otelebe Jioba
16 Kweek nye kitap ubọk nyi ebi ototun̄ ukan̄ ikigbe utoon̄-ejit. Ema michubọk iweek ima mè ntap-efuuk-me-owot mgbọ keyi. (Iburu 10:24, 25) Usini mgbọ, mokọt ikikup me lek ebi ototun̄ ukan̄ ogwu esan̄abe isan̄a me ntitiin̄ kubọk ke ejijit ema. Kachieek ibe eyi ibọkọ irek! Ebi ijija ebi nte mè nga kiban̄ etelebe atikọ michubọk iweek ibe etọn̄ ema mè etap ema efuuk me owot. Maria, ogwu ogwu olom esan̄abe me ntitiin̄ ojuukbe itele, itumu ibe: “Usini ebi unene n̄a minu me uwu n̄a initem inorie inyi eji mè itap ubọk inyi eji me lek nkween̄mkpọ ototun̄ ukan̄. Ema migobo itet unan n̄a mè igọọk emi ito ito. Ema mitumu usem me ibot n̄a me mgbọ ekan̄be ataak ikeme emi. Ema michubọk itap emi efuuk me owot!”—Rom 12:13, 15.
w90 9/1 22 ¶20
Ire Okakisan̄a Lek Kwun̄ Isibi Ni?
20 Igbe ibe ebi ugane ntitiin̄ eriọọn̄ ibe ke isasan̄a ene kubọk ogwu ugane ntitiin̄ mè iyaka ire ogwu okitap ubọk inyi ebi ugane ntitiin̄, mokọt inyi ene ya sasaak ikerere ibe ke ire ọmọ gaalek otele irek ya. Ire kpesan̄a ọmọ me ntitiin̄, ire, ebi ugane enenimun̄ ibe ke gwun̄ ute ya okifieek ejit, igbe ibe ema etap ubọk enyi ene ya me irek emen ekwukwu. (Ebi Teselonaika Eyi Adasi 5:14) Igbe ibe ema erọ inyi iriọọn̄ ibe ke ọmọ ikup ufiak me ntitiin̄. Ikerere ibe ke minyi ọmọ nkan̄-inu, ikpobofiin̄ sabum ene ya onoyaka okaan̄ irek kan̄ me ntitiin̄ mè ire ikisiki lek mè ikijeen̄ itọn̄.
Week Inu Unye Otu Ewe Okup Me Usem Awaji
w94 10/1 32
Unye Ata Usem Okaan̄be
Ire, mgbọ Jobu oweekbe ibe etap ọmọ efuuk me owot, Elifaji mè ebi melek kan̄ kpetumu ata usem inyi ọmọ. Ema ekifieek Jobu ikọ me lek ufialek ikaan̄be sa me itutumu ibe ke ira ikaan̄ usini ijo inu ikilet. (Jobu 4:8) The Interpreter’s Bible ibe: “Inu Jobu oweekbe ire ebi ibegobo ọmọ itet mè ijeen̄ ọmọ njijiin. Ire, inu etumube inyi ọmọ ire usem okup kubọk ikaan̄ iriọọn̄-inu me lek, ire ijot me lek ataak.” Usem Elifaji mè ebi unene etumube ichubọk inaan̄ Jobu ire lek itumube ibe: “Ìre enyi ebesa ikọ kinyi itap emi ufialek me lek isi ire mgbọ owa?”—Jobu 19:2.
Eji ekarọ inyi ogwu usun̄ Awaji geege ikifieek ejit mè iyaka ire ito ito bak me lek ijo usem kiji. (Kpọ Ikan Òso Mgbọ Iba 24:15.) Urọk ge okup me Baibul itaba eji ubọk me utọn̄ ibe: “Ugwem mè mkpa ikup ene me otu alọm, ebi imama ikọ otu alọm kiban̄ mêbọkọ mfut ònan̄a me lek.”—Urọk 18:21.
AKỌP MÈ ONYAN̄ GE 27–AKỌP MÈ ONYAN̄ IBA 3
INU UNYE OTU EWE OKUP ME USEM AWAJI | JOBU 20-21
“Ata Irọrọ Ikasibi Ibe Ke Ebebọbọọn̄”
w07 8/1 29 ¶12
Ire ‘Obọọn̄ Me Chieen̄ Awaji Ni’?
12 Me emen usem kè Jisọs, ibọbọọn̄ me chieen̄ Awaji ikup esese me lek itititiin̄ inu nkaan̄ inyi lek ene. Eya orọ, inu Jisọs okitumu ire ke okpan okpan inu okukup ufiak me ugwem kiji ikare itititiin̄ inu nkaan̄ mè iyaka ire inwọnwọọn̄ inu nkaan̄ cha. Kpan̄asi ikeya, eji ekesa inu nkaan̄ kiji erọ mkpọ me oniin̄ oborọ ibe mgbaan̄je kiji melek Jioba ikinye. Ikekirọ ikeyi morọ ibe eji ebọọn̄ me chieen̄ Awaji. Bak me lek keke? Mije, eyi morọ ibe eji ekaan̄ owuwa ugbana enan̄a me ubọk Jioba. Baibul ibe: ‘Ugbana Jioba ìkitap ene ubọọn̄, ubọọn̄ keya ikakaan̄ ufieejit me lek.’—Urọk 10:22.
Inu Unye Otu Ewe Okup Me Usem Awaji
w95 1/1 9 ¶19
Kitim Gak Setan melek Ikwaan̄ Kan̄
19 Jobu ogwu usun̄ Jioba ikaan̄ sasaak bak me lek inu Setan osabe Elifaji mè Sofari itumu. (Jobu 4:13-18; 20:2, 3) Jobu inaan̄ ejit mè ibene ikitumu usem “ǹraan̄ ǹraan̄” ofolek “uga ukpook” okisisaak ọmọ. (Jobu 6:2-4; 30:15, 16) Eliyu iriaan̄ ere igban̄ utọn̄ me lek Jobu mè itap ubọk inyi ọmọ ibe ikimun̄ mkpọ ike Jioba ogwu okakaan̄ iriọọn̄-inu geelek okimun̄. Me chereyi si, ebi ugane ntitiin̄ ikigobo ene itet ijaan̄ mikijeen̄ ibe ke ema mikaan̄ ulọk me lek ebi ikije itibi irek oyọyọt, kpekirọ inu oborọ ibe ema ekaan̄ unan egbaalek. Kpan̄asi ikeya, kubọk Eliyu, ema mikisa Usem Awaji ikikat ema ejit. (Jobu 33:1-3, 7; Jemis 5:13-15) Eya orọ, ene geelek okikaan̄ sasaak me ejit bak me lek mkpọ orọrọ ọmọ mè iyaka ire mkpọ ikikeek, mè iyaka ire ikitet ukpook ike Jobu okitet, mokọt ikaan̄ ukarajit Baibul okinyi ene me emen ntitiin̄.—Jobu 7:14; Jemis 4:7.
AKỌP MÈ ONYAN̄ IBA 4-10
INU UNYE OTU EWE OKUP ME USEM AWAJI | JOBU 22-24
“Ìre Ogwu Ebilene Mônin̄ Awaji Oruru?”
w05 9/15 27 ¶1-3
Jit Lọlọ Nkeek!
Ofifi nkeek obet lek nkeek ibe ke Awaji ikiweek owuwa mkpọ me ubọk ebi usun̄ kan̄ ire ke ebilene kpekup me lek inu geege me chieen̄ Awaji. Òso usem ita Elifaji otumube iben idodo obe: “Ìre ogwu ebilene mônin̄ Awaji oruru? Ìre ogwu òriọọn̄ inu môsibi oruru inyi ọmọ ni?” (Jobu 22:2) Elifaji ikisa lek itutumu ibe ke ebilene kpekup me lek inu geege me chieen̄ Awaji. Ubọk yaage si, Bilidadi itumu ibe: “Ogwu ebilene ìbojeje ire ogwu ata irọrọ me isi Awaji? Sà ìre ogwu enenwaan̄ omanbe ìbojeje ire ogwu kpokaan̄be nrọ-nlọ me lek?” (Jobu 25:4) Igọọk me lek inu ema ekitumu, ike owa ke Jobu ogwu ebilene ikike obokikeek ibe ke ọmọ ire ogwu ata irọrọ me isi Awaji ni?
Usini ene me chereyi mikikaan̄ lọlọ nkeek ofolek lek kiban̄. Ubọk esabe ikpukpo ema isibi, inu ema ejebe itibi me ugwem, mè iyaka ire ubọk ebi ene esabe icha ebi ama kiban̄ mokọt irọ ibe ema ekekeek inu ikeya. Setan mè ebi ijo ekwukwu si mikibele ejit imumun̄ mè ikirọ ibe ugwem ebilene ikakup me lek inu geege. Ire ema ekọt irọ ibe ene ikeek ibe ke ọmọ ikakup me lek inu geege me chieen̄ Awaji, mofet irọrọ ibe efuuk ita ene ya me owot. Ike mgbọ okije, ene ya mokọt ibene ikida lek ibọkọ me lek Jioba mè iyaka ire, itele ọmọ.—Ebi Iburu 2:1; 3:12.
Acha ukan mè orukan̄ mokọt irọ me eji ekayaka ikirọ mkpọ echi eji ewuukbe lek ikirọ. Inu eji ekirọ me ikwaan̄ Jioba me mgbọ keyi mokọt isip ire esa itọt me lek inu eji erọbe me mgbọ eji ekupbe ijija mè ikaan̄ unye akpalek. Ikup ufiak ibe eji eriọọn̄ ibe ke Setan mè ebi ijo ekwukwu ekiweek ibe eji ekekeek ibe ke inu eji ekirọ ikakup me lek inu geege me chieen̄ Awaji! Igbe ibe eji ejit nkeek okup ikeya.
w95 2/15 27 ¶6
Inu Nkween̄ Ofolek Ubọk Inenen̄e Ufialek Isun̄
Ebi unene ita kè Jobu mirọ ibe efuuk ita ọmọ me owot sa me itutumu nkeek kiban̄ kpan̄asi iriọọn̄-inu Awaji. Elifaji itumu si ibe ke Awaji ikatoon̄ ejit me lek ebi ikwaan̄ kan̄, ke ikagbaan̄ me lek Jioba mè ire Jobu ire ogwu ata irọrọ sa ire ikare. (Jobu 4:18; 22:2, 3) Kpunu ofifi usem obokọt irọ ibe efuuk ita ene me owot igak eyi! Ikake eji chieen̄ imumun̄ ibe ke Jioba ikan̄ inu inyi Elifaji mè ebi melek kan̄ mije usem ema etumube. Jioba itumu inyi ema ibe. “Enyi kpetumu atikọ ibak emi.” (Jobu 42:7) Ire, eyi ogak eyi okinu.
w03 4/15 14-15 ¶10-12
Ebi Ijija Ikirọ Ibe Ejit Jioba Ibele
10 Ike ikupbe me Baibul, ikare Jobu gaalek ke Setan okitumu ibe ke ikitọbọ ebum inyi Jioba bak lek inu inyibe ọmọ, ire, ikitumu si ofolek otutuuk ebi ikitọbọ ebum inyi Awaji—ikerere owu si. Me mgbọ ikitumu mkpọ ofolek otutuuk ebilene, Setan itumu inyi Jioba ibe: “Ene [ikare Jobu gaalek, ire, ene geelek] môsa otutuuk inu îkaan̄be inwene ebek ugwem kan̄.” (Jobu 2:4) Ire omun̄ inu obokọt irọ ofolek inu yi okukup ufiak ni? Me ikpa Urọk 27:11, Jioba ikitumu ibe ke ikaan̄ mkpọ owu obokọt inyi ọmọ—eyi ibosa ifọọk otu Setan ogwu òkisọ otu inyi ọmọ. Keek-nu—Ogwu Obebene Ichit okigwen owu ibe onogọọk ofọọk otu ikọ omimin ichit. Ire akpan ikwaan̄ mè irek omimin isa inyi owu! Ire omokọt irọ mkpọ Jioba okiweek me ubọk kwun̄ ni? Jobu irọ. (Jobu 2:9, 10) Jisọs mè owuwa ebi ene me mgbọ oraraka, ikerere ebi ijija mirọ si. (Ebi Filipai 2:8; Ichichili 6:9) Owu si mokọt irọ. Kakeek ibe ke omokọt itumu ibe ke okpobomọnọ agan̄ me lek inu yi. Sa me inu okirọ, okijeen̄ mè ire okup me agan̄ Jioba sa ire okup me agan̄ Setan. Agan̄ owa ke obobieen̄ inye?
Jioba Ikikpọ Chieen̄ Me Lek Kwun̄!
11 Ire inu ogobobe ikaan̄ mgbaan̄ me lek Jioba ni? Ire owuwa ebi ene kpefiat igbe utoon̄-ejit mè inyi Jioba inu ibosa ifọọk Setan otu ni? Atikọ ibe ke Setan itumu ibe ke kpunu ogwu okitọbọ ebum inyi Jioba inan̄a me ima, isibi utoon̄ ibe ke ikọ yi Setan otumube ire ataak. Ire, Jioba iweek ibe okup me agan̄ kan̄ me lek ikọ ofolek ogwu ogbegbe ikpukpulu, mije ọmọ okikpọ owu chieen̄ me lek. Jisọs ibe: “Nte kinyi ogwu òkup me emen inyọn̄ ìkaweek ibe ge me lek asasa nsabọn chi inan̄a ichep.”—Matiyu 18:14.
12 Me atikọ, Jioba ikaan̄ ulọk me lek mkpọ ogobobe. Eyi ogak eya, ikaan̄ mgbaan̄ me lek kan̄. Baibul irọ ibe isibi utoon̄ ibe ke inu ebilene ekirọ mè ire ata sa ire ijo ikikaan̄ mgbaan̄ me lek Jioba. Kubọk inu njeen̄, mgbọ ebi Ijeren ekupbe inye ikikpaka ibot, inu ya ema erọbe ‘inaan̄’ Jioba. (Okwa Itọn̄ 78:40, 41) Sabum Mun̄ Ile usen kè Nuwa, mgbọ ‘inu ikpak ebilene owabe enenen,’ Jioba ‘ifefieek ejit enenen.’ (Ibebene 6:5, 6) Keek-nu mkpọ inu yi osibi. Ire ogobo irọrọ inu olọlọ, omorọ ibe Ogwu Ororom owu inaan̄ ejit. Eyi ikasibi ibe ke Awaji iwọwọ mè iyaka ire itele ibe ubọk inu okikup ọmọ me lek ikitọ ikọ inyi ọmọ. Kpan̄asi ikeya, imama owu mè ikikpọ chieen̄ me lek inu geelek ofolek kwun̄. Ire, mgbọ geelek osirọ inu otatat, Jioba ikibebele ejit. Ikibele ejit mije ikare gaalek ibe ke ikaan̄ mkpọ ibosa ifọọk otu Setan, ire, bak lek mgbọ keyi, ikiweek ikakana ogwu obokpe owu mkpukpe. Ire inu ikiweek irere ire eya. (Ebi Iburu 11:6) Jioba ichubọk ire Ute omama owu!
Week Inu Unye Otu Ewe Okup Me Usem Awaji
w04 7/15 21-22
Sa Inu Emen Ekwukwu Otobe Me Isi Sa Tọn̄ Ogwu Orom Kwun̄
Keek-nu ubọk Jioba osabe irom otutuuk inu me inyọn̄ yi, ubọk isabe irọ inu ikaan̄be me ejit ofolek inyọn̄ ijọn̄ yi. Jioba isitumu ibe “eririeen̄ okukup, egwe okukup,” isibi ibe ke irọ otutuuk inu ikaan̄be me ejit irorom me usen ya isan̄a. (Ibebene 1:5, 8, 13, 19, 23, 31) Isibobene ikirom mkpọ usen geelek, Jioba ikirọriọọn̄ ijaan̄ inu iborọ me usen ya. Awaji irọ inu ikaan̄be me nkeek irorom. (Ichichili 4:11) Jobu itumu ibe ke “inu òkup me ejit [Jioba] ke îkirọ.” (Jobu 23:13) Mochubọk itop me lek Jioba imumun̄ “otutuuk inu geelek îrombe, mè imun̄ ibe ke îjaan̄ enenen”!—Ibebene 1:31.
Inyi eji ekọt erọ mkpọ eji etobe me isi etet, eji si ebekakaan̄ uyok uyok ejit isasa irọ ema. Keke obotap ubọk inyi eji ekaan̄ uyok uyok ejit okup ikeya ni? Ikerere me mgbọ inyọn̄ ijọn̄ yi okupbe ukpọk ukpọk, Jioba imun̄ ubọk inu cha obokup isirọ isan̄a—iriọọn̄ ibe ke ibojajaan̄ mè isa itọn̄ mè umin ijet ọmọ. Ikeya si, eji mekọt ikaan̄ ulọk isasa irọ mkpọ eji etobe me isi sa me ikekigwu nkeek ikom me lek oruru eji ebekaan̄ ire eji ikọt irọ itet. Inu orọrọ Tony ogwu okup akọp me acha onaan̄ge ire eya. Ikawuuk ubọk ikupbe me lek kan̄ adasi mgbọ isibe otu agọọk ikwaan̄ Ebi Ata-Ikọ Jioba me Western Europe. Bene me mgbọ ya, idodo okup me ejit Tony ire, ‘Ike owa ke iluluk mè isisi ikwaan̄ me ere ya obokup?’ Tony ikpọkpọ ikup inye ikikeek ubọk eya obosa ifet, mè ikirọ mkpọ isasa irọ itet. Ibele ejit enenen mgbọ egwenbe ọmọ ibe inisi ikwaan̄ me ere otu agọọk ikwaan̄ ya mgbọ acha inen mè inen orakabe!
AKỌP MÈ ONYAN̄ IBA 11-17
INU UNYE OTU EWE OKUP ME USEM AWAJI | JOBU 25-27
“Igbegbe Utoon̄-Ejit Ikasibi Ibe Ke Ebesoso Ifuk”
it-1 1210 ¶4
Igbegbe Utoon̄-Ejit
Jobu. Jobu ire ogwu oluluk me etete mgbọ Josefu mè mgbọ Mosis, ire ogwu enerieen̄ ekpabe mkpọ ofolek kubọk “ogwu ìkarọ inu geege ilọ [Heb., tam] mè ire si ogwu òtatat me ugwem. Ọmọ ikaan̄ ukpook Awaji, mè isan̄a lek kan̄ me ijo inu.” (Jobu 1:1; kpọ JOB.) Idodo Awaji odobe Setan ofolek Jobu me mgbọ inube chinichini ebi osat me emen inyọn̄ ijeen̄ ibe ke igbegbe utoon̄-ejit ebilene ire okpọkọ me lek rumurumun̄ okukup me etete Jioba mè Setan. Setan ibe ke Jobu ikitọbọ ebum inyi Awaji bak me lek onwọn eyi akpalek kan̄, ikare me ata ejit. Sa me ikeyi, Setan ikido inu orọrọ Jobu okitọbọ ebum inyi Awaji. Mgbọ enyibe ọmọ irek ibe ijijaka inu geelek Jobu okaan̄be mè ikpan̄ otutuuk nsabọn kan̄, Setan ikakọt irọ ibe Jobu itele Jioba. (Jobu 1:6–2:3) Mgbọ irọbe otutuuk inu chi isan̄a, Setan itumu ibe ke Jobu mokọt ime inu nkaan̄ kan̄ ojijijaka mè mkpa ebi bọn, bak lek ikarebe akpalek kan̄ ke inu cha orọ. (Jobu 2:4, 5) Mgbọ Setan osabe ijo orukan̄ ge inigwook ọmọ me lek, nwa Jobu itumu inyi ọmọ ibe itumu Awaji ilọ. Ebi unene kan̄ kpetumu atikọ ofolek Awaji melek nkeek kan̄, etutumu ikọ ikeme ọmọ me oniin̄ ikanwọnbe. (Jobu 2:6-13; 22:1, 5-11) Ire, Jobu itumu ibe ke ikpobokọt itumu ibe ke ọmọ ikare ogwu okigbe utoon̄-ejit. Itumu ibe: “Mege ǹkwu, ǹkabatele itutumu ibe ke emi ǹkalọ. M̀batetet ata irọrọ n̄a inye, m̀kpatetele ubọk me lek; ejit n̄a ikpofieek emi iko geege mege ǹkwu.” (Jobu 27:5, 6) Sa me igbegbe utoon̄-ejit, Jobu ijeen̄ ibe ke Ogwu Ochicha Awaji ire ogwu ataak.
w19.02 3 ¶3-5
Kigbe Utoon̄-Ejit!
3 Mgbọ geelek esa irọ mkpọ ofolek ebi usun̄ Awaji, igbegbe utoon̄-ejit isibi isasa otutuuk ejit ene ima Jioba mè isasa otutuuk ejit itọbọ ebum inyi ọmọ, isibi ibe ke ọmọ obore adasi mkpọ obokup me ejit kiji me lek ntumu-mfieek geelek eji eberọ. Kpọ-nu inu yi. Me emen Baibul, esikisa usem ekababe “igbegbe utoon̄-ejit” irọ mkpọ, ikisibi mkpọ eyi ososo mè inye lek mè iyaka ire, mkpọ kpunube ìroon̄ geege me lek. Kubọk inu njeen̄, ebi Ijeren mikigwa ngwugwa anam isa inyi Jioba, ikan kè Mosis ibe ke anam geelek ebesa igwa ngwugwa ibonyenye lek. (Lib 22:21, 22) Kpebetele ibe ogwu Ijeren isa anam eyi kpunube ukot, utọn̄ mè iyaka ire chieen̄ ge me lek inigwa ngwugwa; kpebetele si ibe isa anam eyi okaan̄ orukan̄ me lek inigwa ngwugwa. Ikup ufiak inyi Jioba ibe anam geelek ebesa inigwa ngwugwa iso, inye lek mè iyaka ire ikakaan̄ ìroon̄ geege me lek. (Mal 1:6-9) Eji mekọt igobo itet inu orọrọ Jioba okiweek ibe mkpọ iso mè iyaka ire inye lek. Mgbọ geelek eji ebelep mkpọ ge, mè ire mfut, ikpa mè iyaka ire mkpọ ikwaan̄, eji kpekilep eyi okakaan̄ unan me lek mè iyaka ire eyi ikasobe. Eji ekiweek eyi ososo, eyi onyenye lek mè iyaka ire eyi okukup ijaan̄. Ubọk yaage si ke ikikup me lek Jioba ofolek ima mè igbegbe utoon̄-ejit kiji. Ibososo, inye lek mè iyaka ire ikup ijaan̄.
4 Ire eyi isibi ibe ke eji ebesoso ikup sabum eji mekọtbe ikigbe utoon̄-ejit ni? Eji mekọt ikikeek ibe ke eji kpeso mè iyaka ire ke eji mikaan̄ ijo me emen. Kpọ-nu inu iba oborọ ibe eji ekafieek owot. Adasi, Jioba ikakito chieen̄ me lek nrọ-nlọ kiji. Usem Kan̄ itumu inyi eji ibe: “Mebe owu [Jioba] mokige ijo inu kiji isun̄, kpukpunu ogwu monwọnọ itip-oyerebet kwun̄!” (Itọn̄ 130:3) Ọmọ iriọọn̄ ibe ke eji ire ebilene, ebi ijo, ebi kpeso mè ikisa me ata ejit ikitele inyi eji. (Itọn̄ 86:5) Òso iba, Jioba iriọọn̄ ere unye kiji oyakabe, ikakiweek inu eji kpebekọt irọ me ubọk kiji. (Fuk Okwa Itọn̄ 103:12-14.) Me oniin̄ okukup ke eji ebesa iso, inye lek, mè iyaka ire ikup ijaan̄ me chieen̄ Jioba ni?
5 Isa inyi ebi usun̄ Jioba, mkpọ ge okukup ufiak inyi eji ekọt egbe utoon̄-ejit ire ima. Ima eji ekaan̄be me lek Awaji mè ntọbọ-ebum eji ekinyi Nte kiji ogwu okup me emen inyọn̄ ibososo, inye lek mè iyaka ire ikup ijaan̄. Ire ima kiji ikikup ikeya mgbọ geelek eji esichichini ntọ-mkpọ, isibi ibe ke eji mekigbe utoon̄-ejit. (1 Mfuf 28:9; Mat 22:37) Kpọ-nu bọn ute ita eji etumube mkpọ ofolek me mbene ibot usem yi. Keke orọ ema erọbe ikeya? Ire ogwu enenwaan̄ ijija ya ikaweek inwọnwọọn̄ lek me uwu ikpa mè iyaka ire, ire ogwu nsabọn irieen̄ ya iweweek ibe erọ ọmọ inu esip me isotu, sa ire ogwu ibot ototun̄ ukan̄ ya iweweek ibe ọmọ ichep ikwaan̄ kan̄ ni? In̄-in̄. Kpan̄asi ikeya, ire mije ema eriọọn̄be onineen̄ ata irọrọ kè Jioba mè ikaan̄ me ejit irọrọ mkpọ eyi oborọ ibe Nte kiban̄, ogwu okup me emen inyọn̄ ibele ejit. Ima ema ekaan̄be me lek kan̄ obieen̄ ema ibe emọnọ ọmọ kubọk adasi inu me ntumu-mfieek geelek ema ekirọ. Ema mitap igbegbe utoon̄-ejit kiban̄ me ikwaan̄.
Week Inu Unye Otu Ewe Okup Me Usem Awaji
w16.11 9 ¶3
Eneen̄ Igọọk Me Lek Inu Okup Me Emen Usem Awaji
3 Inu nrom ikijeen̄ ibe ke kpunu ogwu ebesa itọt me lek Awaji me ineneen̄ mkpọ. Baibul ibe ke Jioba “ìsa iriọọn̄-inu itọbọ ọdọ linyọn̄, mè isa ngobo-ntet isun̄ akpabin inyọn̄ ikam me irek.” (Urọk 3:19) Ire gaalek ‘echi asasa me lek ikwaan̄ Awaji orọbe’ mè “gaalek nweenween̄ ikọ” ofolek kan̄ ke eji eriọọn̄ mè inọ. (Jobu 26:14) Ire, sọntiik inu chi eji eriọọn̄be ofolek inyọn̄, ntoronyan̄ mè okop ntoronyan̄ irọ ibe eji echieek ibe ke erọriọọn̄ ubọk ineen̄ inu chi ijaan̄. (Itọn̄ 8:3, 4) Okop ntoronyan̄ ikikaan̄ efie efie ntoronyan̄, otutuuk kiban̄ ekijeje me akpabin inyọn̄ me ubọk ogbegbe. Otutuuk inu okup me isi inyọn̄ ekije ikana ura kubọk ebi ikikọp uji ekisiki ibot inyi ikan oniin̄! Ubọk inu chi okup me inyọn̄ mè ijọn̄ osabe ikup me onineen̄ mè ikitet eji ukpook okitap ubọk inyi eji emun̄ ibe ke Jioba “ogwu òsa me iriọọn̄-inu irom akpabin” inyọn̄ mè inyọn̄ ijọn̄ yi igbe ogwu eji ebetọn̄, ikigbe utoon̄-ejit inyi, mè ikitọbọ ebum inyi.—Itọn̄ 136:1, 5-9.
AKỌP MÈ ONYAN̄ IBA 18-24
INU UNYE OTU EWE OKUP ME USEM AWAJI | JOBU 28-29
“Ire Okaan̄ Ata Erieen̄ Kubọk Jobu Ni?”
w02 5/15 22 ¶19
Ikekijeen̄ Ima Okigbe Utoon̄-Ejit Isa Inyi Ebi Ikakaan̄ Ufiak
19 Mfufuk Baibul ijeen̄ ibe ke igbe ibe ekejeen̄ ima okigbe utoon̄-ejit esa enyi ebi ikakaan̄ ufiak eyi ema gaalek kpebekọt irọ. Inyi owot iman kan̄ ikije inyi isi, Ebereyam iweek ntap-ubọk kè Betuwen. Inyi esa nkwukwu kan̄ enu me Kenan, Jekọp iweek ntap-ubọk kè Josefu. Inyi ekọt ekaan̄ gwun̄ ogwu obonibọkọ irot ogwu olom, Nomi iweek ntap-ubọk kè Rufu. Ebereyam, Jekọp mè Nomi kpebekọt ikpọ chieen̄ me lek ufiak chi ema gaalek. Ubọk yaage si, me chereyi, igbe ibe ekejeen̄ ima okigbe utoon̄-ejit, ogak ge, esa enyi ebi ikakaan̄ ufiak. (Urọk 19:17) Kè eji egọọk akpat ukot Jobu, ogwu okikpọ chieen̄ me lek “ebi ugbọọn̄ ìtataan̄ ukpo iweek ntap-ubọk, mè ikinyan̄a ebi kpà-nte ebi kpekaan̄ ebi ntap-ubọk,” melek “ogwu ufieejit obokpan̄.” Jobu si ‘ikirọ inyi ejit ebi nwakpa ibele’ mè ikana “chieen̄ inyi ebi ǹnàan̄ mè ikana ukot inyi ebi akọọk.”—Jobu 29:12-15.
it-1 655 ¶10
Ofọnti
Mikisa mkpọ ene otapbe ikeke ichit chieen̄ mkpọ me owuwa irek. Ọkpọkpọ ofọnti ebi ogbo ge ekitap ikijeen̄ ntitiin̄ ema ekupbe mè iyaka ire ikibieen̄ inye. Ikeya si, Baibul ikisa mkpọ ene otapbe isa ikijeen̄ ogwu ene ya orebe igọọk me lek agan̄ ikekebe inyi mè inu ikirọ, ike ikupbe me emen urọk Jisọs ofolek ofọnti ido-nwa. (Mat 22:11, 12; kpọ HEADDRESS; SANDAL.) Me ikpa Ichichili 16:14, 15, Okaan̄ kiji Jisọs Karais itaba eji ubọk me utọn̄ ofolek ilalaak me irek emen ekwukwu mè ichechep iman̄ oriọọn̄ kiji kubọk ebi usun̄ ikigbe utoon̄-ejit inyi ata Awaji. Eyi mokọt itap ikpele unan mije, mgbọ “akọn̄ me ikpele usen ya, eyi Awaji Ogwu Òkaan̄ Unye Geelek” obotim igbet enenen.
w09 2/1 15 ¶3-4
Keke Okup me Emen Erieen̄ Ni?
Eji kpekaan̄ unye me lek erieen̄ ebesan̄a eji me mgbọ emanbe eji. Ire, eji gaalek ebekọt itumu ifieek ubọk ebilene ebesa iriọọn̄ eji. (Urọk 20:11) Do lek kwun̄ ibe: ‘Ire Jisọs mè iyaka ire ebi otuchieen̄ kan̄ ikaan̄ irek inyinyi emi erieen̄, kpasi erieen̄ ke ema ebenyi emi? Kpasi erieen̄ ogbe isasa igwen okpan okpan eru n̄a me iyaka ire ubọk ebilene esa iriọọn̄ emi?’
Idodo yi ichubọk igbe mkpọ eji ebetap me nkeek. Bak lek eke ni? Mije Ogwu Ubọọn̄ Solomọn ogwu okakaan̄ iriọọn̄-inu ige ibe: “Ata erieen̄ înwọn igogobo igak owuwa inu ubọọn̄.” (Urọk 22:1) Me atikọ, ire eji ikaan̄ ata erieen̄ me emen ama ere eji elukbe, eji mikaan̄ atalek inu unye otu ewe. Eyi ogagak eya, ire eji ikaan̄ ata erieen̄ melek Awaji, eji mikaan̄ inu unye otu ewe eyi obobia ire mgbọ geelek. Kpa ubọk ni? Awaji ichieek use ibe ke ọmọ moge erieen̄ ebi ikitet ukpook kan̄ itap me emen “ikpa” mè inyi ema ikpọchieen̄ iluluk ugwem ire mgbọ ikakaan̄ge itata.—Malakai 3:16; Ichichili 3:5; 20:12-15.
Week Inu Unye Otu Ewe Okup Me Usem Awaji
g00 7/8 11 ¶3
Ikeke Otu Imọm Inwọn Inyi Owu!
Ire oruru omaan̄ me lek ikeke otu imọm ni? Ire okeek mgbọ okaan̄be ntap-efuuk-me-owot mije ene ge okebe otu imọm inyi owu? Mè iyaka ire mgbọ okikaan̄ ukpook mè ikikeek ibe ke kpebebọkọ owu itap mije ekakebe otu imọm inyi owu? Me atikọ, ikeke otu imọm ikaan̄ oruru. Ikikaan̄ mgbaan̄ me lek ogwu okike otu imọm ya melek ogwu ikike otu imọm inyi. Jobu, ogwu enerieen̄ ge okup me emen Baibul itumu ofolek ebi ochicha kan̄ ibe: “Nsikichak imọm melek kiban̄—ema kpekichieek ibe ke ene òbet lek n̄a mâkọt ichak imọm melek kiban̄—ubelejit òkup me isi n̄a ema kpekichieek ibe inan̄a irọn̄ me ijọn̄.” (Jobu 29:24) Eyi ikijeen̄ ibe ke Jobu ire ogwu isi okitọn̄ọ mè iyaka ire ogwu okibele ejit.
AKỌP MÈ ONYAN̄ IBA 25-31
INU UNYE OTU EWE OKUP ME USEM AWAJI | JOBU 30-31
“Ubọk Jobu Osabe Ikup Me Utana Me Eru”
w10 4/15 21 ¶8
San̄a Chieen̄ Kwun̄ San̄a Me Lek Inu Ikike!
8 Ata ebi eyi Karais si mikikaan̄ ulọk eyi inu chieen̄ ene okimun̄ melek ulọk anam akpalek. Eya orọ Usem Awaji otapbe eji efuuk me owot ibe eji esulu lek kiji etap me irek ofolek inu eji ekikpọ melek inu eji ekikeek mkpọ ofolek. (1 Kọr 9:25, 27; fuk Jọn Eyi Adasi 2:15-17.) Jobu, ogwu enerieen̄ ogbegbe utoon̄-ejit iriọọn̄ mgbaan̄ okup me lek inu ene okikpọ melek inu ene okikeek. Itumu ibe: “Nnyan̄a ibot melek chieen̄ n̄a, ibe ke ǹkabakpọ obaak enenwaan̄ ikaan̄ ulọk me lek.” (Jobu 31:1) Ikare gaalek ibe ke Jobu ijit ichachak ubọk me lek ogwu enenwaan̄ me oniin̄ ikagbege, ire, ikachieek ibe mbet lek nkeek okup ikeya inin̄ ọmọ ejit. Jisọs igon aban me lek ufiak irebe isusun̄ ekiket kiji me utana me mgbọ itumube ibe: “Enerieen̄ geelek òsasa chieen̄ ikpọ enenwaan̄, mè ikaan̄ ulọk ilaak me lek ogwu enenwaan̄ ya, enerieen̄ ya îra igagan ogwu enenwaan̄ ya isan̄a me emen ejit kan̄.”—Mat 5:28.
w08 9/1 11 ¶4
Keek Mkpọ Ibosan̄a Isibi
Sabum onobene orọ mkpọ ge, dasi do lek kwun̄ ibe, ‘Ere owa ke inu yi obosa emi isi?’ Itetet lek ikaan̄ sọnja mè ikeek mkpọ inu ya obosan̄a isibi mokọt ikput ene me lek irọrọ mkpọ eyi obosa ikpele unan isa inu. Ire ene ijit ikekeek inu mkpọ ọmọ oborọ obosan̄a isibi, ene ya mokọt iben orukan̄ AIDS mè ofifi ofifi orukan̄ okinan̄a me lek igọgọọk ene ilaak, inin̄ owot ikaneen̄ge lek inyi, isan̄a owot, itap unan me lek ata mgbaan̄je kan̄ melek Awaji mè ebi ofifi ene, mè ikikaan̄ mfieek-ikọ me ejit si. Ogwu ikwaan̄ Pọọlu ikpa mkpọ oborọ ebi ikiluk ugwem barabat. Ema “kpebekaan̄ uche me mkpulu eyi Awaji.”—Ebi Kọrint Eyi Adasi 6:9, 10.
w10 11/15 5-6 ¶15-16
Ebi Ijija, Itele Ibe Usem Awaji Ikibem Eyi
15 Kpa mgbọ ke okeek ibe ke igbegbe utoon̄-ejit kwun̄ obokọt inin̄ me ntọ-mkpọ ichit—ire mgbọ okupbe melek ebi ofifi ife sa ire mgbọ okupbe owu gaalek? Eji mikikup me mbem me irek emen ekwukwu me mgbo eji ekupbe me uwu ikpa mè iyaka ire me ere ikwaan̄. Eji mikigbala chieen̄ me lek inu geelek obojijaka mgbaan̄je kiji melek Jioba. Me mgbọ eji ekitap efuuk, ire eji kpekup me mbem, ire me mgbọ ya ke eji ebekọt irọ mkpọ echi obokọt irọ ibe eji ekaya ikup me utana me eru.
16 Keke orọ oboweek isisiki ibot inyi Jioba ikerere me mgbọ okupbe owu gaalek ni? Riọọn̄ eyi: Omokọt irọ inyi Jioba ifieek ejit mè iyaka ire, ibele ejit. (Ibeb 6:5, 6; Urọk 27:11) Inu eji ekirọ ikikaan̄ mgbaan̄ me lek Jioba mije ‘îre ọmọ okikpọ eji chieen̄ me lek.’ (1 Pita 5:7) Iweek ibe okogban̄ utọn̄ me lek kan̄ inyi okorọ lek kwun̄ oruru. (Asaya 48:17, 18) Mgbọ usini ebi usun̄ Jioba me Ijeren ukot ikaan̄ ejitbe nteme kan̄, ema mirọ inyi Jioba ifieek ejit. (Itọn̄ 78:40, 41) Ire, Jioba ichubọk ima ogwu nriran Danien enenen, mije ogwu osat igwen ọmọ “ogwu Awaji omabe enenen.” (Dan 10:11) Keke orọ Jioba omabe Danien ni? Mije, Danien ikup inye ikigbe utoon̄-ejit ikare gaalek me isi ebi ene, ire, ikerere me emen uwu kan̄.—Fuk Danien 6:10.
Week Inu Unye Otu Ewe Okup Me Usem Awaji
w05 11/15 11 ¶3
Ikekigban̄ Utọn̄ Melek Ima
Ebi unene kè Jobu minọ mkpọ oraraka akọp usem itumube. Ikerere ikeya, Jobu itumu ibe: “Jei, ìre ekene obogban̄ usem n̄a mọnọ!” (Jobu 31:35) Keke orọ ni? Mije igbagban̄ utọn̄ kiban̄ ikanyi Jobu ukarajit. Ema kpekaan̄ ulọk me lek Jobu, kpeweweek si igogobo itet ubọk inu okupbe ọmo me lek. Ema kpekaan̄ ejit nsan me lek Jobu ike ema ekigban̄ ọmọ. Ire, ogwu ikwaan̄ Pita iteme eji ibe: “Ìluk me ejit ge, mè ìkaan̄ ejit nsan me lek ebi melek kinyi. Ìmun̄ lek kinyi me chieen̄ kubọk ngwan̄ mè ngwan̄. Ìkaan̄ njijin me lek ebi melek kinyi, mè ìkisiki lek.” (Pita Eyi Adasi 3:8) Ike owa ke eji ebesa ijeen̄ nsan me lek ebi melek kiji ni? Oniin̄ ge eji ebesa irọ eyi ire sa me ikekijeen̄ ema ulọk mè ikekisa igogobo ema itet. Ikekitumu usem obet lek “eya ichubọk ire mkpọ obonaan̄ ene ejit” mè iyaka ire “ira ikup owu me lek kubọk kpegobo owu itet” ire oniin̄ ge eji ebesa ijeen̄ ibe ke eji mikaan̄ ulọk me lek kiban̄. Ofifi oniin̄ eji ebesa ijeen̄ ulọk ire ikekitap ikọ ene ya otumube me usem eyi kiji, isasa ijeen̄ ibe ke eji migobo ọmọ itet. Ikekigban̄ utọn̄ melek ima isibi ikekigban̄ ikare gaalek inu ene ya okitumu, ire, ubọk inu ya okup ọmọ me lek eyi ikatumube isibi.