OKWA 55
Ikatet Ukpook Kiban̄!
(Matiyu 10:28)
1. Enyi ebi at’ikọ n̄a,
Ebi ikilook etip.
Ikatet ukpook geege.
Ikirọ me ema ’riọọn̄
Ibe Jisọs ore ubọọn̄,
Irieen̄ Yọk me ’men inyọn̄,
Sọnja mgbọ mobọp Setan,
Minyan̄a ebilene.
(KORỌS)
Nsabọn̄ n̄a ikatele,
Ikwaan̄ n̄a mije ukpook.
Ke makpọchieen̄ me lek kinyi
Kubọk ebi mmabe.
2. Ebi ikicha enyi miwa,
Mekirọ enyi me lek,
Mekitap enyi ukpook,
Ire ikatet ukpook.
Ke manyi enyi uk’rajit,
Enyi mekeke inye.
Emi matim ikpan̄ ema
Me mgbọ n̄a isikem.
(KORỌS)
Nsabọn̄ n̄a ikatele,
Ikwaan̄ n̄a mije ukpook.
Ke makpọchieen̄ me lek kinyi
Kubọk ebi mmabe
3. Emi makup me lek kinyi;
Emi majeen̄ unye n̄a.
Ikere mikpan̄ enyi,
Makọt ijomo enyi.
Nkaan̄ unye igak ema
Ikawọ me ichechieek.
Ikweek ikigbe utoon̄ ’jit;
Ke ugwem kinyi kpochep
(KORỌS)
Nsabọn̄ n̄a ikatele,
Ikwaan̄ n̄a mije ukpook.
Ke makpọchieen̄ me lek kinyi
Kubọk ebi mmabe.
(Fuk si Ikan 32:10; Ney 4:14; Itọn̄ 59:1; 83:2, 3.)