Revistanakasax kunayman jaqinakar purtʼañatakiwa
1. ¿Kunjamsa Amuyasiri Chiqapa Uywatax apóstol Pabljam jaqinakar purtʼaski?
1 Kunjamtï apóstol Pablox taqi kasta jaqinakar jikxatañatak kunaymanit Diosan yatiyäwinakap yatiykänxa, ukhamarakiw Amuyasiri Chiqapa Uywatax revistanakamp taqi kasta ukat kunayman amuyuni jaqinakar purtʼaski (1 Cor. 9:22, 23). Ukhamasti, Yatiyañataki ukat ¡Despertad! revistanakamp sum yatiyañatakixa, khitinakatakjam lurtʼatasa ukwa sum yatiñasa.
2. ¡Despertad! revistaxa, ¿khitinakar purtʼañatak wakichtʼatasa?
2 ¡Despertad! revistaxa, apóstol Pablox ‘Atenas markankir tatanakar’ parlkäna uka kasta jaqinakar purtʼañatakiwa (Hech. 17:22). Uka jaqinakaxa janiw kunsa yupaychañ tuqit yatipkänti ukat janirakiw Qullan Qillqatanakan yatichäwinakapatsa yatipkarakïnti. ¡Despertad! revistaxa, niya uka kasta jaqinakar purtʼañatak lurtʼatarakiwa. Inas jupanakax yupaychañ tuqit jan kuns yatipkchiti jan ukax pächasipxchi ukat kunja askis Biblian yatichäwinakapax uks inas jan yatipkarakchiti. Ukhamasti, ¡Despertad! revistaxa chiqpach Diosan utjatap iyawsapxañapataki wakichtʼatawa. Ukhamarusa, Qullan Qillqatanakar atinisipxañapataki ukat Jehová Diosan Qhanañchirinakapax yaqha religionanakat mayjäpxatap amuyapxañapatak yanaptʼañatakirakiwa.
3. Yatiyañataki yatiyir sarañataki ukat taman yatxatañataki revistanakaxa, ¿khitinakatakjam lurtʼatasa?
3 Yatiyañataki (yatiyir sarañataki) revistaxa, Diosaru ukat Bibliar iyawsapki uka kasta jaqinakar purtʼañatakiwa, ukham jaqinakaruw apóstol Pablox “Tatitur axsartas sarnaqir jaqinaka” sasin säna (Hech. 13:14-16). Jupanakax Biblian yatichäwinakapxa mä qhawqha yatipxiwa, ukampis janiw sumpach amuytʼapkiti. Yatiyañataki (taman yatxatañataki) revistaxa, Jehová Diosan Qhanañchirinakapatak luratawa. Khitinakarutï apóstol Pablox cartanakap qillqkäna ukanakax Qullan Qillqatanakat yatipxatapa ukat kunatï chiqäki uk yatipxatapsa sum yatïna (1 Cor. 1:1, 2). Ukhamarakiwa Yatiyañataki (taman yatxatañataki) revistaxa, khitinakatï tantachäwinakasar jutapki ukat kuna arunaksa tama taypin apnaqasi ukat ukax kun sañs muni uk yatipxi ukanakatak luratawa.
4. Kawkïr revistanakampitï yatiyktan ukanakatxa, ¿kunatsa sumpach yatxatañasa?
4 Yatiyktan ukhax Yatiyañataki ukat ¡Despertad! revistsa churañatak uñachtʼaykstanxa, mä revistatakwa sumpach qhanañchtʼtanxa. Ukatwa sapa mayni revistanakat sumpach yatxatañatak chʼamachasiñasa. Ukhamatakwa kuna tuqitsa jaqinakax yatiñ munapxaspa ukarjam qhanañchtʼañäni.