60 qʼuchu
Jupaw chʼamañchaskätam
1. ¿Diosax kunats chiqap arup yatichastamx,
chʼamak taypits qhanar irpsusintamx?
Diosar uñtʼas chiqap lurañ munatamaw,
juman chuymaman utjarakïnax.
Munañap sum phuqañ arsuwaytax,
ukat Diosax yanaptʼasiwaytamx.
(KUTXATAÑATAKI)
Criston wilapampiwa jum alasiwaytamx.
Jehová Diosarakiw chʼamap churaskätamx.
Juparakiw jichhas jutïrins irpaskätamx.
Jupaw chʼullqiñchätams chʼamachtʼasiskätams.
2. Jiwas laykux munat Yuqap luqtawayix,
¡Jehová Diosax walpun munasistux!
Juma laykux Yuqaps khitasiniwayiw,
¿janit jupax chʼamañchaskiristamx?
Jaqix luratamat armasispaw,
Diosax janipuniw armaskanit.
(KUTXATAÑATAKI)
Criston wilapampiwa jum alasiwaytamx.
Jehová Diosarakiw chʼamap churaskätamx.
Juparakiw jichhas jutïrins irpaskätamx.
Jupaw chʼullqiñchätams chʼamachtʼasiskätams.
(Uñxattʼarakismawa Rom. 8:32; 14:8, 9; Heb. 6:10; 1 Ped. 2:9.)