• Isaías 40:3-5
    Biblia Aymara. Machaq Mundon Jakirinakataki

    •  3 Mayniw wasaran akham sasin arnaqasiski:

      “¡Jehová Diosan thakip wakichapjjam!+

      Diosasatakejj mä cheqa thaki+ wasaran lurapjjam.+

       4 Taqe vallenakas laqʼamp phoqantatäpjjpan,

      taqe qollunakasa jiskʼa qollunakas pampachatäpjjpan.

      Jan sarnaqañjam oraqejj planochtʼatäpan,

      jan sarnaqañjam oraqejj pampa lugarar tukuyatäpan.+

       5 Jehová Diosajj kunja kʼajkirisa ukajj qhanstayatäniwa,+

      taqeniw uk uñjapjjani,+

      kuna laykutejj Jehová Diosan lakapaw ukham arsu” sasa.