BIBLIAN SUMA YATICHÄWINAKAPA | ISAÍAS 1-5
‘Jehová Tatitun qollupar makatapjjañäni’
“Qhepa urunakansti” |
Jichhaw uka tiempon jakasktanjja. |
‘Tatitun templopäki uka qollu’ |
Jehová Diosar kunatï cheqäki ukampi yupaychaña. |
“Taqe markanakasti uka qolluruw jutapjjarakini” |
Kunatï cheqäki uk Bibliat yateqapki ukanakajja mayachtʼatäpjjewa. |
“Jutapjjam, Tatitun qollupar makatapjjañäni” |
Cheqpach cristianonakajj taqeniruw Diosar yupaychapjjañapatak invittʼapjje. |
“Jupajj jiwasar sarnaqäwinakap yatichañapataki, ukat uka thakipanjam sarañasataki” |
Jehová Diosajj Biblia taypiw yatichistu thakipanjam sarañatakis yanaptʼarakistuwa. |
“Janirakiw guerran nuwasiñatakis yatichäwinakjja katoqapkaniti” |
Isaías profetajja, Diosan markapajj sumankañ jakasipjjani sasin qhanstayañatakejja, guerran apnaqaski uka armanakjja trabajiñatak herramientanakaruw tukuyapjjani sasaw qhanañchäna. ¿Uka tiempon apnaqaskäna uka herramientanakajj kawkïrinakänsa? |
“Espadanakapjja qholliñ aradoruw tukuyjjapjjani” |
Qholliñ arador ñachʼkatatäkäna ukajj reja satänwa. Yaqhep rejanakajj metalat luratänwa (1Sa 13:20). |
“Lansanakapsti yawthapiñ hocenakaruraki” |
Mä hocejja ari metalat luratänwa, lawa katuñanirakïnwa. Ukajj uva alinak khuchurañatakiw apnaqasïna (Isa 18:5). |