Job
17 ”Samanajajj* tukusjjewa, urunakajas chhaqtjjarakiwa.
Cementeriow nayar suyaskitu.+
2 Burlasirinakaw muyuntapjjetu,+
nayranakajasti kunjamsa jupanakajj kutkatasipjje ukwa uñjañaparaki.*
3 Mirä amp suma, nayar yanaptʼañamatakejj mä promesay luram.
¿Khitimpich nayar yanaptʼitaspa?+
4 Jumaw uka jaqenakan chuymapat amuytʼasirïñ imanttajja,+
ukatwa jupanakarojj jan jachʼañchktati.
5 Inas jupanakajj mä kunsa amigonakapar churapjjchispa,
ukañkamasti manqʼat pistʼañaw pachpa wawanakapan nayranakap chʼamaktʼayaski.
8 Uk uñjasasti cheqap jaqenakajj wali musparataw uñchʼukipjje,
jan juchani jaqesti jan wali jaqe* kawsajj wali mayjtʼataw uñjasiraki.
10 Ukampis taqe jumanakajj jutapjjam, ukanak mayamp arsusipkakim,
janiw nayajj ni mä yatiñan jaqerus jumanak taypin uñjkti.+
12 Jupanakasti arumarojj ururuw tukuyasipki,
‘chʼamakawa, qhanajj jakʼankañapawa’ sasaw sapjjaraki.
13 Nayatï suytʼäjja, Sepulturaw* utajäjjani.+
Nayasti chʼamakanwa ikiñaj jantʼaktʼäjja.+
14 Sepulturarojj+ ‘¡jumaw nayan tatajätajja!’ sasaw artʼäjja.
Laqʼonakarusti ‘¡mamaja, kullakaja!’ sasaw artʼarakëjja.
15 Ukhamasti ¿kawkinkisa nayan suytʼäwijajja?+
¿Khitis nayatak suytʼäwi utjatap uñjaspa?