BIBLIA TOQET JISKTʼANAKA
¿Khitinakas alajjpachar sarapjje ukat kunatakisa?
Walja jaqenakaw jiwjjasin alajjpachar sarañ munapjje. Jesusajja, apostolonakajajj alajjpachanwa jakasipjjani sasaw säna. Ukat jiwañap jakʼäjjäna ukhajja, mä utjäwi jumanakatak wakichä sasaw jupanakar sarakïna, ukhamat Awkipampïpjjañapataki. (Juan 14:2 liytʼäta.)
¿Kunatsa yaqhepanakajj alajjpachan jakañatak jaktapjjani? ¿Kunsa alajjpachan lurapjjani? Jesusajja, reyinakjamaw aka Oraqjjaru apnaqanipjjäta sasaw apostolonakapar säna. (Lucas 22:28-30 ukat Apocalipsis 5:10 liytʼäta.)
¿Suma jaqenakajj taqenit alajjpachar sarapjje?
Kunjamtï mä markajj mä jukʼa jaqenakampik apnaqatäkejja, ukhamarakiw aka oraqpachajj mä jukʼa ajllit jaqenakamp apnaqatarakïni, Jesusaw uka ajllitanakarojj alajjpachan jakapjjañapatak jaktayi (Lucas 12:32). Jupanakajj qawqhanïpjjesa ukjja, Bibliaw qhanañchi. (Apocalipsis 14:1 liytʼäta.)
Jesusaw mä utjäwi arkirinakapatakejj alajjpachan wakichi. ¿Kunsa jupanakajj ukan lurapjjani uk yattati?
Janiw jupanakakejj mä suytʼäwinïpkiti, jan ukasti Jesusan apnaqäwipar iyawsirinakajj wiñayatakiw Paraisoptayat aka Oraqen jakasipjjani (Juan 3:16). ¿Khitinakas ukan jakasipjjani? Aka ñanqha pachan tukjasïwipat qhespirinaka ukat paraison jaktanipkani ukanakaw ukan jakasipjjani. (Salmo 37:29 ukat Juan 5:28, 29 liytʼäta.)