Eclesiastés
1 Tantachthapirin* arunakapa,+ jupajj Davidan yoqapawa, Jerusalén markan apnaqer reyirakiwa.+
2 Tantachthapirejj akham siwa: “¡Inamayakiwa!
¡Inamayakiwa! ¡Taqe kunas inamayakiwa!”+ sasa.
3 ¿Wali chʼam tukusin trabajisajj kunrak mä jaqejj jikjjataspasti,
4 Mä tiempon jakir jaqenakajj sarjjapjjewa, yaqhanakaw jutapjjaraki,
5 Intejj mistuniwa,* ukatjja intejj jalantjjarakiwa,
ukatsti jankʼakiw kawkjattï mistunki ukar kuttʼasajj mayampi mistuniraki.+
6 Thayajj aynach toqeruw sari, ukatjja alay toqeruw* muytaraki.
Thayajj jan saytʼasaw muyus muyus sari, thayajj muyuskakiwa.
7 Taqpach jawiranakajj lamar qotaruw mantapjje, ukampis lamar qotajj janiw phoqarkiti.+
Jawir umanakajja kawkjattï saraqanipki uka lugararojj wasitampiw kuttʼapjje, ukhamat wasitat saraqaniñataki.+
8 Taqe kunas qariyasiwa,
uka toqet parlañatakejj janiw arunakas utjkiti.
Nayrajja kuntï uñjki ukampejj janiw contentaskiti,
jiñchojja kuntï istʼki ukampejj janirakiw contentaskiti.
9 Kunatï luratäkäna ukajj ukhamäskakiniwa,
kunatï luraskäna ukajja mayampiw lurasirakini,
10 ¿“Uñjam, akajj machaqawa” sasin maynejj saspati?
Ukajj nayratpachaw utj-jjäna,
jiwasat sipansa nayraw utj-jjäna.
11 Janiw khitis nayra tiempon jakir jaqenakat amtaskiti,
qhepat jutapkani uka jaqenakatsa janirakiw khitis amtaskaniti,
jutïrin jutapkani uka jaqenakas janirakiw uka jaqenakat amtasipkaniti.+
12 Naya tantachthapirejj Jerusalenanjja Israel markan reyipätwa.+ 13 Taqe kunanakatï aka oraqen luratäki ukanakjja yatiñamp+ yatjjatañataki ukhamarak investigañatakiw taqe chuym nayajj chʼamachasta,+ uka llakisiyir luräwinakjja Diosaw jaqenakarojj churi, uka luräwinakampiw jaqenakajj wali ocupatäsipki.
14 Taqe kunanakatï aka oraqen* luraskäna ukanakwa nayajj uñjayäta,
ukatsti akwa nayajj amuyayäta: taqe kunas inamayakiwa, thayar katthapiñampi sasikiwa.+
15 Kunatï qʼewinukutäki ukajj janiw cheqaptayaskaspati,
kunatï jan utjki ukajj janiw jaktʼaskaspati.
16 Ukatjja chuymajan akham sayätwa: “Nayajj wali yatiñani jaqëjjtwa, Jerusalén markan nayat nayra jakapkäna ukanakat sipansa jukʼamp yatiñanïtwa,+ chuymajasti yatiñsa uñtʼañsa wal jikjjatäna”+ sasa. 17 Ukatjja yatiñanïñ toqetsa, loqhe jaqëñ toqetsa,* jan amuytʼasir jaqëñ toqetsa taqe chuym yatjjatañatakiw chʼamachasiyäta,+ ukanakasti thayar katthapiñampi sasirakiwa.
18 Kuna laykutejj wali yatiñanïñajja walja llakisiñanakwa apani,
ukhamajj khititï yatiñap jiljjattayki ukajja llakinakwa jiljjattayaraki.+