Hebreos

4 Ʉnkachwi nisi zweykwa neykari chow ʉnkaʼchwi zweykwa awiri ínʉseʼ kineki waʼmʉ ipasuʼ nánʉkwa, Niwipawri iʼngéygwisin, iʼngéygwisin akwasi zori tinku nisi zoyari kʉreʼguka awʉngwa ni. 5 Kwey zweykwáʼbari ɉwi miguzʉna chwizʉnhasuʼ nánʉkwa, awiri inʉ miwikʉnanʉn nugasin zeyzey meʼzánʉkwa. Ari eymí yeyka nameʼ: «Áykʉnʉ mikʉnika neki auʼ nariri michusuʼ nanʉngwa ni». 6 Ey ʉweʼri tanʉ meʼzari eméy yʉkwéy naʼnʉnno: «Jeuwá nʉngunámʉsʉya neyka ni. Chowchow nʉkʉnakuʼ nʉngwa ni. Íkʉri aziri nʉnhawkwéy kʉnanʉnno». 7 Du miwikʉreʼgusiri Niwipáw zʉgaʼkʉnamʉ miwikʉwasey zwein nuga rigʉnchunhasa kinki awkwa, ey awiri, du nari zwein nʉngwa aʼzʉna neyka awiri ta naʼnó aʼzʉna sí du sekʉnariri akingwi níkʉkwa. 14 emaʼba powru ey kinki kwʉn nuga niwikʉnanuʼ neyka ni ayumeka nakʉngwa neyka neyka sí takʉnʉngwa niweʼzʉna ni. 17 Miwikʉreʼgukʉn nugari, du miwichwʉn nusiri míwizey nari aʼzasíkuma awʉngwa nameʼ, zeyzey meʼzari ʉnkaʼnoʼkʉnʉngwa meʼzánʉkwa. Eméy nari ínʉri awkwa nʉkauʼ no aʼzanuʼ nari zeyzey winaʼzari awʉngwa ni, eméy auʼ nanʉndi, wamʉ miwikʉnika awízʉna nanʉnno. 18 Níwizey nari gwamʉ sisʉn núkʉkwa anugwéseʼri du aʼnikuʼ narin neki niweʼzanuʼ ni, ey ʉweʼri, be neki nʉnʉkin nikʉnʉngwa niweʼzʉna ni.