Sección 10 ukan qalltapa

Jehová Diosajj taqe kunjjar munañani Reyiwa. Jupaw taqe kuns apnaqe, wiñayatakiw ukham lurarakini. Amtañäni: Jehová Diosaw Jeremías profetarojj jan jiwañapatak mä uma estanquet salväna. Sadrac, Mesac, Abednego sat waynanakarus nakhaskir hornotwa salvarakïna. Daniel profetarusti leonanakan lakapatwa salväna. Ukhamarakiw Jehová Diosajj markapar salvañapatakejj Ester warmir yanaptʼäna. Ukhamasti Diosajj janiw jan walinakjja wiñayatak utjaykaniti. Jachʼa estatuat parlki uka profeciasa, jachʼa qoqat parlki uka profeciasa, kunjamsa Diosan Reinopajj taqe jan walinak niy chhaqtayani, kunjamsa oraqpach apnaqjjarakini ukanakwa uñachtʼayistu.