Jukʼamp sum yatichañataki chʼamachasim: Suma jisktʼanakampi yatichasa

KUNATSA WALI WAKISKIREJJA: Yaqhep jaqenakan amuyunakapajj wali manqha phujunkki uka umar uñtasitawa. Ukhamäki ukhajja, chuymapar purtʼañatakisa kunatï chuymapan utjki uk apsuñatakisa jisktʼanakaw yanaptʼistaspa (Pr 20:5). Sum jisktʼañäni ukhajja, jiwasampejj parltʼasiniwa, ukhamatwa kuntï amuyki ukanaksa yatirakiñäni. Jesusajj ukham lurirïna. ¿Kunjamsa jupat yateqassna?

¿KUNJAMSA LURSNA?

• Kunsa amuyi uk arstʼañapatak jisktʼam. Jesusajj kunsa discipulonakapajj amuyapjjäna uk yatiñatakejj jisktʼanakampiw yanaptʼayasirïna (Mt 16:13-16; be-S pág. 238 párrs. 3-5). Kunsa amuyi uk yatiñatakejj ¿kunjam jisktʼanakampis yanaptʼayasisma?

• Sum amuytʼañapatak jisktʼam. Mä kutejja, Jesusajj Pedron jan sum amuyatapwa cheqañchañ munäna, ukatwa sum amuyañapatakejj jisktʼanakamp yanaptʼäna (Mt 17:24-26). Mä jaqejj jan sum amuykchi ukhajja, ¿kunjam jisktʼanakampis sum amuytʼayasma?

• Jisktʼatajj arstʼchi ukhajj chʼamañchtʼam. Jesusajj mä escriban “wali amuyumpi arstʼatap istʼasajja” chʼamañchtʼänwa (Mr 12:34). Jisktʼamar qhanañchatap istʼasajja, ¿kuna arunakampis chʼamañchtʼasma?

KUNTÏ JESUSAJJ LURAÑ QALLTAWAYKI UK LURASKAKIÑÄNI: DIOSAN ARUNAKAP YATICHAÑÄNI SAT VIDEOTJJA NAYRÏR PARTE UÑTÄTA, UKATJJA AKA JISKTʼANAKARUW QHANAÑCHÄTA:

• Cheqaparjamas yatichkchïnjja, ¿kunatsa janiw sum yatichkänti sasin sissna?

• ¿Kunatsa arunakasampik jan qhanañchañasäki?

PAYÏR PARTE VIDEOT UÑTÄTA, UKATJJA AKA JISKTʼANAKARUW QHANAÑCHÄTA:

• ¿Kunjamsa jilatajj jisktʼanakampi yatichi?

• ¿Kunanaksa uka jilatat yateqaraksna?