Deuteronomio
33 Cheqpach Diosan Moisés serviripajj aka bendicionanakwa israelitanakatakejj janïr jiwkasajj arsüna.+ 2 Jupajj akham sänwa:
“Jehová Diosajj Sinaí qollutwa jutäna,+
Seír qollutpachwa jupanakjjarojj kʼajtanïna.
Parán sat lugarankir qollunakatpachwa kʼajkir qhanapampi kʼajtanirakïna,+
waranqa waranqa angelanakaw* jupampïsipkäna,+
kupëjjapanjja guerran nuwasirinakaw jupampïsipkarakïna.+
5 Diosasti Jesurunan* reyipäjjänwa,+
kunapachatï markan pʼeqtʼirinakapajj tantachasipkäna,+
Israel markan taqpach tribunakapajj tantachasipkäna ukhaw reyipäjjäna.+
7 Ukatjja Moisesajj aka bendicionwa Judá tributakejj arsüna:+
“Jehová Dios Tata, Judá tribun arup istʼam,+
ukatjja markapar kuttʼayanjjam.
Kunatï jupankki ukjja chʼamapampiw jupajj jarkʼaqäna,
enemigonakap contra nuwasiñatakejj yanaptʼakimaya”+ sasa.
8 Leví tributjja akham sarakïnwa:+
“Dios tata, Tumim ukhamarak Urim*+ ukanakajj jumat jan jitheqtir chachankiwa,+
Masá+ lugaranwa juparojj yantʼayätajja.
Meribá+ lugarankir uma jakʼanwa jupampejj nuwasiñ qalltayätajja,
9 Leví tribunkir chachajj akham sasaw tatapatsa mamapatsa säna: ‘Janiw nayajj jupanakar sum uñjkayätti’ sasa.
Jilanakapar jan uñtʼiriw jupajj tuküna,+
pachpa wawanakaparus janiw yäqkänti.
Jupasti arunakamarojj istʼänwa,
pactomsa phoqarakïnwa.+
10 Kunanaktï jumajj Juezjam amtkta ukanak jupay Jacobur yatichpan,+
juparakiy Israel markarojj Leyimat yatichpan.+
Jupay wali suma olorani incienso jumatak loqtpan,+
juparakiy phoqatpach mä ofrenda altaraman loqtpan.+
11 Jehová Dios Tata, chʼam churasay juparojj bendisim,
kuntï amparanakapajj lurki ukanakatjja kusisimaya.
Jupa contra saytʼasipki ukanakan kayunakapsa* pʼakiram,
ukhamat jupar uñisirinakajj jan jukʼamp saytʼasipjjañapataki” sasa.
12 Benjamín tributjja akham sarakïnwa:+
“Jehová Diosan munatäki ukajj jupamp chika jan ajjsarasa jakpan,
uru jurnäla jupar jarkʼaqkani ukhajja,
kallachinakapjjanwa jupajj jakani” sasa.
13 José tributjja akham sarakïnwa:+
“Jehová Diosay jupan oraqep bendispan,+
kunanakatï alajjpachan sumäki ukanakamp bendispan,
sullampi ukhamarak oraq manqha sarir umanakampi bendispan,+
14 kuna sumanakatï intin qhanapampi achki ukanakamp bendispan,
sapa phajjsejj achoqki ukanaksa bendisirakpan,+
15 kuna sumanakatï nayra qollunakan* utjki ukanakampi,+
kuna sumanakatï jaya tiemponi qollunakan utjki ukanakamp bendispan,
16 kuna sumanakatï oraqen utjki, oraq phoqantkaraki ukanakampi,+
khititï chʼapi taypin uñstki ukan aprobacionapampi bendispan.+
Uka bendicionanakajj Josean pʼeqepjjar jutpan,
jilanakap taypit ajllitäki ukan pʼeqepjjar jutpan.+
17 Jupan chʼamapajj nayraqat nasiri mä toron chʼamapjamawa,
wajjranakapas mä salvaje toron wajjranakapjamawa.
Uka wajjranakapampiw markanakarojj nuktʼani,*
oraq tukuykamaw taqe uka markanakarojj nuktʼani.
Wajjranakapajj Efrainan ejercitopankir waranq waranqa chachanakjamawa,+
Manasesan ejercitopankir waranq waranqa chachanakjamawa” sasa.
18 Zabulón tributjja akham sarakïnwa:+
“Zabulón, mistüwinakamatjja jumajj kusisim,
Isacar, jumajj carpanakaman kusisim.+
19 Jupanakajj qolluruw markanakar jawsapjjani.
Uka qollunwa Diosarojj taqe chuyma sacrificionak loqtapjjani.
Jupanakasti kunanakatï wali valoranïki waljäkaraki ukanakwa lamar qotanakat apsupjjani,
imantat wali valorani yänakwa* chʼallat apsupjjarakini” sasa.
20 Gad tributjja akham sarakïnwa:+
“Gad tribun qorpanakap jachʼaptayki ukajj bendisitäpan.+
Jupasti mä leonjamaw ukan winktʼasi,
ampar apaqañatakis listokiwa, jïsa, pʼeqe apaqañatakis listokirakiwa.
21 Kunatï oraqet sumäki ukwa jupatak ajllisini,+
khititï leyinak churirïki ukaw uka oraqet sumäki uk yaqhacharapi.+
Marka pʼeqtʼirinakapaw tantachasipjjani.
Kunatï Jehová Diosatakejj cheqapäki ukwa jupajj phoqasiyani,
kunanaktï Diosajj Juezjam amtki ukanakwa Israel markan phoqasiyarakini” sasa.
22 Dan tributjja akham sarakïnwa:+
“Dan tribujj mä leonan qallupawa.+
Basán lugaratpachwa jupajj thoqtanini”+ sasa.
23 Neftalí tributjja akham sarakïnwa:+
“Neftalí tribujj Diosan suma uñjatätap laykojj kusisitawa,
Jehová Diosan bendicionapampis phoqtʼatarakiwa.
Oraqjja inti jalanta toqempi aynach toqempwa* katunti” sasa.
24 Aser tributjja akham sarakïnwa:+
“Aser tribujj wawanakampi bendisitawa.
Jilanakapampi suma uñjatarakïpan,
kayunakapsa aceitemp jawintaspan.*
25 Punkunakaman seguronakapas hierrota cobreta luratawa,+
taqpach urunakamanjja jan ajjsarasaw jakasirakïta.
26 Jesurunan+ cheqpach Diosapjamajj janiw yaqhajj utjkiti,+
jumar yanaptʼañatak alajjpachnam caballjjat sarki ukajj jupawa,
jachʼa reyjam qenayanak patnam caballjjat sarki ukajj juparakiwa.+
28 Israelajj jan ajjsarasaw jakani,
Jacobun wawanakapajj* jan ajjsarasaw jakasipjjani,
granonakani, machaq vinoni oraqenwa jakapjjani,+
alajjpachatsa sullaw sulljjatanirakini.+
29 ¡Israel, jumajj kusisitätawa!+
¿Khitirak jumjamajj utjisti?+
Juparakiw juman jachʼa espadamajja.