Job
30 ”Jichhasti jupanakajj nayatwa larusipjje,+
nayat sipans jukʼamp wayna chachanakäpjjewa.
Nayasti jupanakan tatanakaparojj janiw permitkiriskayätti,
ni tamaj uñjapkäna uka anunakamp chikäpjjañapsa.
2 ¿Kunjamarak amparanakapan chʼamapajj yanaptʼitänsti?
Jupanakan chʼamapajj tukusjjewa.
3 Jupanakajj pisin jakasiñampi manqʼat awtjatäñampi tukjatäpjjewa.
Kuntï waña oraqen jikjjatapki ukwa jankhipjje,
uka oraqejj qʼala tukjatäjjänwa, chʼusakëjjarakïnwa.
4 Jupanakajj jayukʼar qoranak alinak taypit apthapipjje.
Retamanakan saphinakapaw jupanakan manqʼapajja.
5 Jupanakajj comunidadats jaqsutäpjjewa.+
Jaqenakajj mä lunthatarjamaw jupanakar arnaqapjje.
6 Jupanakajj barranco parkinakanwa jakapjje,
oraqen pʼiyanakapana, qarqanakan* pʼiyanakapana.
7 Alinak taypit arnaqasinipjje,
itapallu alinak taypinwa tantachtʼasipjjaraki.
8 Jan amuytʼasiri jan kunatak serviri jaqenakan wawanakapjamaw
markat alisnukut* uñjasipjje.
9 Ukampis jichhajj cancionanakapans nayatwa sawkasipjjetu.+
Jupanakan jiskʼachataw uñjasirakta.+
10 Jupanakajj nayat ajjtasipjjewa, nayats jayankapjjarakiwa.+
Janirakiw ajanujar thuskatañs ajjsarapkiti.+
11 Kuna laykutejj Diosaw nayarojj jan chʼamanir tukuyitu,* humillarakitu.
Naya nayraqatan kuns arsusipkakiwa.*
12 Kupëjjajarojj walja jaqenakaw naya contra saytʼasipjje,
jupanakajj nayaruw escapayapjjetu.
Nayar tukjañatakiw wakichtʼasipjjaraki.
13 Jupanakajj thakinakaj jiskʼa jiskʼa tukjapjje,
jukʼampikiw aynachtʼayjjapjjetu,+
jan khitin jarkʼataw ukanak lurapjje.*
14 Jachʼa qʼasantat perqa taypis pasapkaspa ukhamaw jupanakajj mantapjje,
mä tukjat lugararuw mantapjjaraki.
15 Ajjsarañaw nayarojj aynachtʼayitu,
honrajas thayampjam apatawa,
salvasiñajas mä qenayar uñtasitaw chhaqtjjaraki.
19 Diosajj ñeqʼeruw jaqtitu,
laqʼampir qhellampiruw tukuyitu.
20 Yanaptʼayasiñatakiw jumar wal artʼasinsma, ukampis jumajj janiw jayskistati.+
Ruwtʼasiñatakiw saytʼasta, ukampis jumajj uñtanikistawa.
21 Jan sinttʼasisaw naya contra saytʼtajja,+
amparaman taqe chʼamapampiw naya contra saytʼtajja.
22 Jumaw nayar aptasajj thayamp chik apistajja,
ukatsti mä jachʼa thayan tukjarakistajja.
23 Nayajj yattwa, jumaw nayarojj jiwañar apitäta,
kawkjantï taqe jakirinakajj tantachasipkani uka utaru.
24 Ukampis janiw khitis mä llakit jaqerojj nuwantkaspati,*+
jan waltʼäwinkkasin yanaptʼayasiñatak arnaqaski uka jaqeru.
25 ¿Janit nayajj jan walinakan uñjasipki* uka jaqenakatjam jachaqtʼaskayätjja?
¿Janit nayajj mä pobre jaqetjam llakiskarakiyätjja?+
26 Nayajj kunatï sumäki uksa suyaskchiyätjja, jan walïki ukaw purini.
Nayajj qhanarus suyaskchiyätjja, chʼamakakiw purini.
27 Naya manqhan kunanakatï wal llakisiykitäna ukanakajj janiw tukuskänti.
Tʼaqesiñ urunakanwa nayajj uñjasta.
28 Nayajj wali llakitaw uks aks sarnaqta,+ janirakiw intin qhanaps uñjañ puedkti.
Tantachtʼat jaqenak taypin sartasisaw yanaptʼayasiñatak arnaqasta.
29 Chacal sat animalanakan jilaparuw tukta,
avestruz sat animalan phuchanakapan masiparuw tukurakta.+
30 Jañchi lipʼichijajj chʼiyarakëjjewa, jalaqtjjarakituwa.+
Chʼakhanakajajj ninjamaw calorat* nakhi.
31 Arpajasti wali llakin uñjasipki ukanakatakikiw apnaqasi,
flautajasti* khitinakatï jachapki ukanakatakikiw tuktʼasiraki.