Ire Mbem Lek?
Ire Mbem Lek Igọgọọk Ntitiin̄ Ikilook Ata Etip Ni?
Omokọt ibem lek irere ogwu okilook ata etip ikakaan̄ge ntap-me-mun̄ ire . . .
Okikween̄ Baibul mgbọ geelek, ikiriaak uriaak, mè ikisi nkween̄mkpọ ntitiin̄.
Oma mè ichieek me lek inu okikween̄ mè ikikpa inyi ebi ofifi ife.
Oma Jioba mè igobo ebi imama ọmọ kubọk ebi unene kwun̄.
Osan̄a lek kwun̄ isan̄a me lek otutuuk ogbo mkpulu mè iyaka ire ataak uwu uriaak.
Ikiluk igọọk onineen̄ Jioba mè iweek irere ge me lek Ebi Ata-Ikọ Jioba.
Ire okikeek ibe ke obem lek igọgọọk ntitiin̄ ikilook ata etip, ogwu melek kwun̄ ekikween̄ Baibul moneen̄ ibe omun̄ lek ebi ugane ntitiin̄ inyi ekpa melek kwun̄ inu obokọt irọ isasa imin isoon̄.
Ire Mbem Lek Ikakaan̄ Ntap-Me-Mun̄ Ni?
Omokọt ibem lek ikakaan̄ ntap-me-mun̄ ire . . .
Ore ogwu okilook ata etip ikakaan̄ge ntap-me-mun̄.
Okitap efuuk ikilook ata etip mgbọ geelek.
Okibieen̄ inye mè ikigọọk ntọ-ubọk usun̄ ‘ogbegbe utoon̄-ejit mè iriọọn̄-inu.’—Matiyu 24:45-47.
Osa lek kwun̄ inyi Jioba me uriaak mè iweek itọtọbọ ebum inyi ọmọ ire mgbọ geelek.
Ire okeek ibe ke obem lek ikakaan̄ ntap-me-mun̄, ogwu okigọọk owu ikween̄ Baibul moneen̄ ibe omun̄ lek ebi ugane ntitiin̄ inyi ekpa melek kwun̄ inu obokọt irọ isasa imin isoon̄.