Éxodo
15 Uka horasanjja Moisesampi israelitanakampejj aka cancionwa Jehová Diosarojj cantapjjäna:+
“Jehová Diosaruw nayajj cantäjja, jupajj wali jachʼañchatawa.+
Jupajj caballorusa caballot saririrus qotaruw jaqonti.+
2 Chʼamajasa chʼamañchirijas Jah* Diosawa, jupaw nayan salvirijajja.+
Jupaw nayan Diosajajja, nayajj juparuw alabäjja.+ Jupaw awkijan Diosapajja,+ nayajj juparuw jachʼañchäjja.+
3 Jehová Diosajj guerran nuwasiri wali chʼaman Diosawa.+ Jupan sutipajj Jehová satawa.+
4 Jupasti faraonan carronakaparusa ejercitoparus qotaruw jaqonti,+
faraonan guerran nuwasiri wali chʼamani jaqenakapas Mar Rojo qotamp chhaqtayataw uñjasipjje.+
5 Qotankir oladanakaw jupanakarojj chhaqtayi, mä qalar uñtataw jupanakajj qota manqhar chhaqantasin puripjje.+
6 Jehová Dios Tata, kupi amparamajj wali chʼamaniwa.+
Jehová Dios Tata, kupi amparamajj mä enemigorojj tʼunjaspawa.
7 Jumajj wali chʼamani Diosätawa, juma contra saytʼasipki ukanakarojj atipjtawa.+
Juman colerasitamajj mä ninjamaw nakhaski, mä pajar uñtasitaw juma contra saytʼasipki ukanakarojj nakhantaraki.
8 Mä samsutamampikiw qotankir umajj tantachthapisïna.
Umajj mä perqjamaw saytʼäna,
qota taypinsti oladanakajj mä pachpanakwa saytʼapjjäna.
9 Enemigojj akham sänwa: ‘¡Jupanakarusti arktäwa! ¡Jikjjatarakïwa!
¡Aparkä ukanaksa chuymas chuyma jikjjatasiñkamaw jalanoqarakëjja!
¡Nayajj espadajwa apsusï! ¡Nayan amparajajj jupanakaruw tʼunjani!’+ sasa.
10 Jumasti thayam phustʼanisaw jupanakarojj qotar chhaqantaytajja,+
jupanakajj plomo metalar uñtataw qota manqhar chhaqantapjje.
11 Jehová Dios Tata, ¡janiw jumjam yaqha diosanakajj utjkiti!+
¡Janirakiw jumjam wali santo Diosajj utjkiti!+
Jumajj ajjsarkañ Diosätawa, jumarukiw cancionanakampejj alabasiñapa, jumajj kunayman musparkañanakwa lurasktajja.+
12 Jumajj kupi amparam loqatatkayäta ukhajja, oraqew jupanakarojj manqʼantäna.+
13 Jumajj munasiñat jan jaytjasirïtamatwa salvankta+ uka markamarojj irpantajja.
Jupanakarusti chʼamampiw sagrado lugaramarojj irparakïta.
14 Taqe ukanakwa markanakajj istʼapjjañapa,+ uk istʼasajja jupanakajj sustjasiñatwa khatatipjjani,
Filistea oraqen jakirinakjjarus jachʼa llakisiñaw jutarakini.
15 Uka tiemponjja Edom oraqen tribu pʼeqtʼirinakajj wali sustjatäpjjaniwa,
Moab oraqe apnaqerinakas khatatipjjaniwa.+
Canaán oraqen taqpach jakirinakas aynachtʼapjjaniwa.+
16 Jupanakjjarojja jachʼa ajjsarañaw jutani.+
Jehová Dios Tata, chʼaman amparam uñjasajja jupanakajj mä qalar uñtasitaw jan onjjtapkaniti,
markamajj jupanak nayraqat paskani ukhakama,
jïsa, jumajj ajllkta uka markamajj+ jupanak nayraqat paskani+ ukhakama.
17 Jumaw markamarojj irpanïta, jumarakiw jupanakarojj qollumar puriyasajj uttʼayäta.+
Jehová Dios Tata, jumaw uka lugarjja ukan jakañatakejj wakichastajja.
Jehová Dios Tata, uka lugarajj mä santuariowa, jumaw ukjja amparamamp saytʼaytajja.
18 Jehová Diosajj mä reyjamaw wiñayans wiñayapatak apnaqani.+
19 Kunapachatï faraonan guerran nuwasiñatak caballonakapasa guerran nuwasiñatak carronakapasa ukhamarak caballonakat sariri jaqenakapas qotar mantapjjäna+ ukhajja,
Jehová Diosaw jupanakarojj umamp chhaqtayäna,+
ukampis israelitanakajj waña oraqnamaw qota taypejj makatapjjäna”.+
20 Ukatjja Aarón chachan Míriam sat profetisa kullakapajj mä panderetwa aptäna, ukatsti taqpach warminakajj panderetanak tuktʼasisa ukhamarak thoqtʼasisaw jupan qhepap sarapjjarakïna. 21 Chachanakajj cantapkäna ukarojja Miriamajj cantasaw jaysarakïna, akham sasa:
“Jehová Diosar cantapjjam, jupajj wali jachʼañchatawa.+
Caballorusa caballot saririrus qotaruw jaqonti”+ sasa.
22 Ukatjja Moisesajj Mar Rojo qotatjja jayaruw israelitanakar irpjjäna, jupanakajj Sur sat wasar toqeruw mistupjjäna. Wasarnamasti kimsa urunakaw sarapjjäna, ukampis janiw um jikjjatapkänti. 23 Ukatsti Mará* sat cheqaruw puripjjäna,+ ukampis uka cheqan utjkäna uka umjja janiw umtʼañ puedipkänti, wali jarütap layku. Ukatwa uka cheqarojj Mará sutimpejj uchasïna. 24 Israelitanakasti akham sasaw Moisés contrajj arusipjjäna:+ “¿Kunsa umañäni?” sasa. 25 Moisesasti Jehová Diosaruw artʼasïna,+ ukatjja Jehová Diosajj mä qoqan* ukaruw irpäna. Kunapachatï Moisesajj umar uk jaqontäna ukhajja, uka umajj mojjsa umaruw tukjjäna.
Kunanakatï uka cheqan paskäna ukanakjja, kunsa jaqenakat suyi uk yatipjjañapatakiw Diosajj mä uñachtʼäwjam jupanakatak jaytäna. Israelitanakajj jupar istʼapjjaniti janicha uk yatiñatakiw Diosajj uk luräna.+ 26 Diosasti akham sänwa: “Jumanakatï Jehová Diosaman arunakap taqe chuyma istʼapjjäta, jupa nayraqatansa kunatï cheqapäki uk lurapjjäta, mandamientonakaparus istʼapjjäta, taqe leyinakapsa phoqapjjarakïta ukhajja,+ janiw egipcionakarjamajj usunakamp castigapkämati.+ Naya Jehová Diosajj janiw jumanakarojj usuntayapkämati”+ sasa.
27 Ukatjja Elim lugararuw israelitanakajj puripjjäna, uka cheqanjja 12 uma jalsurinakampi 70 palmera qoqanakampiw* utjäna. Ukatsti jupanakajj uka uma jalsu jakʼaruw carpanakap saytʼayapjjäna.