INU NKWEEN̄ 45

Mkpọ Ekamọnọge Agan̄ Osibibe

Printed Edition

Jisọs ijeen̄ ibe ke ebi udun̄ kan̄ “kpere ebi linyọn̄.” (Jọn 15:19) Eyi isibi ibe ke ema kpebekimọnọ agan̄ me lek rumurumun̄ mkpulu linyọn̄ yi mè akọn̄. Me atikọ, irọrọ eyi ikakifet usini mgbọ. Mekọt ikisa eji irọ mkpọ ochak. Ike owa ke eji ebesa ijit imọmọnọ agan̄ mè ikup inye ikigbe utoon̄-ejit inyi Jioba ni?

1. Ike owa ke ata ebi eyi Karais ekimun̄ mkpulu ebilene?

Ebi eyi Karais ekijejeen̄ ulibi inyi mkpulu. Eji ekisa “inu ogwu Sisa ìnyi ogwu Sisa” ike Jisọs otumube—eyi orere, eji ekisiki ibot inyi ikan ido, kubọk ikan ikpekpe otitip ido. (Mak 12:17) Baibul ijeen̄ ibe ke mkpulu ebilene ikikpulu mije, Jioba otele ibe ema ekekpulu. (Ebi Rom 13:1) Eya orọ, eji miriọọn̄ ibe ke mkpulu ebilene ikaan̄ ere unye kiban̄ oyakabe. Eji ekikpọ chieen̄ me lek Awaji kiji mè mkpulu kan̄ ibe inisan̄a otutuuk ufialek ebilene isan̄a.

2. Ike owa ke eji ebesa ijeen̄ ibe ke eji kpemọnọ agan̄?

Kubọk Jisọs, eji kpekitap lek me lek rumurumun̄ mkpulu. Mgbọ ebi ene emun̄be inu ukechieen̄ Jisọs orọbe mè iweek isasa ọmọ irọ ogwu ubọọn̄ kiban̄, Jisọs ikachieek inyi ema. (Jọn 6:15) Bak me lek keke ni? Mije inu itumube, ibe: “Ogboon̄ ubọọn̄ n̄a ìkare eyi linyọn̄ keyi.” (Jọn 18:36) Kubọk ebi udun̄ kan̄, eji ekijeen̄ ibe ke eji kpemọnọ agan̄ me owuwa oniin̄. Kubọk inu njeen̄, eji kpekisi akọn̄. (Fuk Maika 4:3.) Eji mikaan̄ ulibi me lek mkpọ okeke ichit chieen̄ ido—kubọk egop—ire, eji kpekitọbọ ebum inyi mkpọ cha. (Jọn Eyi Adasi 5:21) Eji kpekimọnọ agan̄ mè iyaka ire ikeke ikeme ogbo mkpulu mè iyaka ire ogwu ekikeme ubọk inyi si. Me oniin̄ chi mè ofifi ofifi oniin̄, eji ekijeen̄ ibe ke eji ekup inyi mkpulu Awaji gaalek, orere, Ama Ubọọn̄ Kan̄.

KWEEN̄ GBAALEK

Kpọ-nu usini irek echi obokọt itọ ekamọnọge agan̄ kiji ikpọ, mè kpọ ubọk obosa irọ ntumu-mfieek oboneme Jioba.

Ogwu enerieen̄ ikamọnọge agan̄. Ikagban̄ ike ebi ikiweek irek mkpulu ekikpa usem inyi ebi ene.

3. Ata ebi eyi Karais kpekimọnọ agan̄

Jisọs mè ebi udun̄ kan̄ mijeen̄ eji ata akpat ukot. Fuk Ebi Rom 13:1, 5-7 mè Pita Eyi Adasi 2:13, 14. Mè fit FIDIO yi mè igbaan̄ ikpa idodo chi ogọgọọk.

FIDIO: Ata Ebi Eyi Karais Kpekimọnọ Agan̄—Okpọkọ 1 (4:28)

Keke orọ eji ebekijeen̄ ulibi inyi ebi mkpulu?
Oniin̄ echi owa ke eji ebesa ikisiki ibot inyi ema?

Me mgbọ akọn̄, usini ido ekibe ke ema kpemọnọ agan̄, ire, ema mikitap ubọk inyi agan̄ iba cha ikitim akọn̄ ya. Keke ke ekamọnọge agan̄ ochubọk isibi? Fuk Jọn 17:16. Mè fit FIDIO yi mè igbaan̄ ikpa idodo yi ogọgọọk.

FIDIO: Ata Ebi Eyi Karais Kpekimọnọ Agan̄—Okpọkọ 2 (3:11)

Keke ke ekamọnọge agan̄ ochubọk isibi?

Ire ebi mkpulu iweek ibe orọ inu ojeje ikeme ikan Awaji ye? Fuk Ikwaan̄ 5:28, 29. Mè fit FIDIO yi mè igbaan̄ ikpa idodo chi ogọgọọk.

FIDIO: Ata Ebi Eyi Karais Kpekimọnọ Agan̄—Okpọkọ 3 (1:18)

Ire ikan ebilene ije ikeme ikan Awaji, ikan ekene ke eji ebesiki ibot inyi?
Ire omokọt ikeek mgbọ ebi eyi Karais kpebesiki ibot inyi ebi mkpulu ni?

4. Kamọnọ agan̄ me ekiket kwun̄ mè irọrọ kwun̄

Fuk Jọn Eyi Adasi 5:21. Mè fit FIDIO yi mè igbaan̄ ikpa idodo chi ogọgọọk.

FIDIO: Inu Orọrọ Ata Ebi Eyi Karais Eweek Ntet Lek Nnye—Me Ekakaan̄ge Agan̄ (2:49)

Me emen fidio ya, keke orọ Ayenge otumube ifieek ibe ke ọmọ ikpobogobo ogbo mkpulu geege mè iyaka ire itap lek me lek inu ekisa imin ido, kubọk itọtọp egop amọn ni?
Ire okeek ibe ke irọ ata ntumu-mfieek ni?

Ofifi irek echi owa obokọt itọ ekamọnọge agan̄ kiji ikpọ? Fit FIDIO yi, mè igbaan̄ ikpa idodo chi ogọgọọk.

FIDIO: Inu Ekween̄be Inan̄a Me Emen Watchtower—Ekamọnọge Agan̄ me Inyọn̄ Ocheche Lek (5:16)

Ike owa ke eji kpebesa imọnọ agan̄ me mgbọ esese esese ido ekifit ifit?
Ike owa ke eji kpebesa imọnọ agan̄ ikerere me mgbọ ntumu-mfieek ebi mkpulu okaan̄be mgbaan̄ me lek kiji?
Ike owa ke inu eji ekinọ me ere ekibọkọ etip, mè ebi unene kiji obosa ikaan̄ mgbaan̄ me lek ekamọnọge agan̄ kiji?

Ogugo: 1. Urum ebi ikinaan̄ ejit ikigbini unen kiban̄. 2. Ogwu enerieen̄ okitaan̄ ukpo mè itet egop me ere ekifit ifit. 3. Ogwu uwu ikpa okikọt okwa ido. 4. Ogwu akọn̄ okaan̄ agbirin me ubọk. 5. Ene iba ikiweek irek mkpulu, ikikpa inu ema eberọ. 6. Ogwu enenwaan̄ okitap ikpa isabe ikeme ubọk me emen okop. — Me irek echi owa ke ogwu eyi Karais obosa ijeen̄ ibe ke ọmọ ikamọnọ agan̄ me ekiket mè irọrọ kan̄?

IRE ENE IDO IBE: “Keke orọ enyi kpekitọp egop amọn mè iyaka ire ikọt okwa ido?”

Obofọfọọk?

ME MGBIDIM

Ebi eyi Karais ekitatap efuuk inyi ema ekamọnọ agan̄ me lek rumurumun̄ mkpulu me ekiket, usem, mè irọrọ kiban̄.

Idodo

Keke ke eji eberọ inyi ebi mkpulu?
Keke orọ eji kpekimọnọ agan̄ me lek rumurumun̄ mkpulu?
Irek echi owa obokọt itọ ekamọnọge agan̄ kiji ikpọ?

Usen nkween̄be inu nkween̄ yi isan̄a:

Inu Obokọt Irọ

Keek-nu irek ge eyi obokọt itọ ekamọnọge agan̄ kwun̄ ikpọ, mè sa ata mgbọ tumu fieek inu oborọ.

Ofifi si:

Your other goal

WEEK

Kpasi ngwugwa ke eji ebekọt igwa inyi eji ekamọnọ agan̄?

Jioba Ikawuwuuk Lek Itọbọ Eji Ilọ (3:14)

Keke ke ebi ototun̄ ukan̄ eberọ isasa ineen̄ lek me ata mgbọ iban inu echi obokọt itọ ekamọnọge agan̄ kiban̄ ikpọ?

Ekamọnọge Agan̄ Me Ere Orirọ (4:25)

Keke orọ ibebem ido ene ikare inu omimin ichit ene obokọt irọ?

“Inu Geelek Ikup Mfufet Me Lek Awaji” (5:19)

Kween̄ ubọk okpobore okpọkọ ge me lek inyọn̄ yi mgbọ okirọ ntumu-mfieek ofolek ikwaan̄ obosi.

“Each One Will Carry His Own Load” (The Watchtower, March 15, 2006)