Alaxpachankir mä reyiw bendicionanaka Uraqiru apanini

41 Jehová Diosaw alaxpachana Jesusarux Apnaqirit uttʼayi (Isaías 9:6; Daniel 7:13, 14; Hechos 2:32-36).

42 Jupaw Uraqpacharu apnaqani (Daniel 7:14; Mateo 28:18).

43 ¿Kunas kamachasini ñanqha jaqinakaruxa, uk amtasktati? (Salmo 37:9, 10; Lucas 13:5.)

44 Kuna sutinïnsa juchachasir nayrïri angelaxa, ¿uk amttati? Uka angelarusa yaqha ñanqha angelanakarusa Jesusax tukjaniwa. Amparampi lurat diosanakasa uñnaqanakasa tʼunjatäpxaniwa (Hebreos 2:14; Apocalipsis 20:2, 10).

45 Jesusax jaysasirinakatakixa walja askinakwa lurani (Hebreos 5:9).

46 Usuntañasa janiw utjxaniti (Isaías 33:24; Apocalipsis 22:1, 2).

¿Jesusax usutanakar qulläna uk amttati?

47 Taqi jaqinakawa aski yänakanïpxani (Isaías 65:17, 21-23).

48 Jiwatanakatsa Diosax amtasiwa. Jesusampiw wasitat jakañ churayani. Ukax jaktaniña satawa (Juan 5:28, 29; 11:25).

49 Niyakixay ñanqha jaqinakax chhaqtayatäxapxchinixa, janiw khitis jiwxaniti. Axsarayir animalanakasa uywanakjamäxapxaniwa. Taqiniw wiñayan wiñayapataki kusisita jakasxapxani (Apocalipsis 21:4; Isaías 65:25; Salmo 37:11, 29).