Salmos

85 Jehová Dios Tata, oraqemarojj sum uñjtajja,+

Jacob chachan presot apat wawanakaparojj jumaw kuttʼayantajja.+

 2 Markaman pantjasitanakapjja jumajj perdontawa,

taqe juchanakapsa perdonaraktawa.*+ (Sélah).

 3 Taqpach colerasiñamampejj janiw atipayasktati,

wali colerasiñamsa maysaruw apanuktajja.+

 4 Nanakar salvir Dios Tata, mayampiy katoqtʼasipjjeta,*

nanakampi colerasitamjja maysar apanukum.+

 6 ¿Janit wasitat chʼamachtʼapkitäta,

ukhamat markamajj juma layku kusisiñapataki?+

 7 Jehová Dios Tata, munasiñat jan jaytjasirïtam uñachtʼayapjjakitaya,+

salvapjjakitaya.

 8 Kuntï cheqpach Jehová Diosajj siskani ukaruw nayajj istʼäjja,

kuna laykutejj Diosajj sumankañ toqetwa markaparojj parlani,+ mä arunjja jupat jan jitheqtirinakapar parlani,

ukampis jupanak pachpa jan sinti confiyasipjjañap janikiy munamti.+

 9 Khitinakatï Diosar ajjsarapki ukanakan salvacionapajj cheqpachapuniw jakʼankaski,+

ukhamat oraqesajj kʼajkir qhanapampi phoqantatäñapataki.

10 Munasiñat jan jaytjasiñampi confianzampejj jikisipjjaniwa,

cheqapampi sumankañampejj jampʼattʼasipjjaniwa.+

11 Jan jaytjasiñajj oraqetpachwa jiltani,

kunatï cheqapäki ukajj alajjpachanakatpachwa qhantʼanini.+

12 Jïsa, kunatï sumäki ukwa Jehová Diosajj churani,+

oraqesajj cosechapwa churarakini.+

13 Kunatï cheqapäki ukajj jupa nayraqatanwa sarnaqani,+

jupan chellqtatanakapatakejj mä thakwa lurarakini.