Bibliat yatiqañ munirinakar jikxatañataki mä uru
1 Enero phaxsitxa, Bibliat yatiqañ munirinakar thaqañatakiw taqpach tamanakax chʼamachasipxani, ukasti sapa phaxsin nayrïri semana tukuyäspawa, inas sábado urüchispa jan ukax domingochispa. Ukampis janitï Bibliat yatiqañ munkani ukhaxa, Kunsa yatichi sat libro jan ukax jichhak purinki uka revistanak jaytañaw wakisispa. Taqpach irpir chuymaninaka ukat yanapirinakapampiw ukan irnaqtʼañatakix chʼamachtʼasipxañapa, ukat jilat kullakanakarus Bibliat yatiqirinïpxañapatakix yanaptʼapxañaparakiwa.
2 Irpir chuymaninakat pʼiqtʼirinakaw kawkïr semana tukuyas Bibliat yatiqañ munirinakar thaqañatakix sarapxani ukxa ajllipxañapa. Ukat sapakutiw tamarux amtayasiñapa, ukhamat jilat kullakanakax wakichasipxarakini, ukhamatwa utat uta yatiyir sarasas ukhamarak yatxatañ munirinakar kuttʼasas Bibliat yatiqir jikxatapxarakispa.
3 Kunjam wakichasiñäspasa. Nuestro Ministerio del Reino enero 2006 ukat Razonamiento a partir de las Escrituras, sat librot 11 ukat 12 jananakan jikxataski uka chiqanak uñakipañaw wakisispa. Jan ukax inas ¿Kunatï chiqäki uk yatiñ munasmati?, sat tratadomp yatiyañatakis wakichasirakchisma. Ukatsti, revista katuqirinakarux kunjamsa kuttʼasin Bibliat yatichañ qalltsna uka tuqitwa Diosan Apnaqäwipat Yatiyañataki agosto 2007 ukan 3 janapan jikxatasi, uka chiqwa uñxattʼarakisma. Ukat yatiyir mistkañäni ukürutakixa irpir chuymaninakaw yanapirinakampi maykipa sarayapxani, ukax tunka jan ukax tunka phisqani minutokïñapawa, ukanwa kunjamsa Bibliat yatiqirinïñataki qalltsna uk amtayasiñapa, ukat maya jan ukax pä demostracionampiw uñachtʼayasiñapa.
4 Chiqas janiw taqini yatiqañ munapkaniti, ukat yaqhipax qalltkasinsa tiempompix jaytxapxakiniwa. Ukampis kusisit irnaqaskakiñasawa, kunattix Jehová Diosaw jupanakarux markapar irpasinkani (Juan 6:44). Chiqpachansa, janiw Diosan arunakapxa satasin ukhamaki jaytjañasäkiti, jan ukasti saphintañapkamaw umamp irpxatañasaxa, mä arunxa llampʼu chuymani jaqinakaru Bibliat sumpach yatichañawa. Kunapachatï ukham lurtan ukhaxa, ‘Diosan yanapirinakapäpxtanwa’, uk amtañasawa (1 Cor. 3:9, MT).