Salmos

28 Jehová Dios Tata, nayan Qarqaja,*+ jumaruw nayajj artʼasisinkaksma,

mirä amp suma, istʼakitaya.

Jumatï nayatak amukïskakïta ukhajja,

khitinakatï sepulturar saraqasipki ukanakjamäyäwa.+

 2 Yanap mayiñatak artʼasinksma ukhajj istʼakitaya,

santuariomankir Santísimo toqer amparanakaj loqtankta ukhajj istʼakitaya.+

 3 Janikiy jan wali jaqenakamp chikajj irpistati, janikiy jan wali lurir jaqenakamp chikajj irpistati,+

janikiy chuymanakapan jan walinak utjkipan jaqe masipar suma arunakampi parlapki ukanakamp chikajj irpistati.+

 4 Jupanakarojj luratanakaparjam castigam,+

jan wali luratanakaparjam castigam.

Amparanakapan lurataparjam castigam,

kuntï lurapki ukarjam castigam.+

 5 Kuna laykutejj jupanakajj janiw Jehová Diosan luratanakaparojj yäqapkiti,+

janirakiw amparanakapan luratanakaparus yäqapkiti.+

 6 Jehová Diosajj jachʼañchatäpan,

kuna laykutejj yanapa mayiñatak artʼasitanakajarojj istʼituwa.

 7 Jehová Diosaw nayan chʼamajasa+ escudojasa,+

chuymajajj juparuw confiyi.+

Nayasti jupan yanaptʼapwa katoqta, chuymajas kusisirakiwa,

ukatwa cancionajampejj jupar jachʼañchäjja.

 8 Jehová Diosaw markaparojj chʼam churi,

jarkʼaqarakiwa, ajllitaparus salvarakiwa.+

 9 Markamar salvam, herenciamar* bendisim,+

jupanakar awatim, amparanakamjjar wiñayatak aparakim.+