Revistanakat kunjamsa parltʼasma

Yatiyañataki Abril-Junio

“¿Jiwatanakax jan waltʼayistaspati? [Kamsanis uk istʼäta.] Jiwatanakax janiw jan walinak lurkistaspati, jiwatatxa laqʼaruw tukxapxi siw Biblianxa [Génesis 3:19 liytʼarapïta]. Ukhamaxa khitinakas jan walinak luristu, ukwa aka yatichäwin qhanañchi.” Ukat 11 janankki uka yatichäwi uñxattʼayäta.

¡Despertad! Abril

“¿Wachuqa jucha lurapxatap layku walja matrimonionak jaljtapxatap yatiyätati? ¿Bibliankki uka iwxanakar istʼapxaspa ukhax janiw jaljtapkaspati sasmati? [Mateo 5:28 liytʼarapïta. Ukat kamsanis uk istʼäta.] Wachuqa jucha jan lurapxañapatakix Bibliampiw chacha warmirux yanaptʼasispa, ukwa aka yatichäwin qhanañchasi.” Ukat 28 janankki uka yatichäwi uñxattʼayäta.

Yatiyañataki Abril-Junio

“Wawanakar uywañax chʼamawa. ¿Kunas awk taykanakarux yanaptʼaspa? [Kamsanis uk istʼäta.] Aka iwxanakar istʼañaw yanaptʼaspa [Eclesiastés 4:9, 10, liytʼarapïta]. Chacha warmix jupanakkama yanaptʼasipxaspa ukhaxa wali kusisitaw jakasipxaspa, uka tuqitwa aka yatichäwix qhanañchi.” Ukat 18 janankki uka yatichäwi uñxattʼayäta.

¡Despertad! Mayo

“Doctoranakan churat qullanakaruxa (medicamentos) sintipuniw yatintasipki, mä arunxa ukak munasipki. ¿Kunatäpachasa? [Kamsanis uk istʼäta.] Qʼaxu wayn tawaqunakaw jukʼamp yatintasipki, kunatäpachasa ukxa Biblian qhanañachasi [Proverbios 13:20 liytʼarapïta]. Juma pachpasa familiamarusa kunjamsa uka tuqit yanaptʼasma, ukanakaw aka yatichäwin qhanañchasi.”