Aka yatichäwinakaniwa

Cosasanak thaqhañat sipansa ‘Diosan Reinop nayraqat thaqhapjjam’ sasaw Jesusajj yatichawayistu. ¿Kunas taqe kuna jan munañatakejj yanaptʼistani? Kunatï jukʼamp wakiskirïki uk lurañatakejja, ¿kunsa jakäwisan lursna? Ukatakejj Jesusan Wali Uñtʼat Arstʼäwipat yatjjatañäni, ukasti Mateo 6:25-34 qellqatanwa jikjjatasi.

Aka qhepa urunakanjja, kunatsa akapachan tukusiñap wali amuyumpi suyañasa uka toqetwa Jesusajj ewjjtʼawayäna, cristianonakajj uka ewjjtʼar istʼañasawa (Mat. 24:42). Ukatakisti akapachajj tʼunjatäkani uka uru jan wakichtʼat suyañatakejj kunanakas jan waltʼayistaspa ukanakatwa amuyasiñasa. Aka yatichäwiw kunas wakichtʼat suyañatakejj yanaptʼistani ukanak qhanañchaski.

Aka pä yatichäwinakajja, kunjamsa Diosan khuyapayasiñapajj walja toqet yanaptʼistu ukwa qhanañchi. Ukatjja, kunjamsa Diosan khuyapayasiñapajj jaqenakar yanaptʼaspa uk yatiyañatakis chʼamañcharakistuwa. Ukhamatwa Diosan khuyapayasiñapat yuspäratas uñachtʼaysna.