Hebreos

11 Ta nanó meʼzanʉkwari ínʉri eyméy zʉʼn awʉngwa nanʉnno meʼzánʉkwa neyka ey awga ni, ímari inʉ chuʼ ne nanʉnki ayéy ʉnchona awʉngwa nanʉnno meʼzánʉkwa ni. 6 Ta naʼnó meʼzanuʼ nanʉndi, Niwipáw zeyzey ʉnkaʼkusuʼ nánʉkwa nanʉngwa ni, awiri Niwipáw mʉchéy kʉnika ʉwari ari kwʉyáy naʼnó aʼzariri a tasi kaʼmʉkanʉn nugari aseʼri igunámʉsa awʉngwa nanʉnno meʼzanamʉ kawa ni. 8 Abrahanri ta naʼnó aʼzʉnameʼ kakana uyeʼri ayéy noʼsi anachori herencia nari ipanʉngwekʉ zoya una. Imekʉ zwein nuʼkwin aʼzanuʼ nareʼki aʼchori zoya una. 10 Ey ʉweʼri ari powru kʉtʉ aʼnusi neyka ʉnkiwaʼkʉn nusin, imari Niwipawseʼ eméy kawʉngwa aʼzari gowna neyka. 11 Sara ta naʼnó aʼzʉnameʼ aseʼ pari akwákumi anakʉngwasi ɉumamʉ ipana una achʉná anʉkʉzareʼki, eméy nikʉnʉngwa ni yanari gugín inʉ ʉnchunha ʉwa naʼnó aʼchwʉya nʉnna. 24 Moisés ta na’nó aʼzʉnameʼ, achʉna anaʼzaniseʼri, faraón zʉbúgʉmʉ zʉgʉmʉsinʉ keykumʉngwa rinreʼgauʼ nʉnna. 25 Emi kwéy ʉwa neykasin ʉnkuzachoʼsi tanʉ reʼkusa níkʉkwa gwasi, Niwipáw zʉpowru chʉwi aʼzanʉn nukʉndi ayeygwi aʼzanʉngwa nari ʉnkaʼguka una, 32 Eygwi azi yʉnawe. Gedeón, Barac, Sansón, Jefté, David, Samuel awiri iʼngeygwi profeta sí waseykwari awkin zanikuʼ gwʉn nanʉndi.