INU NKWEEN̄ 7

Itat mè ire Atikọ

Luk 1:3

ME MGBIDIM: Sa inu ogbegbe sa tap ubọk rọ inyi ebi ikigban̄ owu ekaan̄ ata nkana-ngwook.

Week inu ogbegbe sarọ inu. Yaka usem kwun̄ maan̄ me lek Usem Awaji, kifuk me emen kan̄ mire ifet. Ire ochak otu me lek inu ebi ikween̄-inu etumube, etip elookbe, inu orọrọ ene, miya ire ofifi inu obosa ibieen̄ usem kwun̄ inye, sa me enen mgbọ week riọọn̄ me ire atikọ mè ire mekisa irọ inu si.
Sa inu chi rọ inu jaan̄. Kpa Baibul gọọk me lek inu obọbọkọ irek me ere ofukbe, etip eyi Baibul, melek ikpa ebi “usun̄ irọriọọn̄ inu, mè igbe utoon̄-ejit” egebe. (Mat. 24:45) Ikaan̄ inu geelek ikanan̄abe me emen Baibul, tumu gọọk me ubọk ebikaan̄ egebe, inyi ikanwene nkeek esabe ige.

Kakpa usem miya ire ibak ifuk iraka ubọk ikweekbe. Gbala chieen̄ inyi “usini ene” ikakana “agan̄ ilile me lek ebilene,” “me usini irek” ikakana “me irek geelek,” mè “mofet” ikakana “mokọt ifet.”
Gọọk ogwu okigban̄ owu gwu nkeek kom me lek inu yi. Osifuk ere Baibul miya ire ibak ofifi inu, sa me iriọọn̄-inu, do idodo echi oborọ me ebi ikigban̄ owu ekọt ekaan̄ ata nkana-ngwook me lek ibot usem kwun̄.