Jehová Diosan suma amtäwip mara yatiyapjjañäni

‘Jehová Tatitun suma amtäwip marajj’ janiw cheqpach maräkiti

61:1, 2

• Jehová Diosaw suma chuyman jaqenakar mä qhawqha tiempo churi, ukhamat librëjjañatak yatiyasiski ukar istʼapjjañapataki.

• Nayrïr patak maranakanjja, ‘Diosan suma amtäwip marajj’ 29 maran Jesusajj yatiyañ qalltkäna ukhaw qalltawayi, ukat Jerusalén markajj 70 maran tʼunjata uñjaskäna ukhaw tukusiwayjjaraki.

• Jichha tiemponjja, ‘Diosan suma amtäwip marajj’ 1914 maran Jesusajj reyjam uttʼayatäkäna ukhaw qalltawayi, ukat jachʼa tʼaqhesïwi urunakajj purinkani ukhaw tukuyjjarakini.

Jehová Diosajj ‘jachʼa qoqanakampiw’ markapar bendisi

61:3, 4

• Hebreo arunjja, uka textojj jan kamachkaya jachʼa qoqanakatwa parlaski.

• Jachʼa qoqanakajj janiw saparstʼat jilapkiti, jan ukasti bosquenakan jilasajj jupanakkamaw yanaptʼasipjje.

• Uka qoqanakan jachʼa saphinakapajj wal kʼanthapisipjje, ukaw thayajj wal thaytʼanki jallus wal jalluntki ukhajj jan tinkupjjañapatak yanaptʼi.

• Jachʼa qoqanakajj wawa qoqanakaruw chʼiwjjasi, willirtki uka laphinakas oraqeruw wanuñcharaki.

‘Jachʼa qoqanakajja’, mä arunjja aka oraqenkasipki uka ajllitanakajj oraqpachankir jilat kullakanakaruw yanaptʼasipki, jarkʼaqasipkaraki.