Etip okukup ufiak ichit okup me emen Baibul ire inu ofolek Ama Ubọọn̄ Awaji. Jioba mosa Ama Ubọọn̄ yi irọ nkeek kan̄ me inyọn̄ ijọn̄ yi iso. Keke ore Ama Ubọọn̄ yi? Ike owa ke eji esa iriọọn̄ ibe ke okikpulu me mgbọ keyi? Keke ke mkpulu yi okọt irọ? Mè keke ke iborọ me mgbọ okup me isi? Inu nkween̄ yi mè inu nkween̄ iba ogọgọọk mofọọk otu idodo chi.

1. Keke ore Ama Ubọọn̄ Awaji, ekene ore Ogwu Ubọọn̄ kan̄?

Ama Ubọọn̄ Awaji ire mkpulu Jioba osan̄abe isibi. Ogwu Ubọọn̄ kan̄ Jisọs Karais ikikpulu inan̄a me emen inyọn̄. (Matiyu 4:17; Jọn 18:36) Ofolek Jisọs, Baibul itumu ibe: “Gwun̄ ya môkikpulu . . . ire mgbọ ikakaan̄ge itata.” (Luk 1:32, 33) Kubọk Ogwu Ubọọn̄ eyi Ama Ubọọn̄ Awaji, Jisọs mokpulu otutuuk ene me linyọn̄ yi.

2. Ebi owa ebegọọk Jisọs ikpulu?

Ikare Jisọs gaalek obokpulu. Ebi ene inan̄a me “egep geelek, mè otu usem geelek, mè ama geelek, mè ido geelek . . . [ebekikpulu] ebi ìluk me linyọn̄ keyi.” (Ichichili 5:9, 10) Ene inen ebegọọk Karais ikpulu? Karake Jisọs onube me inyọn̄ ijọn̄ yi, efie efie ebi ene mikana ebi udun̄ kan̄. Ire, efit mè akọp obop ene ini mè obop ini (144,000) gaalek ebefo emen inyọn̄ isi igọọk Jisọs ikpulu. (Fuk Ichichili 14:1-4) Otutuuk ebi eyi Karais kechilọ ikup me inyọn̄ ijọn̄ yi ebekup me irak Ama Ubọọn̄ ya.—Okwa Itọn̄ 37:29.

3. Ike owa ke Ama Ubọọn̄ Awaji osa inwọn igak mkpulu ebilene?

Ikerere mgbọ ebi mkpulu ebilene ekiweek irọrọ ata mkpọ, ema kpekikaan̄ unye isasa irọ otutuuk inu ema eweekbe irọrọ. Ema esinan̄a, ebi ibenibọkọ irek kiban̄ mekọt ire ebi ikiweek onwọn kiban̄ gaalek eyi oborọ ibe ekakpọ chieen̄ me lek ebi ikup me irak kiban̄. Ire, kpebesa ofifi ene inwene Jisọs Ogwu Mkpulu Ama Ubọọn̄ Awaji. Awaji isan̄a “ama ubọọn̄ ge isibi eyi kpebekọt ijijaka.” (Danien 2:44) Jisọs mokpulu otutuuk linyọn̄ yi, ọmọ si ikpobogobo ene isi. Jisọs ikaan̄ ima, mè ata ejit, ikirọ si inu otatat. Ọmọ mojeen̄ ebi ene ibe ekerọ ikeya si orere, ekejeen̄ ima, ekaan̄ ata ejit, mè ekerọ inu otatat.—Fuk Asaya 11:9.

4. Mkpulu okakaan̄ unye obokikpulu otutuuk linyọn̄ yi

Jisọs Karais ikaan̄ unye isasa ikpulu igak ebilene geelek okpukpulu. Fuk Matiyu 28:18, mè igbaan̄ ikpa idodo yi:

• Ike owa ke unye mkpulu Jisọs osa ibene igak mkpulu ebilene geelek?

Mkpulu ebilene ikinwenwene owuwa mgbọ, ogwu ikup ikikpulu si agan̄ ge me linyọn̄ yi. Eyi Ama Ubọọn̄ Awaji ye? Fuk Danien 7:14, mè igbaan̄ ikpa idodo chi:

• Keke orọ inwọnbe ibe ke “kpebekọt ijijaka” Ama Ubọọn̄ Awaji?

• Keke orọ inwọnbe ibe ke Ama Ubọọn̄ Awaji ibokpulu otutuuk linyọn̄ yi?

5. Igbe ibe enwene mkpulu ebilene

Keke orọ igbebe ibe Ama Ubọọn̄ Awaji inwene mkpulu ebilene? Fit FIDIO yi, mè igbaan̄ ikpa idodo yi ogọgọọk.

FIDIO: Keke Ore Ama Ubọọn̄ Awaji?—Okpọkọ Me Lek (1:41)

• Keke ke mkpulu ebilene osan̄a isibi?

Fuk Ogwu Etip 8:9, mè igbaan̄ ikpa idodo chi:

• Me nkeek kwun̄, ire igbe ibe Ama Ubọọn̄ Awaji isan̄a mkpulu ebilene ni? Keke orọ ofọọkbe ikeya?

6. Ebi ibekpulu me Ama Ubọọn̄ Awaji migobo eji itet

Mije ibe ke Ogwu Ubọọn̄ kiji, Jisọs iwuuk lek iluk kubọk ebilene, “iriọọn̄ uwọ-lek kiji” mè ikito eji njijin. (Ebi Iburu 4:15) Ebi 144,000, orere, ebirieen̄ mè ebibaan̄ igbegbe utoon̄-ejit ebi Jioba ogobobe ibe egọọk Jisọs ekpulu enan̄a me “egep geelek, mè otu usem geelek, mè ama geelek, mè ido geelek.”—Ichichili 5:9.

• Ire oma ibe ke Jisọs mè ebi melek kan̄ ebekpulu miriọọn̄ mkpọ irebe irere ebilene ni? Keke orọ ofọọkbe ikeya?

7. Ama Ubọọn̄ Awaji ikaan̄ ikan onwọnwọn ichit

Ebi mkpulu geelek ekitap ikan echi ema ekikeek ibe ke mobem mè irọ ebi ema ekikpulu oruru. Ama Ubọọn̄ Awaji si ikaan̄ ikan eyi ebi ikikpulu ebeluk igọọk. Fuk Ebi Kọrint Eyi Adasi 6:9-11, mè igbaan̄ ikpa idodo chi:

• Ike owa ke okeek ibe ke inyọn̄ yi obokup mgbọ geelek otutuuk ene ekigọọk ikan Awaji ofolek ubọk iluk ugwem?a

• Ire okeek ibe ke Jioba ikaan̄ unen iweweek ibe ebi ibeluk me Ama Ubọọn̄ kan̄ eluk egọọk ikan kan̄ ni? Keke orọ ofọọkbe ikeya?

• Keke okijeen̄ ibe ke ebi kpekiluk igọọk ikan chi mekọt inwene?—Kpọ agba eyi 11.

ME MGBIDIM

Ama Ubọọn̄ Awaji ire mkpulu ochuchubọk ikup me emen inyọn̄, eyi obokpulu otutuuk linyọn̄ yi.

Idodo

• Ire ebi owa ebekpulu me Ama Ubọọn̄ Awaji?

• Ike owa ke Ama Ubọọn̄ Awaji osa inwọn igak mkpulu eyi ebilene?

• Keke ore usini mkpọ echi Jioba oweekbe me ubọk ebi ibeluk me irak mkpulu kan̄?

WEEK

Fuk mkpọ Jisọs ojeen̄be ofolek ere Ama Ubọọn̄ Awaji okupbe.

“Is the Kingdom of God in Your Heart?” (Web article)

Keke orọ Ebi Ata-Ikọ Jioba emọnọbe igbegbe utoon̄-ejit inyi Ama Ubọọn̄ Awaji ibene igak igbegbe utoon̄-ejit inyi mkpulu ebilene?

Esa Lek Inyi Ama Ubọọn̄ Awaji (1:43)

Wọlọ kpọ inu Baibul ojeen̄be ofolek ebi 144,000, ebi Jioba ogobobe ibe egọọk Jisọs ekpulu.

“Who Go to Heaven?” (Web article)

Keke orọ ogwu enenwaan̄ ge okup me uwu mkpọn ochieekbe ijaan̄ ibe ke ire Awaji gaalek obokọt isa inyọn̄ kpunube ijo oyerebet inu?

“How I Found the Answer to Injustice” (Awake!, November 2011)

Ama Ubọọn̄ Awaji ibene ikikpulu me emen inyọn̄ me acha 1914. Ire mgbọ ya si ke ota mgbọ mkpulu ebilene obene. Ike owa ke eji esa iriọọn̄ eyi? Kpọ-nu ubọk nriran Baibul, eru ebi ene mè inu okibọkọ irek karake 1914 osa ikijeen̄ eyi.

1. Keke ke nriran Baibul okijeen̄?

Ikpa Danien ijeen̄ ibe ke Ama Ubọọn̄ Awaji ibobene ikikpulu me ota “ibot mgbọ jaaba.” (Danien 4:16, 17, kpọ agan̄ ijọn̄) Mgbọ efit efit acha orakabe, Jisọs igwen mgbọ ya si “mgbọ Awaji osun̄be ibe ebi ekarege ebi Ju ekpulu ebi Ju,” mè ijeen̄ si ibe ke mgbọ ya ikatata. (Luk 21:24) Ike eji ebemun̄, ibot mgbọ jaaba yi ita me acha 1914.

2. Kpasi eru ke ebi ene ekijeen̄, mè keke si okibọkọ irek karake 1914?

Ebi udun̄ kè Jisọs edo ọmọ ibe: “Kpasi inu ijejeen̄ ke ebesa iriọọn̄ mgbọ owu oboyaka inu mè mgbọ linyọn̄ keyi oboraka?” (Matiyu 24:3) Jisọs ifọọk ema otu sa me itutumu owuwa mkpọ echi obokibọkọ irek ọmọ isibene ikikpulu me emen inyọn̄ kubọk Ogwu Ubọọn̄ Ama Ubọọn̄ Awaji. Usini me lek mkpọ chi ire akọn̄, akan̄, mè sikisik-ijọn̄. (Fuk Matiyu 24:7) Baibul ikpa si ibe ke eru ebi ene ebekijeen̄ me “mgburudun̄ mgbọ” morọ ibe “ufialek òmimin enenen” ikup. (Timọti Eyi Òso Iba 3:1-5) Inu chi okibọkọ irek, ebi ene mekijeen̄ eru chi si, ogak ge karake 1914.

3. Keke orọ inu okpọkpọk ikisak karake Ama Ubọọn̄ Awaji obenebe ikikpulu ni?

Jisọs itim akọn̄ me lek Setan mè ebi ijo ekwukwu me emen inyọn̄ mè ikafiin̄ge eyi ikanabe Ogwu Ubọọn̄ Ama Ubọọn̄ Awaji. Jisọs itim igak Setan me akọn̄ ya. Baibul ibe: “Sa me ikeya ke elap . . . [Setan] melek ebi osat kan̄ isibi me emen inyọn̄ igwook me linyọn̄.” (Ichichili 12:9, 10, 12) Setan ikinanaan̄ ejit mije iriọọn̄be ibe ke ebefafiat ọmọ. Eya orọ, ikitap unaan̄ mè ukwook me otutuuk linyọn̄ yi. Ọmọ orọ inu okpọkpọk ikisak me linyọn̄ yi! Ama Ubọọn̄ Awaji mosan̄a otutuuk ufialek chi.

KWEEN̄ GBAALEK

4. Mfufuk Baibul itọ ubọk ifo lek 1914

FIDIO: Ama Ubọọn̄ Awaji Ibene Ikikpulu me 1914 (5:02)

Awaji irọ ibe Nebukadineja Ogwu Ubọọn̄ Babilọn ukot ikaan̄ imun̄ ilaak ge. Ilaak ya mè ibot kan̄ ike Danien okpabe, ijeen̄ ibe ke nrọ-nso kan̄ ikaan̄ mgbaan̄ me lek mkpulu Nebukadineja mè Ama Ubọọn̄ Awaji.—Fuk Danien 4:17.a

Fuk Danien 4:20-26, mè sa chart yi sa fọọk idodo chi ogọgọọk:

• (A) Keke ke Nebukadineja omun̄ me emen ilaak kan̄?​—Kpọ agba eyi 20 mè 21.

• (B) Keke oborọ uti ya?—Kpọ agba eyi 23.

• (C) Keke obobọkọ irek me ota “ibot mgbọ jaaba” ya?—Kpọ agba eyi 26.

Ubọk Ilaak Yi Osabe Ikaan̄ Mgbaan̄ Me Lek Ama Ubọọn̄ Awaji

NRIRAN (Danien 4:20-36)

Mkpulu

(A) Uti ile ge

Ema kpeyaka ikpulu

(B) “Cho uti ya to,” mè tele ibe “ibot mgbọ jaaba” iraka”

Ema miyaka ibene ikikpulu

(C) “Mêyaka ama ubọọn̄ kwun̄ inyi owu”

Me adasi nrọ-nso nriran yi . . .

• (D) Ire ekene ke uti ya okeke ichit chieen̄?—Kpọ agba eyi 22.

• (E) Kpa mgbọ ke mkpulu onan̄a ọmọ me ubọk?​—Fuk Danien 4:29-33.

• (F) Keke orọ Nebukadineja me ota “ibot mgbọ jaaba” ya?​—Fuk Danien 4:34-36.

ADASI NRỌ-NSO

Mkpulu

(D) Nebukadineja, Ogwu Ubọọn̄ Babilọn

Ema kpeyaka ikpulu

(E) Eyi 606 B.C.E. orakabe, Nebukadineja okakana iraak, ikayaka ikọt ikpulu me acha jaaba

Ema miyaka ibene ikikpulu

(F) Nebukadineja iyaka inọ lek kan̄ mè iyaka ibene ikikpulu

Me nrọ-nso nriran yi eyi oso iba . . .

• (G) Ire ebi owa ke uti ya okeke ichit chieen̄?​—Fuk Mfufuk Eyi Òso Iba 29:23.

• (H) Kpa mgbọ ke mkpulu onan̄a ema me ubọk? Ike owa ke eji esa iriọọn̄ ibe ke ema kpeyaka ibene ikikpulu me mgbọ Jisọs okupbe me inyọn̄ ijọn̄?​—Fuk Luk 21:24.

• (I) Kpa mgbọ mè ere owa ke ema eyaka ibene ikikpulu?

NRỌ-NSO EYI OSO IBA

Mkpulu

(G) Ebi ubọọn̄ Ijeren ikekeke ichit chieen̄ mkpulu Awaji

Ema kpeyaka ikpulu

(H) Mifiat Jeruselem, mkpulu onanan̄a me ubọk ebi Ijeren me mkpọ ososo obop acha iba mè efit acha go mè akọp acha iba

Ema miyaka ibene ikikpulu

(I) Jisọs ibene ikikpulu me emen inyọn̄ kubọk Ogwu Ubọọn̄ Ama Ubọọn̄ Awaji

5. Inyọn̄ yi inwene karake 1914

Fit FIDIO yi.

FIDIO: Inyọn̄ Yi Inwene Karake 1914 (1:10)

Jisọs itumu inu obokibọkọ irek me inyọn̄ ijọn̄ ọmọ isikana Ubọọn̄. Fuk Luk 21:9-11, mè igbaan̄ ikpa idodo yi:

• Eyi owa me lek inu chi ke okimun̄ mè iyaka ire ikinọ?

Ogwu ikwaan̄ Pọọlu ikpa mbet lek eru ebi ene ebekijeen̄ me ota mgbọ mkpulu ebilene. Fuk Timọti Eyi Òso Iba 3:1-5, mè igbaan̄ ikpa idodo yi:

• Eru owa me lek eru chi ke okimun̄ ebi ene ekijeen̄ me chereyi?

6. Kè mkpulu Ama Ubọọn̄ Awaji ibieen̄ eji

Fuk Matiyu 24:3, 14, mè igbaan̄ ikpa idodo chi:

• Kpasi ikwaan̄ okukup ufiak okijeen̄ ibe ke Ama Ubọọn̄ Awaji okikpulu mgbọ keyi?

• Ike owa ke obokọt isa igọọk ikaan̄ uche me lek ikwaan̄ yi?

Ama Ubọọn̄ Awaji okikpulu me mgbọ keyi, sọnja mgbọ, mobene ikikpulu inyọn̄ ijọn̄ yi. Fuk Ebi Iburu 10:24, 25, mè igbaan̄ ikpa idodo yi:

• Keke ke eji ge ge eberọ “mije eji eriọọn̄be ibe usen okaan̄-ene obonu okigbet enenen”?

ME MGBIDIM

Nriran Baibul, mfufuk, mè inu okibọkọ irek me inyọn̄ yi ikijeen̄ ibe ke Ama Ubọọn̄ Awaji okikpulu me mgbọ keyi. Eji ekijeen̄ ibe ke eji michieek eyi sa me ikekilook ata etip mè ikekisi nkween̄mkpọ ntitiin̄.

Idodo

• Keke obọkọ irek me ota ibot mgbọ jaaba etumube mkpọ ofolek me ikpa Danien?

• Keke orọ ibe ochieek ojaan̄ ibe ke Ama Ubọọn̄ Awaji ibene ikikpulu me acha 1914?

• Ike owa ke obosa ijeen̄ ibe ke ochieek ibe ke Ama Ubọọn̄ Awaji okikpulu mgbọ keyi?

WEEK

Kpọ inu ebi ikige mfufuk mè ebi ofifi ife etumube ofolek unwene obọbọkọ irek me inyọn̄ yi karake 1914.

“When Morals Declined Dramatically” (Awake!, April 2007)

Fuk ubọk nriran okup me ikpa Matiyu 24:14 osa ikaan̄ mgbaan̄ me lek ugwem ogwu enerieen̄ ge.

“I Loved Baseball More Than Anything!” (The Watchtower No. 3 2017)

Ike owa ke eji esa iriọọn̄ ibe ke nriran okup me ikpa Danien ibot 4 ikaan̄ mgbaan̄ me lek Ama Ubọọn̄ Awaji?

“When Did God’s Kingdom Begin Ruling? (Part 1)” (The Watchtower, October 1, 2014)

Keke okijeen̄ ibe ke “ibot mgbọ jaaba” etumube mkpọ ofolek me ikpa Danien ibot 4 ita me acha 1914?

“When Did God’s Kingdom Begin Ruling? (Part 2)” (The Watchtower, November 1, 2014)

Ama Ubọọn̄ Awaji okikpulu mgbọ keyi. Sọnja mgbọ, morọ atalek unwene me inyọn̄ ijọn̄ yi. Kè eji ekpa-nu usini ata mkpọ eji ekikpọ chieen̄ inwọnwọọn̄ me Ama Ubọọn̄ Awaji.

1. Ike owa ke Ama Ubọọn̄ Awaji obosa esuuk mè unen oyerebet inu me inyọn̄ ijọn̄ yi?

Jisọs Ogwu Ubọọn̄ Ama Ubọọn̄ Awaji, mojijaka mkpulu ebilene mè ebi mkpikpak me akọn̄ Amagedọn. (Ichichili 16:14, 16) Me mgbọ ya, nriran Baibul eyi obe ke “sọntiik mgbọ, ebi ikpak kpebeyaka ikup,” morọ iso me ojot ojot. (Okwa Itọn̄ 37:10) Inan̄a me lek Ama Ubọọn̄ Awaji, Jisọs momun̄ ijaan̄ ibe ke esuuk mè unen oyerebet ijot inyọn̄ ijọn̄ yi.—Fuk Asaya 11:4.

2. Ugwem ibokukup mgbọ nkeek Awaji isirọ iso me inyọn̄ ijọn̄ yi?

Me irak mkpulu Ama Ubọọn̄ Awaji, “ebi ata irọrọ ebekaan̄ ijọn̄ me ìrot, mè iluk me lek ijọn̄ ya ire mgbọ geelek.” (Okwa Itọn̄ 37:29) Keek-nu ubọk ibokup iluluk me inyọn̄ ere otutuuk ene erebe ebi ata irọrọ, mè ebi imama Jioba mè ge ge si! Kpunu ogwu obofiak orukan̄, otutuuk ene meluk ire mgbọ geelek.

3. Keke ke Ama Ubọọn̄ Awaji oborọ isijijaka ebi mkpikpak isan̄a?

Esijijaka ebi mkpikpak isan̄a, Jisọs mokpulu kubọk Ogwu Ubọọn̄ me obop acha ge. Me mgbọ ya, ọmọ mè efit mè akọp obop ene ini mè obop ini (144,000) ibegọọk ọmọ ikpulu metap ubọk irọ ibe ebilene eso ekup mè ekakaan̄ ijo geege me emen. Obop acha ge ya isita, inyọn̄ ijọn̄ yi mokana ujuja paradais. Ebi ikibele ejit mè ikisiki ibọt inyi Jioba ebeluk me emen. Jisọs moneniyaka mkpulu ya inyi Jioba Ogwu Ute. Mgbọ ya, ke Jioba obochubọk isun̄ “erieen̄ [kan̄] me mbuban.” (Matiyu 6:9, 10) Mgbọ ya, otutuuk ene meriọọn̄ ibe ke Jioba ire ata Ogwu Mkpulu okikpọ chieen̄ me lek ebi ikikpulu. Jioba monenijijaka Setan, ebi ijo ekwukwu, mè ebi geelek inyenye ibọt inyi mkpulu Kan̄. (Ichichili 20:7-10) Ata inu geelek Ama Ubọọn̄ Awaji orọbe ibokukup ire mgbọ geelek.

KWEEN̄ GBAALEK

4. Ama Ubọọn̄ Awaji mojijaka mkpulu ebilene

Ebi ene ebi ikakaan̄ unye mikitap unan me lek ebi ofifi ife. (Ogwu Etip 8:9) Jioba mosa Ama Ubọọn̄ kan̄ ineen̄ ufialek yi isun̄.

Fuk Danien 2:44 mè Ebi Teselonaika Eyi Òso Iba 1:6-8, mè igbaan̄ ikpa idodo chi:

• Keke ke Jioba mè ogwu Gwun̄, Jisọs, eberọ mkpulu ebilene mè ebi ikibieen̄ ema inye?

• Ike owa ke inu okween̄be ofolek Jioba mè Jisọs osa irọ ibe ochieek ojaan̄ ibe ke inu ema eberọ ibotatat?

5. Jisọs ore Ogwu Ubọọn̄ onwọnwọn ichit

Kubọk Ogwu Ubọọn̄ Ama Ubọọn̄ Awaji, Jisọs morọ owuwa mkpọ isasa irọ ebi ọmọ okikpulu me inyọn̄ ijọn̄ yi oruru. Fit Fidio yi inyi omun̄ ubọk Jisọs osabe ijeen̄ ibe ke ọmọ ikaan̄ unye onan̄a me ubọk Awaji mè ulọk isasa itap ubọk inyi ebilene.

FIDIO: Jisọs Ijeen Inu Ama Ubọọn̄ Awaji Oborọ (1:13)

Mgbọ ikupbe me inyọn̄ ijọn̄, Jisọs irọ usini me lek inu echi Ama Ubọọn̄ Awaji oborọ iso. Kpasi ugbana me lek echi egebe me ere yi ke obochubọk ima imumun̄ nrọ-nso kan̄? Fuk ere Baibul chi inyi okween̄ ogbaalek inu ofolek ugbana chi.

6. Ama Ubọọn̄ Awaji morọ ibe mgbọ okup me isi kiji inwọn

FIDIO: Usini Me Lek Ata Mkpọ Oborọ Me Mgbọ Okup Me Isi (4:38)

Fuk Okwa Itọn̄ 145:16, mè igbaan̄ ikpa idodo yi:

• Ike owa ke ikup owu me lek irọriọọn̄ ibe ke Jioba moche “uche òjot òjot inyi inu geelek okaan̄ ugwem ubọk iweekbe” ni?

ME MGBIDIM

Ama Ubọọn̄ Awaji morọ nkeek Awaji iso. Morọ ibe otutuuk inyọn̄ ijọn̄ yi ikana paradais, ere ebi ata irọrọ ebeluk ijot mè ikitọbọ ebum inyi Jioba ire mgbọ geelek.

Idodo

• Ike owa ke Ama Ubọọn̄ Awaji oborọ ibe erieen̄ Jioba ikup me mbuban?

• Keke orọ eji ebechieek ibe ke Ama Ubọọn̄ Awaji morọ otutuuk use okup me emen Baibul iso?

• Me lek otutuuk inu echi Ama Ubọọn̄ Awaji oborọ, eyi owa ke okikpọ chieen̄ inwọnwọọn̄?

WEEK

Kween̄ mkpọ Amagedọn ochubọk ire.

“What Is the Battle of Armageddon?” (Web article)

Fuk mkpọ obobọkọ irek me mgbọ Jisọs ogwenbe mgbọ “ikpele ujaralek.”—Matiyu 24:21.

“What Is the Great Tribulation?” (Web article)

Kpọ ubọk ebi ototun̄ ukan̄ ebesa ikigbaan̄ igwu nkeek ikom me lek ugbana echi Ama Ubọọn̄ Awaji obosa inu.

Kimun̄ Lek Kwun̄ Me Paradais (1:50)

Me ibot usem obe “I Was Troubled by Many Questions,” kween̄ ubọk ogwu enerieen̄ ge okinye ibot inyi ebi mkpulu osabe imun̄ inu ikiweek.

“The Bible Changes Lives” (The Watchtower, January 1, 2012)