Revistanakat kunjamsa parltʼasma

Yatiyañataki Octubre-diciembre

“¿Suma chuymani jaqinakax taqinit alaxpachar sarapxani, kamsasmas jumaxa? [Kamsanis uk istʼäta.] Uka tuqit Bibliax akham siwa: [Salmo 37:11, 29 liytʼarapïta]. Llampʼu chuymani jaqinakax aka Uraqin jakasipxani sasaw Jesusax sarakïna, ukwa aka yatichäwix qhañchtʼaski.” 18 janakki uka yatichäwi uñxattʼayäta.

¡Despertad! Octubre

“Jichhürunakan walja familianakaw jan waltʼäwinakamp aynachtʼayat jikxatasipxi, ¿ukhamapunïskixaya? [Kamsanis uk istʼäta.] Biblianxa suma iwxtʼanakaw familianakatak utji, ukampis waljaniw uk jan yatipkiti, mä iwxtʼax akäspawa” [Bibliat apstʼat jiskʼa tʼaqax uka revistan uñstki uk liytʼarapïta]. Jichha phaxsitaki wakiyata aka revistaxa walja iwxtʼanakaniwa, ukat kawkïr familianakatï ukarjam lurapxani ukhax wali sumwa jakasipxani.”

Yatiyañataki Octubre-diciembre

“¿Taqinis llampʼu chuymanïpxaspa ukhax kunjamansa jakassna? [Kamsanis uk istʼäta.] Bibliax akham siwa: [Santiago 4:6 liytʼarapïta]. Llampʼu chuymanïñax chʼamakïchisa, ukham jaqinakarux kunjamsa Jehová Diosax uñji ukwa aka yatichäwix qhanañchtʼaski.” 20 janakki uka yatichäwi uñxattʼayäta.

¡Despertad! Noviembre

“Celulararusa computadorarusa jan ukax yaqha maquinanakarus jaqinakax wali yatintatäpxiwa. Ukampis ukanakaxa, ¿yanaptʼistuti jan ukax tiempcha apaqistu? [Kamsanis uk istʼäta.] Ina chʼusar tiempo jan aptʼañ tuqitxa Bibliax akham sistuwa: [Efesios 5:15, 16 liytʼarapïta]. Uka maquinanak apnaqañatakix qhawqha tiempsa apstʼassna uka tiqitwa aka revistan iwxtʼistu ukat kunjamsa mayninakar uñjañasa uka tuqitsa iwxtʼarakistuwa.”