Mateo
3 Ey awi, ari ɉirgakʉ Olivos ayʉn saʼ nareʼri, akʉriwiʉya ɉina mʉráy winnaʼnáyuri eyméy winaʼzasisana: «Bin zariri eméy zanʉngwa nanʉnno, awiri mʉchéy nʉnʉnin niweʼzari awiri duzanuʼ nari zwein nuga neykari, kʉchonʉngwa bin kauʼ ni meʼzʉn awkwasi, azi zanʉngwa nanʉnno». 6 Míwiri ʉnkapari zʉnin aya aʼnoʼkwa awʉngwa ni. Jarin, ʉngasuʼ nánʉkwa. Émari zʉn awʉngwa ni; ey ʉweʼki, eyki akowna neki zanuʼgwi nanʉngwa ni. 7 Powru iʼngeygwi pówrusin ʉnkapari zanʉngwa ni awiri sakuku iʼngeygwi sakúkusin ʉnkapari zariri, mari zanamʉ zari awiri yamʉn yamʉn kaʼmʉnsa zanʉngwa ni. 9 »Ey unigeʼri miweʼwákuma awiri miwigwaʼka ukumʉngwa ni, ey awi nʉzaʼkinuga kawi pinna oʼ miwinhaʼzanʉngwa ni. 11 Sʉmʉ profeta rigásʉya kwakumi sʉmʉ ikʉ ʉnkʉreʼbesʉngwaʼsa awʉngwa ni 12 Awiri umʉngwi du zanu’ nanámʉsin riguzʉn awkwa neykari, kʉ zanika awʉngwa ni. 14 Ey awi, duna gaʼkʉnamʉ Sakuku Reʼgukʉngwa sí kaʼgʉ́mʉseʼ tʉgʉnsa akwʉn nugáy pinnaseʼ agʉnchona awʉngwasi wasey ukumʉngwa ni, ey unigeʼri, akowna anichona awʉngwa ni. 21 Chʉwi zanámʉri o aʼzanika awʉngwa ni. Kaʼgʉmʉ kwakumayeʼ pari zanuʼ nʉnʉkin, chʉwi zanámʉri o aʼzanika awʉngwa ni, ey anunáyuri, eygwi eyméy neki ʉnzanuʼ nʉngwa ni. 22 Ey ʉwameʼ, eyméy zanʉngwa neykari mʉnʉ́ kʉchonuʼ nanʉndi, iʼngwi kineki ʉnkuʼkʉchʉ nanʉnno; ey ʉweʼki, Niwipawseʼ ikʉ ʉnkaʼguka unameʼ kʉchwi, mʉnʉgwi kʉzagi awʉngwa nanʉnno. 37 Cheyrwa Zʉgʉmʉsinʉ nakʉnge’ri, Noé kwaye zʉnnaygwi zanʉngwa ni. 38 Kaʼseʼ Ɉe koʼ zaniku’ kingwi nare’ri, íkʉri zamʉ gey, agʉkweyna aʼgi, cheyrwari ʉnkachwi nisi awiri amiari ʉnkachi nikʉngwasi weʼkumigwi nenʉn zʉnna ey awi, Noeri kʉnowwase’ ʉnchona uye neki, eyméy zʉ’n dinikʉn nuʼna. 39 awiri winno’ku’ narin ey awi, ɉe’seʼ yow ɉinʉ winʉkʉwicha uyʉn. Ey ʉwameʼ, Cheyrwa Zʉgʉmʉsinʉ nakʉnge’ri, akingwi zanʉngwa ni. 44 Ey ʉwameʼ, iawakʉn nukuʼ nʉngeʼ yumena bin zari neki cheyrwa zʉgʉmʉsinʉ naka awʉngwa nameʼ, miwi ayeygwi rinhaɉa awaki núkʉkwa. 45 Gunamʉ keykumanʉʼkin nisi chow riwʉna, apawseʼ ʉnkaʼgusi urákʉseʼ niʼkʉya neyka zamʉ gugin zari aʼkawa awʉngwari, ínʉri nʉnno. 46 ¡Ima gunámʉri apáw ʉnnaka unigeʼri, eyméy nikʉn nukʉndi, aziri zeyzey aʼzʉnniko! 47 Inʉ yow kʉnari ʉwa neyka du kʉchwʉngwasi ʉnkaʼguka awʉngwa nanʉnno.