Reinon qʼochunakapaw jan ajjsarirïñatak yanaptʼistu

Carcelan jistʼantatäpkäna ukhajja, Pablompi Silasampejj qʼochunakampiw Jehová Diosar jachʼañchapjjäna (Hch 16:25). Aka qhepa maranakanjja, campo de concentración de Sachsenhausen (Alemania nazi) ukansa, Siberia markar apatäpkäna ukhasa, jilat kullakanakajj ukhamarakiw Diosar qʼochupjjäna. ¿Kunsa ukajj uñachtʼayistu? Jan waltʼäwinakan uñjasktan ukhajja, qʼochunak cantañaw jan aynachtʼañatak yanaptʼistu.

Niyaw yaqha arunakan Cantemos con gozo a Jehová sat machaq qʼochuñ librojj utj-jjani. Uk katoqjjañäni ukhajja, pʼeqer yatsuñatakejj Bibliat familjam yatjjatasaw cantsna (Ef 5:19). Ukhamatwa jan waltʼäwinakan uñjaskañäni ukhajja, qollan ajayojj uka qʼochunak amtañatak yanaptʼistani. Reinon qʼochunakapajja, kuna suytʼäwinïktantï uk jan armañatakiw yanaptʼistu, jan waltʼäwinakan uñjasktan ukhas chʼamañchtʼarakistuwa. Taqe kunas sumakïskani ukhasa, kusisit jikjjatasitas laykojj taqe chuymaw uka qʼochunak cantañäni (1Cr 15:16; Sl 33:1-3). Ukhamajj qʼochunak sum yatsuñatak chʼamachasiñäni.

MÄ SUMA QʼOCHUW CADENANAKAR ATIPJI SAT VIDEO UÑTASAJJA, AKA JISKTʼANAKARUW QHANAÑCHTʼAPJJÄTA:

• ¿Kunjamanakan uñjasisas Frost jilatajj mä qʼochu qellqañ amtäna?

• Campo de concentración de Sachsenhausen ukankapkäna uka jilatanakarojja, ¿kunjamsa jilatan qʼochup istʼañajj chʼamañchtʼäna?

• ¿Kunapachanakansa Reinon qʼochunakapajj jumar chʼamañchtʼiristam?

• ¿Kawkïr qʼochunaksa pʼeqer yatsuñ munasma?