Yatiyañatak yanaptʼanaka

Abril phajjsin nayrïr sábado urun Bibliat yatichañ qalltañataki

“Jichhürunakanjja walja jaqenakaw Jesusan nasïwip amtapjje, ¿uk yatiyätati? Ukat ¿Jesusan jiwäwip amtañajj janit wakiskaspa?” Kamsanis uk istʼäta. Ukjjarusti, Yatiyañataki abril-junio, 2012, revista uñjjattʼayasajja, 16 janankki uka nayrïr jisktʼat yatjjattʼapjjäta, ukat Bibliat apstʼat mä jiskʼa tʼaqwa liytʼarapirakisma. Ukatsti ukjjankki uka jisktʼar qhanañchañatakejj kunürus kuttʼasma ukwa jupamp amtapjjäta.”

Yatiyañataki Abril-junio

“Jichhürunakanjja Armagedón toqetjj kunayman jaqejj parlapjje” ukampis jaqenakajj jan Armagedón utjañapatakejj ¿kuns lurapjjaspati? [Kamsanis uk istʼäta.] Kawkitsa Armagedón siski uka arojj jutpacha uk uñjañäni [Apocalipsis 16:16 liytʼarapita, ukat revistan nayrïr janap uñachtʼayäta] Aka revistaw Bibliajj kamsis uka toqet uk qhanañchtʼaski.”

¡Despertad! Abril

“Jaqenakar yanaptʼañ amtampiw visiptʼasipkta. Jichhürunakanjja, kunayman jan waltʼäwinakanwa walja familianakajj uñjasipjje ¿uk amuytati? [Kamsanis uk istʼäta.] Uka toqet suma yanaptʼanak kawkins jikjjatsna uk uñjañäni [Salmo 119:105 liytʼarapïta]. Kunjamsa yaqha awkin jan ukajj yaqha taykan wawanakan familianakarojj Biblian yatichäwinakapajj yanaptʼawayi ukwa aka revistan qhanañchtʼaski.”