La Biblia: historia exacta, profecía confiable

Bibliax sarnaqäwinak tuqit parlki ukax chiqpachapunïtapxa, ¿kunas uñachtʼayi? ¿Kuna profecianak phuqasitap uñjasasa jutïritakix utji uka profecianakax phuqasipuniniw sasin atinissna? Uka tuqit yatxatañatakixa, La Biblia: libro de hechos y profecías sat DVD uñtañamatakiw chʼamañchtʼanipxsma, uka discox kimsa videonakaniwa, ukanakat kimsïrix akïriwa: La Biblia: historia exacta, profecía confiable. Uka video uñtasaxa, aka jisktʼanakaruw qhanañchtʼäta:

1) ¿Khitin amuytʼayatas Bibliaxa? (Dan. 2:28.) 2) Bibliax nayra Egiptot qhanañchkäna ukaxa, ¿kunjamsa chiqätap uñachtʼayi, ukat kunjamsa Isaías 19:3, 4 qillqatax phuqasiwayi? 3) Bibliax Asiria markankirinakata, reyinakapata ukat markpach tukjatäñapat qhanañchkäna ukax chiqapätapxa, ¿kunjamsa arqueología tuqit yatxattʼatanakax uñachtʼayapxi? (Nah. 3:1,7,13.) 4) Babilonia tuqit profecianakaxa, ¿kunjamsa phuqasiwayi? (Jer. 20:4; 50:38; 51:30.) 5) ¿Kunjamsa Medopersxat profecianakax phuqasiwayi? (Isa. 44:28.) 6) Daniel 7:6 ukat 8:5, 8 qillqatanakan jikxataski uka arunakaxa, ¿kunjamsa Grecia markan phuqasiwayi? 7) Roma markax taqi markanakxaru chʼamani markar tukkäna ukhaxa, ¿kunjamsa Daniel 7:7 qillqatax phuqasiwayäna? 8) ¿Khiti Cesaranakatsa Bibliax parli? 9) Nerón chachax apnaqkäna ukhaxa, ¿kunjamsa cristianonakax jikxatasipxäna? 10) ¿Kunjamsa Apocalipsis 13:11 ukat 17:10 qillqatax phuqasiwayi? 11) ¿Khitimpi sasisa kimsaqallqüri reyixa? 12) Videotxa, ¿kuna chiqanakas Eclesiastés 8:9 qillqatax chiqätap uñachtʼayi? 13) ¿Kuna profecianakan phuqasiñapsa munasma? 14) Bibliax Diosan amuytʼayatapunïtap iyawsapxañapatakixa, ¿kunjamsa aka videompix yaqhanakar yanaptʼasma?