CANCIÓN 152
Jumar jachʼañchañatakiw aka utajj lurasiwayi
(1 Reyes 8:27; 1 Crónicas 29:14)
1. Jehová, wali chʼamanïtawa,
jumaw taqe kunsa lurtajj.
Chʼamamamp yanaptʼapjjakitay,
aka utan jachʼañchapjjämajj.
Sum sarnaqasaw jachʼañchapjjsma,
mayachtʼataw sum servipjjsmajj.
Aka utan uk uñjasajj, Jehová,
taqeniw wal musparapjjejj.
(PUENTE)
Jumïpanwa, Jehová,
taqe kuns katoqapjjta.
Aka suma utajj
wali suma lurataw.
(KUTJJATAÑATAKI)
Aka utajj jumatakiwa,
Jumar serviñatakïniw.
Taqe chuymampiw yuspärapjjsmajj,
wal jachʼañchanipjjaraksmajj.
2. Jehová, aka uta toqesa
jumar wal jachʼañchapjjämajj.
Taqe kasta jaqenakarus
wal yanaptʼasirakinejj.
Walja lurañaw utjapjjetu,
yanaptʼapjjetay, Jehová Dios.
Reinomat yatiyañatakis
wal chʼamachasipjjä, Jehová.
(PUENTE)
Jumatakipuniw
tiempsa apsusipjjäjja.
Jumakiw jachʼañchäw
katoqañamajj, Jehová.
(KUTJJATAÑATAKI)
Aka utajj jumatakiwa,
Jumar serviñatakïniw.
Taqe chuymampiw yuspärapjjsmajj,
wal jachʼañchanipjjaraksmajj.