Suma ewjjtʼanak jikjjatasmawa
“Taqpach Qellqatajj Diosan amuytʼayatawa” (2 Timoteo 3:16). ‘Amuytʼayata’ siski uka arojja, Taqe Chʼamani Diosaw Biblia qellqerinakan pʼeqenakaparojj jupan amuyunakap uchäna sañwa muni.
Diosajj ewjjtʼanakapampi yanaptʼayasisma ukwa muni
‘Naya Jehová Diosajj juman Diosamätwa, khititï juman askimatak yatichktam ukajj nayätwa, khititï sarañamäki uka thaknam irpktam ukajj nayätwa. Jumatï mandamientonakajar istʼasma ukhajja, sumankañamajj mä jawirar uñtasitäspawa, justiciamajj lamar qotan oladanakapjam jan tukuskirïspawa’ (ISAÍAS 48:17, 18).
Diosas uka arunak jumar siskiristam ukham amuytʼam. Chuymaman sumankañajj utjaspa, wiñayatak kusisit jakasisma ukwa Diosajj muni, ukanak jikjjatañatakis jupaw yanaptʼiristam.
Diosan ewjjtʼanakapajj jakʼamankaskiwa
“Taqe markanakanwa suma yatiyäwinakajj yatiyasini” (MARCOS 13:10).
Uka “suma yatiyäwinakajj” kuntï Jehová Diosajj arsuwayki ukanakawa. Niyaw jupajj tʼaqesiñanak chhaqtayani, aka oraqsa mä paraisoruw tukuyjjani, jiwat familiaranakasarusa amigonakasarus jaktayarakiniwa. Jehová Diosan Testigonakapajja, kuntï Bibliajj yatichki ukwa oraqpachan yatiyasipki.