Ikpa Okikpa Nkween̄mkpọ Ugwem Mè Ikwaan̄ Kiji Kubọk Ebi Eyi Karais
© 2024 Watch Tower Bible and Tract Society of Pennsylvania
ONYAN̄ JAABA 1-7
INU UNYE OTU EWE OKUP ME USEM AWAJI OKWA ITỌN̄ 57-59
Jioba Ikijijaka Otitọt Ebi Ikikup Ikeme Ebi Eyi Kan̄
bt 220-221 ¶14-15
“Ntutun̄ Ere Geelek Me Linyọn̄ Keyi”
14 Sitibin isa me unye-ejit iben ata-ikọ sabum ebi ochicha kan̄ ekpan̄be ọmọ. (Ikwaan̄ 6:5; 7:54-60) Mije “ikpele ufialek oninin̄ ikeme ebi ntitiin̄ Awaji” me mgbọ ya, otutuuk ebi udun̄ kè Karais ilọ me lek ebi otuchieen̄ gaalek elilibi ifo agan̄ Judia mè Sameria. Ire, eya ikakput ikwaan̄ ikpakpa ikọ Awaji. Filip isi Sameria isilook ema “etip ofolek ogwu Awaji otọkọbe aran̄ me ibot” eyi osasan̄a ata mkpọ isibi. (Ikwaan̄ 8:1-8, 14, 15, 25) Ikpa Mbuban itumu inyi eji ibe ke: “Saasaak ya eyi òbene me mgbọ ekpan̄be Sitibin îrọ mè bọn Nte eyiyala esi egwook me ere òkup kubọk Fonisia, mè Saipọrọs, mè Antiọk. Ere geelek ema erebe, ema ekitumu ikọ Awaji inyi ebi Ju gaalek. Ire, usini ebirieen̄ me lek bọn Nte cha, ebi ìnan̄a me Saipọrọs mè Sairini inu Antiọk ebebene ikilook ebi ìkitumu usem Giris ata etip eyi Okaan̄-ene Jisọs.” (Ikwaan̄ 11:19, 20) Me mgbọ ya tukutuku irọ inyi etip Ama Ubọọn̄ ikpọk isan ikana ere.
15 Me mgbọ kiji si mbet lek inu okup ikeya ibọkọ irek me ere ewuukbe lek ikigwen Soviet Union. Ogak ge bene me acha 1951 sire 1959, obop obop Ebi Ata-Ikọ Jioba ire ebi ekpulu inan̄a me ama kiban̄ isa ifo Siberia. Mije etobe ema me esese esese ere, ata etip ikpọkpọ ikup inye ikisan ikana me lek ijọn̄ ya. Ebi bọn ute kiji kpemekọt ikaan̄ ikpoko ema eweekbe isasa ije isi ere ojọjọn̄ọ ikiso mkpọ obet lek obop mile gweregwen (10,000 km) isilook ata etip! Ire, ire ebi mkpulu me lek kiban̄ eyaka inikpulu ema isi esese esese ere me ido ya. Gwun̄ ute ge itumu ibe: “Ike inu oyaka inikup, ire ebi mkpulu me lek kiban̄ erọ inyi ifet ibe obop obop ebi ikakaan̄ ata ejit me Siberia eneriọọn̄ ata ikọ.”
Week Inu Unye Otu Ewe Okup Me Usem Awaji
w23.07 18-19 ¶16-17
“Ikeke Inye, Ikasisik”
16 Kaan̄ ejit okekeke inye. Ogwu Ubọọn̄ Debit ikpa ubọk ọmọ osabe ima Jioba ire me mgbọ ikọtbe ibe: “Mbieen̄ ejit inye me lek kwun̄, jei Awaji.” (Itọn̄ 57:7) Eji si mekọt ibieen̄ ejit kiji inye me lek Jioba sa me isasa otutuuk ejit kiji itoon̄ ọmọ me lek. (Fuk Okwa Itọn̄ 112:7.) Kpọ-nu ubọk eyi osabe itap ubọk inyi Bob ogwu eji ekpabe mkpọ ofolek me mgbọ oraraka. Me mgbọ etumube inyi ọmọ ibe ke meto eje iriaak me agba lek kan̄ me mgbọ ebesi ikwaan̄ me lek kan̄ inyi ire ufiak isibi mekọt isa irọ mkpọ, mgbọ yaage itutumu ibe me ire ikaan̄ mkpọ obokọt irọ ibe etap eje me lek kan̄, ke ọmọ monan̄a me uwu ugwun̄ ya mgbọ yaage. Ike mgbọ ojebe Bob itumu ibe, “Ntumu ifieek inu mbarọ me ata mgbọ, eya orọ nkakaan̄ sasaak geege ofolek inu obokọt irọ.”
17 Bob ikọt ikup inye mije itumube ifieek inu ọmọ oborọ me ata mgbọ sabum inube me uwu ugwūn ya. Kpọ-nu mkpọ ita otatap ubọk inyi ọmọ, adasi ulọk ikaanbe irọrọ ibe Jioba ikibele ejit. Òso iba iriọọn̄ ubọk ikween̄ inan̄a me emen Baibul mè ikpa ntitiin̄ ubọk ugwem mè eje osabe ikup mbuban ire. Òso ita ichieek inye ibe ke igọgọọk ntọ-ubọk kè Jioba mosa ugbana eyi obokup ire mgbọ geelek isa inu. Eji si mokọt ikaan̄ ejit eyi okekeke inye me ekakpọge chieen̄ me lek ufialek geelek eji ebekọt ichichini.
ONYAN̄ JAABA 8-14
INU UNYE OTU EWE OKUP ME USEM AWAJI OKWA ITỌN̄ 60-62
Jioba Ikinyi Eji Utelelek, Ikibem Eji, mè Ikirọ Inyi Eji Ekeke Enye
it-2 1118 ¶7
Uwu-Oket
Me Oniin̄ Okup Me Ogugo. Ebi geelek ikisa me ichechieek mè nsiki ibot ikikup ikpọ Jioba ekikakaan̄ ata utelelek, Debit ikot ibe: “Mije owu [Jioba] ore ere nlet n̄a; owu ore uwu-oket ònyenye, eyi òkikput emi lek me ubọk ebi ochicha n̄a.” (Itọn̄ 61:3) Ebi irọriọọn̄ inu erieen̄ Jioba osibibe, itoon̄-ejit me lek, mè ikisa me igbegbe utoon̄-ejit ikichieek erieen̄ ya, kpebetet ukpook me lek inu geege, mije: “Erieen̄ Jioba ìre ikput-lek ònyenye, ebi ata irọrọ ekitap ibot me ubọk kan̄, mè èkup me utelelek.”—Urọk 18:10; sa tọt me lek 1 Sam 17:45-47.
it-2 1084 ¶8
Uwu Ọfọ
Mikisa “Uwu ọfọ” si isa ikeke ichit chieen̄ mkpọ me usini mgbọ. Uwu ọfọ ire ere ekikaan̄ isiki-efuuk mè mbem inan̄a me lek ura mè ibot. (Ibeb 18:1) Igọọk me lek orọmijọn̄ ofolek ibọbọkọ ene itap, ebi ichen mekaan̄ ikpọchieen̄ ibe ke meriọọn̄ ubọk ikpọ ema chieen̄ me lek mè ijeen̄ ema ulibi mgbọ geelek esibọkọ ema itap me emen uwu ọfọ. Eya orọ, me mgbo ikpa Ichichili 7:15 [NWT] otumube ibe ke Awaji mosa uwu ọfọ ichit ebi urum arọọn̄ ilile, ikitumu mkpọ ofolek ikukup me mbem mè utelelek. (Itọn̄ 61:3, 4) Ofolek ubọk ibosa ineen̄ lek iban bọn kan̄ ebi iboman Asaya itumu mkpọ Sayọn orere nwa Awaji oborọ. Itumu inyi ọmọ ibe “Da ere uwu ọfọ kwun̄ wele.” (Asaya 54:2) Eya orọ, irọ inyi ere nsabọn kan̄ ebekikaan̄ mbem iwele.
w02 4/15 16 ¶14
Ikan Awaji Ikirọ Eji Oruru
14 Ikan Awaji ikakinwene mgbọ geege. Me mgbọ ufialek yi eji ekiluk, Jioba ire ewuuk ikakisisik okiluk bene me mgbọ ikakaan̄ge itata isire mgbọ ikakaan̄ge itata. (Okwa Itọn̄ 90:2) Itumu ofolek kan̄ ibe: “Emi Jioba, ǹkakinwene.” (Malakai 3:6) Onineen Awaji ike egebe me emen Baibul ire mkpọ ebekọt iyaka lek imaan̄ me lek. Ikakup kubọk nkeek ebilene echi okinwenwene mgbọ geelek. (Jemis 1:17) Kubọk inu njeen̄, me owuwa acha ebi ikijeen̄ ebi ene mkpọ ofolek ubọk ebekisa ikpukpo nsabọn ekitumu ibe ejuuk ema etele ibe erọ inu geelek ema emabe, ire, ike mgbọ ojebe usini kiban minwene nkeek ya me itumu ibe ke nteme kiban ilọ. Onineen̄ mè ntọ-ubọk ebi inyọn̄ yi ekinyi ofolek ikpukpukpo nsabọn ikinwenwene kubọk mkpọ efet okiben iwut. Ire, Usem Jioba ikakinwene. Me owuwa acha oraraka Baibul inyi nteme ofolek ubọk ebekisa ikpukpọ nsabọn me oniin̄ okijeen̄ ima. Ogwu ikwaan̄ Pọọlu ige ibe: “Enyi ebi ute, ikakitap nsabọn kinyi unaan̄-ejit. Kpan̄asi ikeya ìkijeen̄ ema inu, mè ìkiteme ema nteme eyi Jioba.” (Ebi Efesọs 6:4) Ichubọk ire inu ukarajit irọriọọn̄ ibe ke eji mekọt iyaka lek imaan̄ me lek onineen̄ kè Jioba, ema kpekinwene!
Week Inu Unye Otu Ewe Okup Me Usem Awaji
w06 6/1 11 ¶6
Inu Ekpabe Ofolek Ikpa Okwa Itọn̄ Agan̄ Òso Iba
62:11. Awaji ikakiyaka lek imaan̄ me lek unye okinan̄a me ofifi ere. Ire ọmọ ke unye geelek okinan̄a me ubọk. “Unye ìre eyi kan̄.”
ONYAN̄ JAABA 15-21
INU UNYE OTU EWE OKUP ME USEM AWAJI OKWA ITỌN̄ 63-65
“Imumechieen̄ Kwun̄ Òkikup Ire Mgbọ Geelek Înwọn Igak Igagat Ugwem”
w01 10/15 15-16 ¶17-18
Ire Ekene Obokọt Iche Ejii Isan̄a Me Lek Ima Awaji?
17 Ike owa ke ima Awaji osa ikup owu ufiak ire? Ire ikikup me lek kwun̄ ike ikupbe me lek Debit ogwu oge ibe: “Imumechieen̄ kwun̄ òkikup ire mgbọ geelek înwọn igak igagat ugwem; eya orọ nkisa otu n̄a itọn̄ owu. Mâbe owu onirọ otutuuk usen ugwem n̄a; mâbene ubọk iriaak uriaak ikigwen erieen̄ kwun̄”? (Okwa Itọn̄ 63:3, 4) Ma atikọ, Ire ikaan̄ inu geege enyi inyọn̄ yi obokọt inyi eji enyi obonwọn̄ igak ima Awaji okaan̄be me lek kiji mè eji ikakaan̄ ata mgbaan̄je me lek Kan̄ ni? Kubọk inu njeen̄, ire, ikakaan̄ ikwaan̄ obokọt inyi eji owuwa ikpoko inwọn̄ igak ikakaan̄ esuuk me ejit mè ubelejit enyi okinan̄a me lek ikakaan̄ ata mgbaan̄je me lek Awaji ni? (Luk 12:15) Usini ebi eyi Karais mikikweek isi me lek ntumu-nfieek oyọyọt. Ire ema mejit Jioba sa ire ema metet ọmọ inye ikerere ibe irọrọ ikeya mokọt isibi mkpa. Eyi irọ owuwa Ebi Ata-Ikọ Jioba ikup me mkpọn ebi Nazi me mgbọ etimbe Akọn Otutuuk Linyọn̄ Eyi Òso Mgbọ Iba. Ubọk geelek ibe ke usini ene mijit ichechieek kiban̄, owuwa bọn ute kiji migobo ikukup me emen ima Awaji ikerere ibe mokọt isibi mkpa. Ebi geelek isasa me igbegbe utoon̄-ejit ikup me emen ima Awaji mekaan̄ unye-ejit ibe ke ema mekaan̄ ugwem ikakaan̄ge itata me mgbọ okinu me isi, inu enyi inyọn̄ yi ikpokọt inyi eji. (Mak 8:34-36) Ire, ikare gaalek ikpọkpọ iluk ugwem ikakaan̄ge itata.
18 Ikerere ibe ikafet eji iluluk ugwem isire mgbọ geelek mè ire kpunu Jioba, keek-nu ubọk ibokup iluluk ujọn̄ọ ugwem me ire kpunu Ogwu Orom kiji. Ugwem ibokpọkpọk ikup ikeya, ikpo kaan̄ ibot me lek. Jioba inyi ebi eyi kan̄ ikwaan̄ okinyi ene ujot-owot ibe ekirọ me ota mgbọ yi. Eya orọ eji mekọt ikaan̄ utoon̄-ejit ibe ke mgbọ geelek Jioba Ogwu Okidọmọ Inu Omimin̄ Ichit isi inyi eji ugwem ikakaan̄ itata, ke ibojojot me lek ata mkpọ obokitop eji me lek ikwekween̄ mè ikekiro. (Ogwu Etip 3:11) Ikerere ibe ke eji mekween̄ owuwa mkpọ me obop obop acha okinu me isi, eji kpebekọt igobo itet isan̄a ubọk “iriọọn̄-inu kan̄ mè ifuk-ibot kan̄ osabe idọk iyaka.”—Ebi Rom 11:33.
w19.12 28 ¶4
“Ìkinyi Awaji Itọn̄ Me Emen Inu Geelek”
Ichubọk igbe ibe eji eketọn̄ Awaji. Me kpunube cheche, usini mgbọ owu ora ikikeek owuwa ata mkpọ echi emen ekwukwu mè echi anam akpalek echi inyibe owu mè ikup inye ikinyi owu. (Ikan 8:17, 18; Ikwaan̄ 14:17) Ire, kpan̄asi ikekisa sọn̄ja mgbọ ikikeek ata mkpọ Awaji okirọ inyi owu, keke orọ okakifiat mgbọ ikisa igwu nkeek ikom me lek owuwa ugbana igbanabe owu mè ebi ima kwun̄. Ikekigwu nkeek ikom me lek ubọk Ogwu Orom kwun̄ okisa ichili ubọk morọ ibe okotọn̄ ọmọ ogbaalek. Morọ inyi omun si ibe ke Awaji ichubọk ima owu me ikikpọ owu chieen̄ me lek.—Jọn Eyi Adasi 4:9.
w15 10/15 24 ¶7
Kweek Nye Kigwu Nkeek Kom Me Lek Inu Echi Emen Ekwukwu
7 Ikekifuk mkpọ mokọt ifet, ire, ikekigwu nkeek ikom iweek ugbalachieen̄. Eya orọ nden̄ kiji eyi ikasoge ikima ikekirọ mkpọ chi ofefet. Eya orọ, mgbọ onwọnwọọn ichit isasa igwu nkeek ikom ire mgbọ otapbe efuuk mè ikup me ere kpunube inu geege okinyi owu sasaak mè iyaka ire ikisan̄a nkeek kwun̄ isan̄a me lek inu okirọ. Ogwu okwa imun̄ ibe ke mgbọ onwọnọọn̄ isasa igwu nkeek ikom ire mgbọ ọmọ obolobe chieen̄ me eririeen̄. (Itọn̄ 63:6) Jisọs ogwu okakaan̄ okikeek ososo, iriọọn̄ oruru okukup me lek ikukup me ere okukup dii ikigwu nkeek ikom mè ikiriaak uriaak.—Luk 6:12.
w09 7/15 16 ¶6
Gọọk Akpat Ukọt Jisọs—Kijeen̄ Mkpọ Me Lek Ima
6 Eji mikinwọọn̄ ikekitumu mkpọ ofolek inu eji emabe. Eji esikitumu mkpọ ofolek inu eji emabe, ikitotop eji me lek, eyi ikikpọk mbum inan̄a me lek ubọk eji ekisa me uyok uyok ejit ikisa itumu. Eyi ichubọk ire atikọ ogak ge eji esikitumu mkpọ ofolek ogwu eji emabe. Owuwa mgbọ ikilọlọk eji itutumu inyi ebi ofifi ene mkpọ eji eriọọn̄be ofolek ene ya. Eji ekitọton̄, imin mè ikitumu ikọ me ibot kan̄. Eji ekirọ ikeya mije eji ekiweek ibe ebi ofifi ene enema ene ya mè eru kan̄ ike eji emabe.
Week Inu Unye Otu Ewe Okup Me Usem Awaji
w07 11/15 15 ¶6
Ire Okekirọ Ibe Ebi Ofifif Ife Ekaan̄ Utelelek Ni?
Ikifet igbugbugbọ uwu igak inanama. Onineen̄ yaage ofolek igbugbugbọ mè inanama uwu igbaan̄ si me lek usem eji ekitumu. Kubọk ebilene ebi kpesoge, otutuuk kiji mikaan̄ ere eji kpekirọ ijaan̄. Ogwu Ubọọn̄ Solomọn itumu ibe: “Kpunu ogwu ata irọrọ geege me linyọn̄ ogwu òkirọ ata inu gaalek, ìkakirọ ijo inu.” (Ogwu Etip 7:20) Ikakiyọt imumun̄ nrọ-nlọ ebi ofifi ene mè ikekitumu ema ifiat. (Okwa Itọn̄ 64:2-4) Ire, me ofifi ubọk, ikekitumu usem onwọnwọn ikiweek ugbalachieen̄.
ONYAN̄ JAABA 22-28
INU UNYE OTU EWE OKUP ME USEM AWAJI OKWA ITỌN̄ 66-68
Jioba Okibeme Akpan Kiji Egwe Geelek
w23.05 12 ¶15
Ubọk Jioba Okisa Ifọọk-Otu Uriaak Kiji
15 Owuwa mgbọ Jioba ikakifọọk otu uriaak kiji me oniin̄ okup uyeke uyeke. Ire, ufọọk-otu eji ekikaan̄ ikekitap ubọk inyi eji ekup enye ekegbe utoon̄-ejit enyi Nte kiji ogwu okup me emen inyọn̄. Eya ọrọ kitaba imaan̄ me lek ubọk Jioba okisa ifọọk-otu uriaak kwun̄. Gwun̄ ute enenwaan̄ ge ekigwen Yoko ikikeek ibe ke Jioba ikakifọọk otu uriaak kan̄, ire, ibene ikige inu ikibeek Jioba itap me ikpa. Ike mgbọ ojebe isisi isikpọ emen ikpa kan̄ mè imun̄ ibe ke Jioba ifọọk otu owuwa uriaak kan̄, ikerere echi ọmọ owuukbe mkpọ ofolek. Inan̄a me mgbọ ire mgbọ, ikup ufiak, ibe eji ekemọnọ mgbọ ekesa egwu nkeek ekom me lek ubọk Jioba okisa ifọọk otu uriaak kiji.—Itọn̄ 66:19, 20.
w10 12/1 23 ¶6
Kijeen̄ Nsan Me Lek Uga Mè Iyaka Ire Ute Ebi Ema Gaalek Ekikpọ Chieen̄ Me Lek Nsabọn Kiban̄
Jioba inyi ekwukwu mbuban kan̄ ibe esa ege okwa echi okup me mbuban̄, echi ebi Ijeren ebekikọt me mgbọ ema ekitọbọ ebum inyi ọmọ. Keek nu ubọk ibosa itap efuuk me owot ebi nwakpa mè bọn inan ute ikekikọt okwa echi okikeek ema ibe ke Jioba ore “ute” inyi ema mè ire si “ogwu òkisibi oyerebet inwọn̄” ema, ke motap ubọk inyi ema si. (Okwa Itọn̄ 68:5; 146:9) Eji si mekọt itumu ikọ echi obokọt itap efuuk me owot uga mè iyaka ire ute ebi ema gaalek ekikpọ chieen̄ me lek nsabon kiban̄ echi obokọt ikup ema me ejit me owuwa acha. Ikerere ibe ke akọp acha iraka me lek, Ruth, ogwu ọmọ gaalek okikpọ chieen̄ me lek nsabọn kan̄, ikikeek mgbọ ute ge okitumu inyi ọmọ ibe: “Okakirọ ijeen̄ me ubọk okisa ikpukpọ bọn ebirieen̄ iba kwun̄. Tet lek nye.” Ruth itumu ibe: “Ikekinọ mbet lek usem okup ikecha ichubọk itap emi efuuk me owot.” Me atikọ, “Ata otu ikọ ìkitap ene ugwem me emen” mokọt itap efuuk me owot uga mè iyaka ire ute ebi ema gaalek ekikpọ chieen̄ me lek nsabọn kiban̄ igak ubọk eji ekeekbe. (Urọk 15:4) Ire omokọt ikeek usem ge obokọt itumu isasa itọn̄ ebi ema gaalek ekikpọ chieen̄ me lek nsabọn kiban̄ ni?
w09 4/1 31 ¶1
Ute Inyi Ebi Una Ute
“AWAJI, ogwu òluk me Uwu Mbuban kan̄, ọmọ ore ute inyi ebi una ute.” (Okwa Itọn̄ 68:5) Usem chi ijeen̄ eji ata mkpọ ge ofolek Jioba Awaji, ọmọ ire ogwu okikaan̄ ulọk me lek ufiak ebi ikup me ijo irek. Ulọk kan̄ me lek nsabọn ebi nga kiban̄ mè iyaka ire nte kiban̄ egwube isibi utoon̄ inan̄a me lek Ikan inyibe ebi Ijeren me ukot ikan̄. Eji ekpọ nu adasi ere esabe usem ‘ebi una ute,’ isa irọ mkpọ me emen Baibul me ikpa Isisibi 22:22-24.
w23.01 19 ¶17
Jioba Okitap Ubọk Inyi Eji Ekọt Ekeme
17 Fuk Okwa Itọn̄ 40:5. Inu ogwu okinene ogoon̄ okaan̄be me ejit ire inene isire ota. Ire, ike ikinene, mokọt ikitet ikaan̄ me ikikpọ ere ọmọ onenebe ire. Ubọk yaage si, kimọnọ mgbọ kisa keek ubọk Jioba okisa itap ubọk inyi okọt okome ikerere mgbọ okichichini irek echi oyọyọt. Me ota usen geelek kido lek kwun̄: ‘Me oniin̄ okukup ke nsa imun̄ ugbana Jioba me ugwem n̄a me chereyi ni? Ubọk geelek ibe ke ufialek n̄a ikatata nu, ike owa ke Jioba okisa itap ubọk inyi emi nkọt nkeme?’ Kpọ nu me ire omokọt imun̄ ugbana ge enyi okijeen̄ ibe ke Jioba okitap ubọk inyi owu okọt okome.
Week Inu Unye Otu Ewe Okup Me Usem Awaji
w06 6/1 10 ¶5
Inu Ekpabe Ofolek Ikpa Okwa Itọn̄ Agan̄ Òso Iba
68:18—Ebi owa ere ‘inyinyi eyi ebilene’? Ebi ire ebirieen̄ inan̄a me lek ebi ekpulube me usun̄ akọn̄ mgbọ ebi Ijeren ekitim igak Ama Echieekbe Me Use. Ebirieen̄ chi ire ebi enyibe ikwaan̄ ikekitap ubọk inyi ebi otoko kè Libai me ikwaan̄ kiban̄.—Ejira 8:20.
ONYAN̄ JAABA 29–ONYAN̄ JEETA 4
INU UNYE OTU EWE OKUP ME USEM AWAJI OKWA ITỌN̄ 69
Ubọk Esabe Ikpa Mkpọ Orọrọ Me Ugwem Jisọs Me Ikpa Okwa Itọn̄ 69
w11 8/15 11 ¶17
Ema Mikup Ikpọ Ogwu Mesaya
17 Mecha Ogwu Mesaya me ikarọge inu geege ilọ. (Okwa Itọn̄. 69:4) Ogwu ikwaan̄ Jọn ibe ke Jisọs itumu ibe: “Mebe ǹkarọ ikwaan̄ ukechieen̄ echi ene geege ikarakge ìrọ me etete kiban̄, kpemetip ema oyerebet mije ijo inu. Ire, mgbọ keyi, ubọk geelek otutuuk kiban̄ esabe chieen̄ imun̄ ikwaan̄ ukechieen̄ nrọbe, ema mîcha emi, mè icha si Nte n̄a igbaalek. Ire, otutuuk inu chi ìkirọ iso inu egebe me Ikpa Ikan kiban̄ ibe, ‘Ema mîcha emi me nkarọge ijo inu geege.’” (Jọn 15:24, 25) Owuwa mgbọ esikitumu mkpọ ofolek “Ikpa Ikan” isibi otutuuk mkpọ okup me emen Ikpa Mbuban. (Jọn 10:34; 12:34) Mfufuk okup me ikpa Ata Etip ijeen̄ ibe ke Jisọs ire ogwu echabe, ogak ge inan̄a me ubọk ebi ibot uwu uriaak ebi Ju. Jisọs me lek kan̄ itumu ibe: “Ebi linyọn̄ kpebekọt icha enyi. Ire, ema mîcha emi, mije nkitumu inyi ema ibe ke irọrọ kiban̄ îfieek.”—Jọn 7:7.
w10 12/15 8 ¶7-8
Kan̄ Uyok Uyok Ejit Me Lek Ata Ntọbọ Ebum
7 Inu ge orọrọ me ugwem kè Jisọs ichubọk ijeen̄ mbet lek uyok uyok ejit ikaan̄be. Ire me mgbọ ibenebe ikwaan̄ kan̄, me ibot mgbọ ekirọ Ijọk Iraraka eyi acha 30 C.E. Jisọs me ebi udun̄ kan̄ minu me Jeruselem, “imumun̄ ebi ene ekinyam eriembuuk, mè arọọn̄, mè ekerekwukwu, mè imun̄ si usini ene ekweekbe me lek owuwa ikasi ikinwene ikpoko” me uwu mbuban. Keke ke Jisọs orọ, kpasi mgbaan̄ ke inu irọbe okaan̄ me lek ebi udun̄ kan̄?—Fuk Jọn 2:13-17.
8 Inu Jisọs orọbe me mgbọ ya irọ ibe ebi udun̄ kan̄ ekeek usem nriran Debit otumube me okwa ge igebe: “Ulọk nkaan̄be me lek uwu kwun̄ ìkiyok emi me ejit kire ukan̄.” (Okwa Itọn̄ 69:9) Inu Jisọs orọbe mokọt itap ọmọ unan me lek. Mije, ire ebi ikikpọ chieen̄ me lek uwu mbuban ya orere ebi ngwugwa, ebi ijeen̄ ikan mè ebi ofifi ife ekibieen̄ ewe ekiyam me emen uwu mbuban ya inye. Sa me ikpọkpọ mbum mè ikpukput inu ema ekirọ, Jisọs ikikeke ikeme ebi ibot uwu uriaak me mgbọ ya. Ike ebi udun̄ kè Jisọs ekikeek mkpọ ofolek inu Jisọs orọbe, ema mimun ibe ke Jisọs ikaan̄ uyok uyok ejit me lek uwu Awaji mè iyaka ire ata ntọbọ ebum. Keke ore uyok uyok ejit? Ire ikup esese me lek irọrọ mkpọ ugwat ugwat ni?
g95 10/22 31 ¶4
Ire Omokot Ikwu Mije Ufieejit Ni?
Usini ene ekitumu ibe ke ufieejit me lek mkpọ ogọgọọk ikpan Jisọs, eben me nriran ofolek kan̄ ibe: “Unyechieen̄ enyibe emi òkifuku emi owot, mânigak iweek.” (Okwa Itọn̄ 69:20) Ire menọnọ usem yi ikeya ni? Usini mgbọ menọnọ ikeya. Mije sabum Jisọs ogwube ikaan̄ ikpele unaan̄ ikare me anam akpalek gaalek ire, me okikeek kan̄. (Matiyu 27:46; Luk 22:44; Ebi Iburu 5:7) Isọkọ me lek, mokọt ire ufieejit orọ ibe “eje mè mun̄” ikigbọọk isibi me ere esabe otunwa ichim Jisọs eyi ikwube. Ire unan isak me emen ejit ene mè iyaka ire ofifi ere eje okije, eje mokọt isinin̄ emen isi-ejit mè iyaka ire ere ekigwen pericardium me ebeke. Ire echim ene me isi-ejit mè iyaka ire me pericardium, mkpọ obokọt ikup kubọk “eje mè mun̄” mokot ikisibi —Jọn 19:34.
it-2 650
Inorie Òkijajat Kubọk Olulut
Ofolek ogwu Mesaya, eben me nriran ibe ke menyi ọmọ “inorie òkijajat kubọk olulut” ibe irie. (Itọn̄ 69:21) Eyi ibọkọ irek mgbọ enyibe Jisọs miin̄ ewọlọbe ugwun̄ me lek sabum enigon ọmọ me inyọn̄ uti. Ire, mgbọ ichakbe otu me lek ikpọ, Jisọs ikachieek inwọnwọ. Usini mgbọ ewọlọ ugwun̄ me lek miin̄ ya inyi Jisọs, inyi ikamalek inọ unan. Me mgbọ ikitumu mkpọ ofolek nrọ-nso nriran ya, Matiyu (27:34) isa usem Giris kho·leʹ isa irọ mkpo, usem yaage okup me Greek Septuagint me ikpa Okwa Itọn 69:21. Ire, mfufuk kè Mak ibe ke ugwun̄ ya inan̄a me lek uti mâa (Mak 15:23), eyi irọ ibe usini ene ekekeek ibe ke “inorie òkijajat kubọk olulut” mè iyaka ire “miin̄ ewọlọbe ugwun̄ òkirọ mè ene ikanọ unan” ire “mâa.” Ofifi mkpọ obokọt irọ ire, mokọt ire ibe ke enyi Jisọs miin̄ ewọlọbe ugwun̄ òkirọ mè ene ikanọ unan mè mâa me emen.
Week Inu Unye Otu Ewe Okup Me Usem Awaji
w99 1/15 18 ¶11
Kisa Ubọk Otatana Kisa Beek Uriaak
11 Owuwa ebi ene ekiriaak uriaaak isasa ibeek mkpọ gaalek, ire, ima eji ekaan̄be me lek Jioba okibieen̄ eji ibe eji eketọn ọmọ me mgbọ eji ekibeek uriaak eyi akpalek kiji mè me isi owuwa ene. Pọọlu itumu ibe “Ikasisaak ejit kinyi ofolek inu geege. Kpan̄asi ikeya, ìkpa inu geelek òkup enyi me uyọt ìnyi Awaji me uriaak. Me emen uriaak kinyi, ìkibeek Awaji mbeek, mè ìkinyi si ọmọ itọn̄. Ire enyi ikirọ ikeya, esuuk Awaji, eyi ebilene kpebekọt igobo itet, môbem ejit kinyi mè ekiket kinyi, inyi unan geege ikare enyi ebi eyi Karais Jisọs lek.” (Ebi Filipai 4:6, 7) Iin̄ isọkọ me lek ikekibeek Awaji mbeek, eji si eketọn̄ Jioba me lek inu echi emen ekwukwu mè echi anam akpalek ikinyi eji. (Urọk 10:22) Ogwu okwa ikọt ibe: “Ngwugwa kinyi ìbokire inyinyi Awaji itọn̄, mè irọrọ inu geelek enyi echieekbe.” (Okwa Itọn̄ 50:14) Me emen okwa ge Debit okọtbe kubọk ire uriaak ibe: “Mâkọt okwa isa itọn̄ erieen̄ Awaji; mâbe ọmọ onirọ, mè isa me ikeya imin ọmọ.” (Okwa Itọn̄ 69:30) Ire ikawọn̄ ibe eji ekerọ ikeya me mgbọ eji ekiriaak uriaak eyi akpalek kiji mè me isi ebi ene ni?
ONYAN̄ JEETA 5-11
INU UNYE OTU EWE OKUP ME USEM AWAJI OKWA ITỌN̄ 70-72
Kpa Nyi Ebi Ukot Okinu Mkpọ Ofolek Unye Kè Jioba
w99 9/1 18 ¶17
Ebi Ijija—Ikpukpo Unye Ikeek Mkpọ Kinyi!
17 Moweek ibe eji ekekaan̄ ugbalachieen̄ mè atalek unye-ejit ufuna eji ekọt ekejit ufe kè Setan. Usini mgbọ mokọt ikikup kubọk owu gaalek okup esese ikare me lek ebi otu ogbo kwun̄ gaalek, ire, me lek otutuuk ene. Ogwu okwa Debit ibeek ibe: “Owu, Ogwukaan̄-ene Jioba ke ntoon̄ ejit me lek; owu ke mbieen̄ ejit me lek karake nrebe sọn̄ gwun̄. Jei Awaji, karake nrebe nsabọn irieen̄, owu okijeen̄ emi uyeke ikwaan̄ okisi; ikeya si ke nkikpa inyi ebi ene abayaage ire mgbọ keyi.” (Okwa Itọn̄ 71:5, 17) Debit ire ogwu eriọọn̄be kubọk ogwu okakaan̄ unye-ejit. Ire, kpa mgbọ ke ibene ikikaan̄ unye-ejit ni? Ire karake ijija kan̄! Ikerere sabum chichinibe Golayat, Debit ijeen̄ ikpele unye-ejit me mgbọ ikibem arọọn̄ ogwu ute sa me ikpakpan egbe atat mè ibo nriọk. (Samien Eyi Adasi 17:34-37) Ire, Debit isa otutuuk itọn̄ ijet Jioba me lek otutuuk inu geelek isabe me unye-ejit irọ, ibe ke ire Awaji ke ọmọ ‘obieen̄ ejit me lek karake ọmọ orebe sọn̄ gwun̄.’ Debit ikekiyaka lek kan̄ imaan̄ me lek Jioba, otap ubọk inyi ọmọ ibe ikọt ije itibi ufialek geelek ichichinbe. Owu si momun̄ ibe ke ire oyaka lek kwun̄ imaan̄ me lek Jioba, ke monyi owu unye-ejit mè unye oweekbe isasa “îtim ikpan̄ linyọn̄.”—Jọn Eyi Adasi 5:4.
g04 10/8 23 ¶3
Ike Owa Ke Eji Ebesa Ikirọ Eru Me Lek Ebi Iniin̄ Ugane?
Ogwu okwa ibeek Awaji ibe: “Karieen̄ emi ìto mgbọ keyi ukan orebe emi lek; kakpọ emi ìlọ chieen̄ mgbọ keyi unye otabe emi me lek.” (Okwa Itọn̄ 71:9) Awaji ikakitọp ebi usun̄ kan̄ igbegbe utoon̄-ejit ifiin̄, ikerere me mgbọ ikikup ema me lek kubọk ema kpeyaka ikup me lek inu geege. Ikakup me lek ogwu okwa kubọk Jioba ijujuuk ọmọ itele, kpan̄asi ikeya, imun̄ ibe ke ikup ufiak ibe ọmọ iyaka lek imaan̄ me lek Awaji mgbọ keyi ukan orebe ọmọ lek. Jioba ikigbagbana ebi igbegbe utoon̄-ejit inyi ọmọ sa me ikekitap ubọk inyi ema me otutuuk ugwem kiban̄. (Okwa Itọn̄ 18:25) Owuwa mgbọ ntap-ubọk chi ikinan̄a me ubọk bọn ute kiji ibaan̄ mè irieen̄.
w14 1/15 23 ¶4-5
Ikekitọbọ Ebum Inyi Jioba Sabum Usen Ufialek Onu
4 Ire okitọbọ ebum inyi Jioba me owuwa acha, igbe ibe odo lek kwun̄ ibe, ‘Keke ke mbasa ugwem n̄a irọ mgbọ keyi ikaan̄be sọn̄ja unye mè efuuk?’ Kubọk ogwu eyi Karais okukup ifiin̄ me ntitiin̄, owu okaan̄ mkpọ ebi ofifi ife kpekaan̄. Omokọt ikpa inyi ebi ijija mkpọ chi okween̄be inan̄a me ubọk Jioba. Omokọt itap efuuk me owot ebi ofifi ife sa me itutumu inyi ema mkpọ echi onwọọn̄be ike okitọbọ ebum inyi Jioba. Ogwu Ubọọn̄ Debit ibeek Awaji ibe inyi ọmọ mbet lek irek okup ikeyi. Ige ibe: “Jei Awaji, karake nrebe nsabọn irieen̄, owu okijeen̄ emi uyeke ikwaan̄ okisi . . . Mgbọ keyi si ukan orebe emi lek, isọọn̄ ogbakabe emi ibot, jei Awaji, kakpọ emi ìlọ chieen̄, mege mâkpabe unye okaan̄be inyi ebi ukot keyi, mè ikpa si inyi ebi ukot òkinu.”—Itọn̄ 71:17, 18.
5 Ike owa ke obosa irọ ibe ebi ofifi ife ekaan̄ oruru enan̄a me lek iriọọn̄-inu okaan̄be me owuwa acha ni? Ire omokọt igwen ebi ijija inu me uwu kwun̄ ibe enegọọk owu egbaan̄ ekpa usem ni? Ire omokọt ineen̄ ibe ema egọọk owu esibi uko enyi ema emun̄ unwọọn̄ okikaan̄ ike okitọbọ ebum inyi Jioba ni? Eliyu me ukot ikan̄ itumu ibe: “Ǹkeek me lek n̄a ibe ke îre ebi ìkakan ebetumu ikọ, ke îre ebi ugane ebejeen̄ iriọọn̄-inu.” (Jobu 32:7) Ogwu ikwaan̄ Pọọlu itumu inyi ebibaan̄ ebi eyi Karais ininin̄ ugane ibe etap efuuk me owot ebi ofifi ife inan̄a me lek usem kiban̄ mè irọrọ kiban̄. Ige ibe: “Ebi ugane ebibaan̄. . . ekejeen̄ inu ònwọnwọn.”—Taitos 2:3.
Week Inu Unye Otu Ewe Okup Me Usem Awaji
it-1 768
Yuferetis
Okike Ijọn̄ Enyibe Ebi Ijeren. Me usem itumube inyi Ebereyam, Awaji ichieek use inyinyi ebi owot iman kan̄ “bene me okwaan̄ Ijipiti si re lek ikpele okwaan̄ Yuferetis.” (Ibeb 15:18) Awaji iyaka ichieek use yaage isa inyi ebi ijeren. (Isis 23:31; Ikan 1:7, 8; 11:24; Jos 1:4) Ikpa Mfufuk Eyi Adasi 5:9 itumu ibe ke sabum Debit obenebe ikikpulu, ke usini ebi otoko kè Ruben miluk “isi ire otubọk èwê eyi ònyana isi ire okwaan̄ Yuferetis.” Ire, enyi irebe ibe ke okwaan̄ Yuferetis ijọnọ iso mkpọ obet lek 800 km (500 mi), osikije me “agan̄ mbum-ura ido Giliadi” (1 Mfuf 5:10), eyi isibi ibe ke ebi otoko kè Ruben cha eluk isi ire agan̄ mbum-ura ido Giliadi me agba lek emen Èwê ebi Syria, emen èwê yi ijọnọ isi ire okwaan̄ Yuferetis. Ire ibet lek use Jioba irọ iso me ukọt mkpulu kè Debit mè Solomọn mgbọ okike ijọn̄ ebi Ijeren osi ire Soba ama ebi Aram me iyana isi ire agba okwaan Yuferetis, usini mgbọ isi ire Syria me agan̄ inyọn̄. (2 Sam 8:3; 1 Ubọọn̄ 4:21; 1 Mfuf 18:3-8; 2 Mfuf 9:26).
ONYAN̄ JEETA 12-18
INU UNYE OTU EWE OKUP ME USEM AWAJI OKWA ITỌN̄ 73-74
Keke Ke Oborọ Mè Ire Obene Ikimin Ejit Me Lek Ebi Kpekitọbọ Ebum Inyi Awaji?
w20.12 19 ¶14
‘Jioba . . . Okiyan̄a Ebi Efuuk Otabe Me Owot’
14 Ogwu ogege ikpa Okwa Itọn̄ 73 ire ogwu otoko kè Libai. Eya orọ, ikaan̄ ikpele irek ikekisi ikwaan̄ inyi Awaji me ere ekitọbọ ebum inyi ọmọ. Ire, me okike mgbọ ge me ugwem kan̄, efuuk ibene ikita ọmọ me owot. Keke orọ ni? Ibene ikimin ejit me lek ebi ikpak mè ebi ugumulek, ikare mije ijo inu ema ekirọ, ire, bak me lek mkpọ ikup kubọk ikijeje ijaan̄ me lek kiban̄. (Itọn̄ 73:2-9, 11-14) Ikikup kubọk ema mikaan̄ inu geelek kubọk inu ubọọn̄, mè ikiluk ata ugwem. Ikikup kubọk ema kpekikaan̄ sasaak geege. Nje-nyi-isi ebi ikpak irọ ibe efuuk ita me owot ogwu okwa ire lek itumube ibe: “Ǹkifafiat mgbọ ichep ikiluk ugwem òtatana; me ikike ke nkikaak ubọk ijeen̄ Awaji ibe ǹkalọ.” Isibi utoon̄ ibe ke inu yi mokọt irọ ibe ikayaka ikitọbọ ebum inyi Jioba.
w20.12 19-20 ¶15-16
‘Jioba . . . Okiyan̄a Ebi Efuuk Otabe Me Owot’
15 Fuk Okwa Itọn̄ 73:16-19, 22-25. Ogwu otoko kè Libai yi isi “Uwu Mbuban Awaji.” Usini mgbọ me ere ya eyi ikupbe me etete ebi me lek kan̄ ekigbaan̄ ikitọbọ ebum inyi Awaji, lek kan̄ okukup dii, ibebene ikikeek mkpọ ijaan̄ mè ibeek uriaak inyi Jioba ofolek irek kan̄. Echi inirọ ibe inimun̄ ibe ke nkeek kan̄ ikatat, ke mokọt irọ ibe ọmọ ida lek ibọkọ me lek Jioba. Inigobo itet si ibe ke ebi ikpak ekup me “ere òkikwakwaak,” ke “ukpook mônin̄ inyi ema me okputut ugwem kiban̄.” Ogwu okwa yi inimun̄ ibe ufuna ọmọ ikayaka ikimin ejit me lek ebi ikpak, ke ikup ufiak ibe ọmọ ikimun̄ mkpọ ike Jioba okimun̄. Me mgbọ irọbe ikeya, iyaka ikaan̄ esuuk mè ubelejit. Itumu ibe: “Kpunu si inu geege mweekbe me linyọn̄ igak [Jioba].”
16 Inu eji ebekọt ikween̄. Eji ekamin ejit me lek ebi ikpak ebi ikikup kubọk mkpọ ikijeje ijaan̄ me lek kiban̄. Ubelejit kiban̄ ire me sọnja mgbọ; ema si kpekaan̄ ukpọchieen̄ ugwem ikakaan̄ge itata me mgbọ okinu me isi. (Etip 8:12, 13) Ire eji ikimin ejit me lek kiban̄, eyi mokọt irọ ibe efuuk ita eji me owot, mokọt si ijijaka mgbaan̄je kiji me lek Jioba. Eya orọ, ire omun̄ ibe ke okakibene ikimin ejit me lek ebi ikpak mije mkpọ okikup kubọk ikijeje ijaan̄ me lek kiban̄, rọ mkpọ ogwu otoko kè Libai orọbe. Kisiki ibot nyi nteme Awaji okisa me ima ikinyi eji, ikikup riaak bọn ute irieen̄ mè ibaan̄ ebi ikirọ nkeek Jioba. Mgbọ geelek osima Jioba igak inu geelek me ugwem kwun̄, omokaan̄ ata ubelejit. Omokup si me oniin̄ okisa ene ifo lek “ugwem eyi òrere ugwem me atikọ.”—1 Tim. 6:19.
w14 4/15 4 ¶5
Gọọk Akpat Ukot Ichechieek kè Mosis
5 Ike owa ke obokọt ijit “irerie utop eyi ijo inu me sọntiik mgbidim mgbọ”? Kawuuk ibe ke utop geelek okinan̄a me lek ijo inu ire me mgbidim mgbọ. Chieek nye ibe ke “linyọn̄ keyi, mè otutuuk ijo ulọk kan̄ geelek, ìboraraka isan̄a kpai.” (Jọn Eyi Adasi 2:15-17) Kigwu nkeek kom me lek mkpọ oborọ ebi ikirọ ijo inu kpeweek igwugwu ikom. Ema ekup “me ere òkikwakwaak. . . ukpook mônin̄ inyi ema me okputut ugwem kiban̄!” (Itọn̄ 73:18, 19) Mgbo geelek esikitọ owu ikpọ ibe orọ ijo inu, do lek kwun̄ ibe, ‘Kpasi mbet lek mgbọ okup me isi ke nkiweek inyi lek n̄a?’
w13 2/15 25-26 ¶3-5
Kachieek Ibe Inu Geege Igban Owu Ibe Okamun̄ Umin Awaji
3 Ogwu okwa isa me unye-ejit itumu ibe ke Jioba motet ọmọ me ubọk agan̄ ulom me isa ọmọ isito me atalek irek umin. (Fuk Okwa Itọn̄ 73:23, 24.) Ike owa ke Jioba okisa irọ eyi ni? Jioba ikisa ebi usun̄ kan̄ ikisiki lek ito me irek umin, sa me ikekimin ema me owuwa oniin̄. Ikigbana ema sa me ikekirọ ibe ema egobo nkeek kan̄ etet. (1 Kọr 2:7) Ikimin ebi geelek ikigban̄ usem kan̄ mè ikisiki ibot inyi ọmọ sa me irọrọ ibe ema ekaan̄ ata mgbaan̄je me lek kan̄.—Jemis 4:8.
4 Jioba si inyi ebi usun̄ kan̄ ikwaan̄ ilolook ata etip eyi okukup me unye otu ewe. (2 Kọr 4:1, 7) Ikwaan̄ ilolook ata etip yi kirọ inyi eji ekaan̄ umin. Isa inyi ebi geelek ikisa irek ilile yi ema ekaan̄be ikisa imin ọmo mè ikisa irọ ebi ofifi ife oruru, Jioba ichieek use ibe: “Ebi ìkimin emi ke emi mbamin!” (1 Sam 2:30) Ema mekaan̄ ata erieen̄ me lek Jioba, ebi usun̄ Awaji ogbo kiban̄ si mekitumu atikọ ibak ema.—Urọk 11:16; 22:1.
5 Keke oborọ ebi geelek ‘ikikup ikpọ Jioba, mè ikije me oniin̄ kan̄’ me mgbọ okup me isi ni? Echieek ema use ibe: “Ọmọ [Jioba] mônyi owu ijọn̄ me ìrot, isa irọ owu imin; owu mômun̄ mgbọ môkpan̄be ebi òkpaka ibot isan̄.” (Itọn̄ 37:34) Ema ekikpọchieen̄ ikakaan̄ umin eyi kpunube mbet orere ikakaan̄ ugwem ikakaan̄ge itata.—Itọn̄ 37:29.
Week Inu Unye Otu Ewe Okup Me Usem Awaji
w06 7/15 11 1
Inu Ekpabe Ofolek Ikpa Okwa Itọn̄ Agan̄ Òso Ita Mè Òso Ini
74:13, 14—Kpa mgbọ ke Jioba okpukpuku ibot “Mgbugbo Anam Ejit Okwaan̄”? Egwen “Fero, ogwu ubọọn̄ Ijipiti,” “mgbugbo anam ejit okwaan̄ òlalaak inyana me emen bọn okolo okwaan̄ Nali.” (Ijikien 29:3 NWT) Mgbugbo Anam Ejit Okwaan̄ mokọt ikeke ichit chieen̄ ebi akọn̄ kè Fero.” (Okwa Itọn̄ 74:14) ikpukpuku ibot kiban̄ mokọt ikiyana ubọk ifo lek ike Jioba osabe ijijaka Fero mè ebi akọn̄ kan̄ mè mgbọ inyan̄abe ebi Ijeren isibi me usun̄ me Ijipiti
ONYAN̄ JEETA 19-25
INU UNYE OTU EWE OKUP ME USEM AWAJI OKWA ITỌN̄ 75-77
Keke Orọ Eji Kpebekigugo Lek?
w18.01 28 ¶4-5
Ebi Usun̄ Awaji Mikup Esese
4 Me mgbọ itumube ibe ke ebi ene mekima lek kiban̄ gaalek mè ikima ikpoko, Pọọlu itumu si ibe ke ebi ene mêkigugo lek, mè ikigumu lek, ebi ikijeen̄ eru chi ekikpọ ebi ofifi ife isiki ichieen̄, mije, ema mijaan̄ uja, ikaan̄ ikpoko, ikaan̄ irek ilile mè iyaka ire iriọọn̄ irọ mkpọ ge igak ofifi ene. Ema ekiweek ibe ebi ofifi ene eketọn̄ mè ekemin ema kubọk ema ire Awaji. Ene ge ogwu okikween̄mkpọ ige ofolek ogwu okigumu lek ibe: “Me emen ejit kan̄, ikaan̄ sontiik ntook ge enyi ikisa itọbọ ebum inyi lek kan̄.” Usini ene ekitumu ibe ke ikekigumu lek isak ire lek ikerere ogwu okigumu lek ikakima imumun̄ eru yi me emen ofifi ene.
5 Jioba ichacha ikekigumu lek. Icha “chieen̄ òkikpọ ene isiki.” (Urọk 6:16, 17) Ugumulek mokọt irọ ibe ene ikataba lek iriaak me lek Awaji. (Itọn̄ 10:4) Eru yi ire eru Yọk. (1 Tim 3:6) Ire mkpọ nsan ibe ke ikerere usini ebi usun̄ Jioba ikigbe utoon̄-ejit mibene ikigumu lek. Kubọk inu njeen̄ Ujaya ogwu ubọọn̄ Juda igbe utọọn̄-ejit inyi Jioba me owuwa acha. Ire, Baibul ibe, “mgbọ Ujaya okanabe ogwu ònyenye lek, ugumulek oneninin̄ ọmọ me emen, mè irọ inyi inan̄a irọn̄. Ìkayaka ìkirọ atikọ melek Jioba Awaji kan̄. Usen ge, ininin̄ emen Uwu Mbuban Jioba isi iwọp nsensi me inyọn̄ ntook nsensi.” Ike mgbọ ojebe, Ogwu Ubọọn̄ Ejikaya si ibene ikigumu lek ikerere ibe ke ire me sọnja mgbọ.—2 Mfuf 26:16; 32:25, 26.
w06 7/15 11 ¶2
Inu Ekpabe Ofolek Ikpa Okwa Itọn̄ Agan̄ Òso Ita Mè Òso Ini
75:4, 5, 10—Keke ke usem yi “iko” osibi? Iko anam ire mkpọ akọn̄ okakaan̄ unye. Eya orọ, usem yi “iko” ikeke ichit chieen̄ unye mè iyaka ire efuuk. Jioba ikibene iko ebi eyi kan̄ sa me ikekirọ ibe ema ekenye lek efo isi, ire, ikijijijaka iko ebi ikpak. Mitaba eji ubọk me utọn̄ ibe eji ekakibene iko kiji, eyi isibi ibe ke eji ekpebekigugo lek. Eyi irebe ibe ke ire Jioba okibene ene ifo inyọn̄, eji ekemun̄ irek geelek eji ekaan̄be me ntitiin̄ kubọk inan̄a me ubọk kan̄.—Okwa Itọn̄ 75:7.
Week Inu Unye Otu Ewe Okup Me Usem Awaji
w06 7/15 11 ¶3
Inu Ekpabe Ofolek Ikpa Okwa Itọn̄ Agan̄ Òso Ita Mè Òso Ini
76:10—Ike owa ke ‘unaan̄-ejit ebilene’ obokọt isa itọn̄ ijet Jioba? Mgbọ geelek Awaji isitele ibe ebilene esa unaan̄-ejit kiban̄ ekeme eji mije eji erebe ebi usun̄ kan̄, ata mkpọ mokọt inan̄a me lek isibi. Ufialek geelek eji ejebe itibi mokọt ikpukpo eji me usini irek. Jioba ikitele ibe eji ekebọkọ usini ufialek isasa ikpukpọ eji. (Pita Eyi Adasi 5:10) ‘Awaji ikisa unaan̄-ejit ebilene ikisa inyi lek kan̄ umin.’ Me ire eji ebọkọ ugwook ire lek eji egwube ye? Eyi si mokọt isa itọn̄ ijet Jioba mije usini ebi imumun̄ ubọk eji esabe me igbegbe utoon̄-ejit ime irek ya mekọt ibene ikitọn̄ Awaji.
ONYAN̄ JEETA 26–ONYAN̄ ONAANGE 1
INU UNYE OTU EWE OKUP ME USEM AWAJI OKWA ITỌN̄ 78
Ekagbege Utoon̄-Ejit Ebi Ijeren Ire Ntaba-Ubọk-Me-Utọn Isa Inyi Eji
w96 12/1 29-30
Keke Orọ Eji Ebekikeek Usen Echi Oraraka?
Ire mkpọ nsan ibe ke ebi Ijeren mikiwuuk ata mkpọ echi Jioba okirọ inyi ema owuwa mgbọ. Keke ke eyi osan̄a isibi? “Ema mîgba udun̄ ifit Awaji, mè itọ ọmọ ikpọ, mè itap unan me ejit Awaji ogwu òkup mbuban, ogwu ema ebi Ijeren ekiriaak. Ema mîwuuk ikpele unye kan̄, mè iwuuk usen ya înyan̄abe ema me ubọk ebi ochicha kiban̄.” (Okwa Itọn̄ 78:41, 42) Ike mgbọ ojebe, uwuuk-ejit kiban̄ irọ ibe Jioba ijit ema.—Matiyu 21:42, 43.
Ire, ogwu okwa ijeen̄ eji ata akpat ukot, itumu ibe: “Mâkikeek ikpele inu echi owu Jioba orọbe; mâkeek uyeke inu cha orọbe me ukot ikaan̄. Mâkikeek otutuuk inu owu orọbe; mâkeek si nke nke ikwaan̄ cha osibe.” (Okwa Itọn̄ 77:11, 12) Ikekigwu nkeek ikom me lek ikwaan̄ Jioba osibe mè ima ijeen̄be me mgbọ oraraka mobieen̄ eji mè itap eji efuuk me owot, mè irọ si ibe eji ekejeen̄ itọn̄. Isọkọ me lek si, ikekikeek usen echi oraraka mokọt itap ubọk inyi eji etim egak uwọ-lek mè ibieen̄ eji ibe erọ inu geelek eji ebekọt me ikwaan̄ Jioba mè ekup enye ekime.
w06 7/15 17 ¶16
“Ikakinunuun̄”
16 Ikekinunuun̄ ikirọ ibe eji eketo chieen̄ me lek kiji mè ufialek kiji, mè ekekpọ chieen̄ elọ me lek ugbana echi eji ekikaan̄ kubọk Ebi Ati-Ikọ Jioba. Inyi eji ekọt etim egak eru ikekinunuun̄, igbe ibe eji esun̄ ugbana Jioba kubọk adasi mkpọ me ejit kiji. Kubọk inu njeen̄ eji ge ge mikaan̄ ikpele irek ikekichieek erieen̄ Jioba. (Asaya 43:10) Eji mekọt ikaan̄ ata mgbaan̄je me lek kan̄, eji si mekọt igọọk Ogwu “okinọ uriaak” ikpa usem mgbọ geelek. (Okwa Itọn̄ 65:2; Jemis 4:8) Ugwem kiji ikinwọn̄ mije eji egobobe itet mkpọ ofolek ogwu ogbegbe ikpulu mè iriọọn̄ si ibe ke eji mikaan̄ irek ilile ikekigbe utoon̄-ejit inyi Jioba. (Urọk 27:11) Eji mikaan̄ irek ikekigọọk ilook ata etip Ama Ubọọn̄. (Matiyu 24:14) Ichechieek eji ekaan̄be me lek ngwugwa mkpenwene ke Jisọs ikitap ubọk inyi eji ekaan̄ utọn̄ọ nkeek. (Jọn 3:16) Echi ore ugbana eji ekinwọọn̄ me ekakpọge chieen̄ me lek inu eji ekije itibi.
w11 7/1 10 ¶3-4
Ire Inu Eji Ekirọ Ikikaan̄ Mgbaan̄ Me Lek Jioba Ni?
Ogwu okwa itumu ibe: “Mgbọ ema ekupbe me emen èwê, ema mîkpaka ibot inyi ọmọ owuwa mgbọ!” (Agba eyi 40) Agba eyi ogọgọọk ibe: “Ema mîgba udun̄ ifit Awaji, mè itọ ọmọ ikpọ.” (Agba eyi 41) Taba imaan̄ ibe ke ogwu ogege ere Baibul yi ikpa ubọk ebi Ijeren ekipaka ibot owuwa mgbọ. Ijo eru yi ibene me emen èwê ikafifiin̄ enyan̄abe ema me Ijipiti. Ebi Ijeren mibene ikinunuun̄, mè ikichiche me ire Awaji ikup me mbem lek mè ikaan̄ unye isasa ikpọ ema chieen̄ me lek. (Otu Ifuk 14:1-4) Ikpa ge okitap ubọk inyi ebi ikikaba Baibul ibe ke mekọt ikaba usem “ema mîkpaka ibot inyi ọmọ owuwa mgbọ” kubọk ‘ema mirọ ejit kiban̄ inye ikeme Awaji’ mè iyaka ire ‘ema mibe “eji kpechieek” inyi Awaji.’ Ikerere ikeya, bak me lek nsan kan̄, Jioba ikitetele inyi ebi kan̄ mgbọ geelek ema esigwu ikom. Ire, ema mira iyaka igwu ikom ifo lek ijo inu kiban̄ mè ekpaka ibot enyi ọmọ. Ikeya ke ema ekirọ owuwa mgbọ.—Okwa Itọn̄ 78:10-19, 38.
Ike owa ke ikikup me lek Jioba mgbọ geelek ebi kan̄ esikpaka ibot inyi ọmọ ni? Agba eyi 40 itumu ibe “mè irọ ọmọ inu ufieejit owuwa mgbọ.” Ofifi Baibul ibe “ema mikirọ mkpọ obokinyi ọmọ ufieejit.” Ikpa ge okikpa Baibul iwele ibe: “Usen yi isibi ibe ke eru ebi Iburu mokọt ikitap ene unan me ejit ike ijo eru gwun̄ okikpaka ibot obokọt itap unan me ejit uga mè ute.” Ike gwun̄ okinye ibot obokọt itap ogwu uga mè ogwu ute unan me ejit, ikeya ke mkpaka ibot ebi Ijeren okitap “unan me ejit Awaji ogwu òkup mbuban, ogwu ema ebi Ijeren ekiriaak.”—Agba eyi 41.
Week Inu Unye Otu Ewe Okup Me Usem Awaji
w06 7/15 11 ¶4
Inu Ekpabe Ofolek Ikpa Okwa Itọn̄ Agan̄ Òso Ita Mè Òso Ini
78:24, 25—Keke orọ egwenbe mana “akpa ònan̄a me isinyọn̄” mè “inorie ebi osat ekirie”? Usen chi ikasi ibe ke ire mana ke ebi osat ekirie. Egwen mana “akpa ònan̄a me isinyọn̄” mije inan̄a me emen inyọn̄. (Okwa Itọn̄ 105:40) Eyi irebe ibe ke ebi osat ekiluk me emen inyọn̄, usen yi “inorie ebi osat ekirie” isibi ibe ke inorie ya inan̄a me ubọk Awaji ogwu okiluk me emen inyon̄. (Okwa Itọn̄ 11:4) Mokọt irebe si ibe ke Jioba ikisa ebi osat ikisa inyi ebi Ijeren mana.