Jesusajj waljaniruw mä qhawqha discipulonakap toqe manqʼayi

32 maran janïr Pascua fiesta amtkasajja, Jesusajj mä milagro luräna, pusi Evangelionakanwa uka milagrot parlaraki.

Uka milagrojj kunjamsa Jesusajj jichhürunakan arkirinakapar yanaptʼaski ukwa amuytʼayistu.

14:16-21

• Jesusajj walja jaqenakar manqʼa churapjjañapatakiw discipulonakapar mayïna, ukatakejj phesqa tʼantʼampi pä chawllampikiw utjäna.

• Tʼantʼanakampi pä chawllampi aptasajja, Jesusajj mä oración luräna. Pachjasasti discipulonakaparuw churäna, jupanakajj jaqenakaruw lakirapjjarakïna.

• Taqeniw sistʼasiñkam manqʼapjjäna, ukhamatwa Jesusajj waljanir mä qhawqha discipulonakap toqe manqʼayäna.

  

• Jesusajja ukhamarakiw qhepa urunakan ‘tiempopar manqʼa churañapäna’ (Mt 24:45).

• 1919 maranjja, Jesusajj ‘suma phoqeri amuyasir esclavoruw’ uttʼayäna. Jupanakajj mä qhawqha ajllit cristianonakäpjjewa, Diosan ‘servirinakapjjaruw’ jupanakar uttʼayasïna.

• Jesusajja nayrïr patak maranakanjamarakiw mä qhawqha ajllit cristianonak toqe arkirinakapar yanaptʼaski.

Jehová Diosajj suma phoqeri amuyasir esclavo toqew servirinakaparojj yanaptʼaski. ¿Kunjamsa jupanakar respetatassa munasitassa uñachtʼaysna?