INU NKWEEN̄ 12

Keke Obotap Ubọk Inyi Owu Okọt Okweek Onye Okokween̄ Baibul?

Printed Edition

Ikwekween̄ Baibul ikisibi oruru inyi ene, ire, ikakimalek ifet. Usini mgbọ, omokọt ikikeek mè ire omokọt ikup inye ikikween̄ Baibul sa ire okpokọt. Keke orọ igbebe ibe otap efuuk okokween̄ Baibul? Keke obotap ubọk inyi owu okọt okweek onye ikerere ibe ke ikafet?

1. Keke orọ ikupbe ufiak ibe ekekween̄ Baibul?

“Ikọ Awaji ìre ikọ òkup me ugwem, mè ikaan̄ unye.” (Ebi Iburu 4:12) Baibul ikup ufiak bak me lek ikpọk mbum nkeek Awaji mè ubọk ikebimun̄ owu. Baibul ikakpọkpọk ikijeen̄ owu inu, ikinyi owu ata iriọọn̄-inu mè ikpọchieen̄. Eyi ogak otutuuk, Baibul motap ubọk inyi owu okana ogwu unene Jioba. Osikikween̄ Baibul mè ikirọ inu itumube, unye kan̄ mokaan̄ ata mgbaan̄ me ugwem kwun̄.

2. Keke orọ igbebe ibe oriọọn̄ ubọk atikọ Baibul okupbe ufiak ire?

Atikọ okup me emen Baibul ibet lek inu unye otu ewe. Eya orọ Baibul otumube ibe: “Lep atikọ kaan̄, mè kanyam.” (Urọk 23:23) Ire eji isun̄ ubọk atikọ Baibul osabe inye otu ewe ire me ejit kiji, eji metap efuuk ikikween̄—ikerere me mgbọ eji ekichichini ufialek.—Fuk Urọk 2:4, 5.

3. Kpa ubọk ke Jioba obosa itap ubọk inyi owu okọt okweek onye okokween̄ Baibul?

Kubọk ogwu obebene ichit, Ogwu Orom mè Ogwu Unene kwun̄, Jioba iweek itatap ubọk inyi owu okween̄ mkpọ ofolek kan̄. Ọmọ mokọt ‘inyi owu unye mè ulọk isasa irọ’ eyi. (Fuk Ebi Filipai 2:13.) Eya orọ, ire oweek ntap-ubọk inyi okọt okween̄ mkpọ mè iyaka ire otap mkpọ okween̄be me ikwaan̄, ọmọ motap ubọk inyi owu. Ire oweek ibe itap ubọk inyi owu okọt otim ogak ufialek mè iyaka ire ukeme, motap ubọk inyi owu si. Kibeek uriaak mgbọ geelek ibe Jioba itap ubọk inyi owu okọt okweek onye okokween̄ Baibul.—Ebi Teselonaika Eyi Adasi 5:17.

KWEEN̄ GBAALEK

Kween̄ ubọk obosa ikup inye ikikween̄ Baibul ikerere ibe ke okakikaan̄ mgbọ mè iyaka ire ebi ene ekikeke ikeme owu. Mè kpọ-nu ubọk Jioba obosa itap ubọk inyi owu otet lek onye okokween̄.

4. Mọnọ nkween̄mkpọ Baibul kwun̄ sun̄ ufiak

Usini mgbọ, eji mekọt ikikeek ibe ke eji kpebekọt isan̄a mgbọ isibi isa ikikween̄ Baibul bak me lek eji ekaan̄be owuwa mkpọ eji ekirọ. Keke obokọt itap ubọk inyi eji ni? Fuk Ebi Filipai 1:10, mè igbaan̄ ikpa idodo chi:

Me nkeek kwun̄, keke ore usini me lek ‘inu echi okukup ufiak ichit’ me ugwem?
Ike owa ke obosa imọnọ nkween̄mkpọ Baibul kwun̄ kubọk inu okukup ufiak?

A. Collage: Ogugo okijeen̄ ubọk ekitap ewuuk mè achiaan̄ me emen bucket. 1. Achiaan̄ mè ikpele ewuuk etitiin̄be iyik. 2. Bucket egwookbe achiaan̄ me emen igbet otu kan̄. 3. Ikpele ewuuk cha ikup me inyọn̄ achiaan̄ mè ikigbuku igwook me ijon̄.

B. Collage: 1. Achiaan̄ mè ikpele ewuuk yaage etitiin̄be iyik. 2. Bucket yaage eteen̄be ikpele ewuuk cha itap me emen igbet otu kan̄. 3. Achiaan̄ igọọk ikpele ewuuk inin̄ emen bucket ya ire otu kan. Sọntitiik achiaan̄ gaalek osik me ijọn̄.

Ire ogwook achiaan̄ me emen mkpọ, mè iteen̄ ewuuk itoon̄ me inyọn̄, ewuuk cha ikponin̄ ijaan̄
Ire odasi itap ewuuk cha, omokọt igwook owuwa achiaan̄ igbaalek. Ikeya si, ire osun̄ ‘inu echi okukup ufiak ichit’ kubọk adasi inu me ugwem kwun̄, omokọt irọ inu cha mè ikaan̄ mgbọ si isasa irọ ofifi ofifi mkpọ

Ikwekween̄ Baibul ikinyi eji irek isasa ikpọ chieen̄ me lek ufiak emen ekwukwu kiji—orere ufiak irọriọọn̄ mè itọtọbọ ebum inyi Awaji. Fuk Matiyu 5:3, mè igbaan̄ ikpa idodo yi:

Kpasi oruru ke eji ebekaan̄ mè ire eji imọnọ nkween̄mkpọ Baibul isun̄ ufiak?

5. Kweek nye ikerere me isi ukeme

Usini mgbọ, ebi ene mekọt ikitap owu uwọ-lek inyi otele ikwekween̄ Baibul. Kpọ-nu inu orọrọ Francesco. Fit FIDIO yi, mè igbaan̄ ikpa idodo chi ogọgọọk.

FIDIO: Mkpukpe Onan̄a Me Lek Itetet Lek Inye (5:22)

Usini me lek inu ejeen̄be me fidio ‘Mkpukpe Onan̄a me lek Itetet lek Inye.’ Francesco ikije inan̄a me etete ebi unene kan̄ me mgbọ itumube inyi ema ibe ke ọmọ ikpoyaka igọọk ema ikije.

Me emen fidio yi, keke ke ebi unene Francesco mè nga kan̄ erọ mgbọ itumube mkpọ ikebikween̄ inyi ema?
Kpasi mkpukpe ke ikaan̄ bak me lek itetbe lek inye?

Fuk Timọti Eyi Òso Iba 2:24, 25, mè igbaan̄ ikpa idodo chi:

Ebi ototun̄ ukan̄ melek ebi unene kwun̄ ekimumun̄ nkween̄mkpọ kwun̄?
Igọọk me lek ere Baibul yi, eru owa ogbe ibe ojeen̄ ire ene ikabele ejit me lek kwun̄ bak lek okebikween̄ Baibul? Keke orọ oborọ ikeya?

6. Yaka lek maan̄ me lek Jioba ibe itap ubọk inyi owu

Ike eji ekitaba lek iriaak me lek Jioba, ikeya ke ulọk eji ekaan̄be irọrọ inu obokineme ọmọ obokimin. Ire, usini mgbọ, mokọt ikiyọt eji me lek irọrọ unwene me ugwem kiji inyi eji ekọt eluk egọọk onineen̄ kan̄. Ire inu okup ikeya irọ owu, kawọ lek. Jioba motap ubọk inyi owu. Fit FIDIO yi, mè igbaan̄ ikpa idodo chi ogọgọọk.

FIDIO: Jioba Otap Ubọk Inyi Eji Ekọt Erọ Unwene (3:56)

Me emen fidio yi, kpasi unwene ke Jim orọ inyi ikọt irọ inu Jioba oweekbe?
Keke ke oma me lek ukpatu kan̄?

Fuk Ebi Iburu 11:6, mè igbaan̄ ikpa idodo chi:

Keke ke Jioba oborọ inyi “ebi geelek ìkisa otutuuk ejit iweek ọmọ”—orere, ebi ikitap efuuk ikween̄ mkpọ ofolek kan̄ mè ikirọ inu iweekbe?
Keke ke eyi okijeen̄ owu ofolek ubọk ikikup me lek Jioba isikimun̄ efuuk okitap ikwekween̄ Baibul?

IRE ENE IDO IBE: “Keke orọ okikween̄ Baibul?”

Keke ke obofọọk?

ME MGBIDIM

Ikerere ibe ke ikakifet mgbọ geelek ikwekween̄, Baibul mokọt itap ubọk inyi owu onwọọn̄ ugwem ore mgbọ geelek. Kup nye kiyaka lek maan̄ me lek Jioba, ke mokpe owu mkpukpe.

Idodo

Keke orọ omọnọbe atikọ Baibul kubọk inu unye otu ewe?
Kpa ubọk ke obosa imun̄ ibe ke okakirọ ‘inu echi okukup ufiak ichit’?
Keke orọ obobeek Jioba ibe itap ubọk inyi owu okweek onye okokween̄ Baibul?

Usen nkween̄be inu nkween̄ yi isan̄a:

Inu Obokọt Irọ

Kup nye kikaan̄ nkween̄mkpọ Baibul kwun̄ ikerere mgbọ ge me nde. Ire okakọt ikween̄ me mgbọ enyi ewuukbe lek ikikween̄, sa mè kọt san̄a ofifi mgbọ sibi sa kween̄ mkpọ.

Ofifi si:

Your other goal

WEEK

Kpọ mkpọ ini otatap ubọk inyi owuwa ene ekọt ekesa mgbọ kiban̄ erọ inu me oniin̄ okijeen̄ iriọọn̄-inu.

“How to Invest Your Time Wisely” (Awake!, February 2014)

Taba iman̄ me lek ubọk Jioba osabe itap ubọk inyi ogwu enenwaan̄ ge ogwu, ogwu olom ikabọkọbe efuuk ikitap mè irọrọ inu okineme Awaji itap.

Jioba Ikinyi Eji Unye Isasa Ibeme Akpan Kiji (5:05)

Kpọ-nu oruru ogwu enerieen̄ ge okaan̄be bak me lek nwa kan̄ okupbe inye ikikween̄ Baibul.

Ntọ Atikọ Ikpọ (6:30)

Usini mgbọ, ebi ene ekitumu ibe ke ebi Ata-Ikọ Jioba ekifiat ototun̄ ukan̄. Ire, ikọ ya ire atikọ ni?

“Do Jehovah’s Witnesses Break Up Families or Build Them Up?” (Web article)