Ibebene Okpọkọ 6

Mgbọ ebi Ijeren erebe lek ijọn̄ echieekbe me use, ema ekisi itọbọ ebum inyi Jioba me atanga chinichini. Ebi ngwugwa ekijeen̄ ikan me mgbọ ebi oyerebet ekibem ido ya. Okpọkọ yi ijeen̄ ubọk ntumu-mfieek mè eru ene ge obokọt isa ikaan̄ mgbaan̄ me lek ebi ofifi ife. Ebi Ijeren ge ge memun̄ ibe ke ema migbe utoon̄-ejit inyi Jioba mè ebi melek kiban̄. Okpọkọ yi ijeen̄ si ubọk Dibọra, Nomi, Josuwa, Ana, gwun̄ enenwaan̄ Jefita mè Samien esabe iluk me oniin̄ okakaan̄ ata mgbaan̄ me lek ebi ama kiban̄. Ijeen̄ si ibe ke usini ebi kpere ebi Ijeren kubọk Reyabu, Rufu, Jayen mè ebi ama Gibiọn misibi ifieek ikukup me agan̄ ebi Ijeren mije ema eriọọn̄be ibe ke Awaji owa melek ebi Ijeren.