1 Timoteo

6 Ey awi, Niwipáw kaʼmʉkanʉnʉngwa meʼzari inʉ niwikʉnari ʉwa neykasin zeyzey meʼzanʉkwari anʉnkʉmʉkana una kauʼ nʉnno. 7 Emi kaʼseʼri inʉ unaka kwa inʉ ʉnkuzoya awkwa nanuʼ nanʉngwa ni. 8 Ey ʉweʼri, zamʉ awiri mʉkʉ ey mikʉnanʉnkinkiri ayásinri zeyzey zʉʼn meʼzanʉnko. 9 Ey ʉweʼki, nówmʉsinʉ nari zwein nʉngwa aʼzʉnari inʉ aguzʉnameʼ si kaʼpana awʉngwa ni, awiri du kauʼ ni aʼzʉneki inʉ sʉmʉ nʉkʉnanʉngwa aʼzari, chʉwi aʼzari inʉ anʉkʉnanuʼgwi nari anʉnkaʼmʉkanuʼ nʉnna kawi anʉkʉchona awʉngwa ni. 10 Ey ʉwameʼ, ɉwi sʉmʉ miguzanika awkwari, du nanuʼ neyka zʉkʉtʉ neyka ni. Awiri kwákʉchʉ deʼkusʉnʉngwa aʼzari, iʼngwiri ta naʼnó meʼzánʉkwa kizátikuma awiri sʉmʉ chʉwi deʼkusa awaki nuga ni. 20 Timoteo, bunsi kawa waʼmʉ isi waseykumʉya awiri «ta nʉnáy» kawi wazoya neykaseʼ du rinhaʼchwi, inʉ mikʉchúkuma una neyka du chukwa.