Zacarías
14 “Urojj jutaskiwa, Jehová Diosan urupajj jutaskiwa, kunapachatï utjirinakamajj saqueysut yänakjam* juma taypin* jalanoqatäkani uka urojj jutaskiwa. 2 Taqe markanakaruw nayajj tantachthapëjja, ukhamat Jerusalén contra guerra lurapjjañapataki, markajj katuntatäniwa, utanakajj saqueysutäniwa, warminakas violatäpjjarakiniwa. Markankir jaqenakatjja chikataniw yaqha markar apatäpjjani, ukampis markankir jaqenakat jiltʼapkani ukanakajja, janiw markat chhaqtayatäpkaniti.
3 ”Jehová Diosajj mistuniniwa, uka markanak contraw guerra lurarakini,+ kunjamtï jupajj guerrasiñ urun nuwaski ukhama.+ 4 Uka urunjja Olivos qollunwa jupajj* saytʼasini,+ uka qollusti Jerusalén uñkatasinkiwa, inti jalsu toqena. Olivos qollojja chika taypitwa jaljtani, inti jalsut inti jalantkama,* qollun mä chikatapajja alay toqeruw* jittani, qollun mä chikatapasti aynach toqeruw* jittarakini, ukham jaljtatapatjja mä jachʼa vallew uñstani. 5 Qollunakaj taypinkki uka valleruw jumanakajj escapapjjäta, kuna laykutejj qollunakaj taypinkki uka vallejj Azel lugarkamaw purini. Jumanakajj escapapjjarakïtawa, kunjamtï Judá marka apnaqer Uzías+ reyin urunakapan terremoto utjatapat escapapkayäta ukhama. Nayan Jehová Diosajaw jutani, taqe khitinakatï santöpki ukanakaw jupamp chikäpjjarakini.+
6 ”Uka urunjja janiw kʼajkiri qhanajj utjkaniti:+ taqe kunas jan onjjtkiri tukuyatäniwa. 7 Uka urojja Jehová Diosan urupa sasin uñtʼatäniwa.+ Janiw urus ni arumas utjkaniti, arumthapirusti qhanaw utjani. 8 Uka urojja jakañ churir umaw+ Jerusalenat mistuni,+ chikat umajja inti jalsu toqenkir* qotaruw sarani,+ mä chikat umasti inti jalanta toqenkir* lamar qotaruw sararakini.+ Ukajja juntʼupachana ukhamarak juyphipachanwa pasani. 9 Jehová Diosajj oraqpachan Reyipäniwa.+ Uka urunjja Jehová Dios sapakiw adoratäni,*+ jupan sutipakiw jachʼañchatarakïni.+
10 ”Jerusalenat aynach toqenjja,* Gueba+ markat Rimón+ markakamajja taqpach oraqew Arabá+ lugarjam tukuni, Jerusalén markasti pachpa lugarapan jachʼañchatäniwa, jaqenakasti uka markanwa jakapjjarakini.+ Benjaminan Punkupat+ Nayrïr Punkukama, Esquin Punkukama, Hananel Torret+ reyin uvas chʼirwañ lugarapkamaw jakapjjani. 11 Jaqenakajja uka markanwa jakapjjani, janipuniw tukjatäñatakejj+ mayampis juchañchatäpkaniti, Jerusalenanjja jan ajjsarasaw jaqenakajj jakasipjjani.+
12 ”Jerusalén marka contra guerra lurapki taqe uka markanakarojja Jehová Diosajj aka usumpiw castigani:+ jakkirpacharuw jañchinakapajj ñusantani, nayranakapas pachpa lugarapanwa ñusantani, lajjranakapas laka pachpanwa ñusantarakini.
13 ”Uka urunjja Jehová Diosajj ajjsarañwa jupanak taypin utjayani, sapa mayniw jaqe masipar katuntani, maynit maynikamaw atacasipjjarakini.*+ 14 Judá markasa Jerusalenanwa guerran nuwasirakini, uka jakʼankir taqe markanakan utjirinakapaw apthapisini, qorimpi, qollqempi, walja isinakampiw apthapisini.+
15 ”Caballonakasa, mulanakasa, camellonakasa, asnonakasa, uka campamentonakankir taqe uywanakasa niya uka pachpa usumpi castigatäpjjaniwa.
16 ”Jerusalén markar atacapkäna taqe uka markanakat jiltʼir jaqenakajja, sapa maraw+ Reyin nayraqatapan altʼasiñatak* Jerusalenar makatapjjani, mä arunjja ejercitonakan Jehová Diosapan+ nayraqatapan altʼasiñatak makatapjjani, Ramanakamp Carpachasiñ Fiesta amtiriw makatapjjarakini.+ 17 Ukampis oraqen utjki uka familianak taypinkir mä jaqetejj Reyin nayraqatapar altʼasiñatak jan makatkani, mä arunjja ejercitonakan Jehová Diosapan nayraqatapar altʼasiñatak jan makatkani ukhajja, jupatakejj janiw jallojj purkaniti.+ 18 Egiptonkir jaqenakatï Jerusalenar jan makatapkani, janirak uka markar mantapkani ukhajja, janirakiw jallu katoqapkaniti. Jan ukasti jupanakajj usumpi castigatäpjjaniwa, kunjamtï Jehová Diosajj Ramanakamp Carpachasiñ Fiesta amtañatak jan makatapkani uka markanakar usumpi castigkani ukhama. 19 Egipto markasa Ramanakamp Carpachasiñ Fiesta amtañatak Jerusalenar jan makatir markanakasa ukham castigatäpjjaniwa, kuna laykutejj ukajj juchawa.
20 ”Uka urunjja, ‘¡Jehová Diosajj santo Diosawa!’+ sasin siski uka arunakajja caballonakan campanillanakapan qellqantatäniwa. Jehová Diosan utapan phayañ phukunakapajja+ altar nayraqatankir pʼujru* platonakar uñtasitäpjjaniwa.+ 21 Jerusalén markansa Judá markansa phayañatak taqe phukunakajja sagrador tukuyatäpjjaniwa, ejercitonakan Jehová Diosapankarakiniwa, taqe khitinakatejj sacrificio lurapkani ukanakajja temploruw mantapjjani, mä qhawqha phukunakjja aych wallaqeyañatakiw aptapjjarakini. Uka urunjja ejercitonakan Jehová Diosapan utapanjja janiw cananeonakajj* jukʼampejj utj-jjaniti”.+